Jasua 1:8 - DAWAN BÎLA AISKA

⁸ Piua bani Dawan lâka bîla wauhkataya ba aisi kaiki bas, kakna bara tihmia bahara dîa daukaia ulban ba dauki kaia dukiara. Baku diara sut daukisma ba yamni baman takbia.

Jasua 1:8 ပူးပေါင်းရင်းမြစ်များ

Blasi Sturka 24:63

Bara witin tutni wiria kirhbi taki wan kan klimnu, bara kaikan kiamil nani ai lamara aula kan.

2 Kronikas 26:5

Trai munan Dawan lâka daukaia Sakaraya raya kata ba ra, kan witin bui smalkan Dawan ra kulkaia ba. Bara Dawan ra luki kan ba ra pâwanka nani manis brin kata.

Lawana Nani 119:11

Man bîlam aisinka nani ba kupi ra mangki briri, yang bui man mampara saura daukaia apia ba mata.

Lawana Nani 119:15

Man lâmka nani luki kaikamna ba ra, man yabalkam nani ra lukanki ba mangki brimna.

Lawana Nani 119:97

¡Nahki man smalkankam ra latwan kaikisni! Bahara yang yu aiska lukisna.

Lawana Nani 119:99

yang ai smalki uplika nani wal kanra tânka brisna, kan man lâmka nani dukiara kupi wal uya aisisni.

Lawana Nani 19:14

Bîli aisinka nani ba, kupi mununhtara lukisna ba sin, yarka man mamwanra briaia yamni kulkan kabia; Dawan, yang yukuwaiki walpaya tara, ai atki sasakra sma ba.

Lawana Nani 40:10

Man kasakkam lâka dahra ba, yang kupi ra yakan yukuki briras kapri; man kasak lukanka tânka ba ni, swaki wan sakisma dahra ba yang aisari, man kupiam pihni lâka ba, man bîlam aisinka kasak ba tânka sut, man uplikam nani aidrubanka tara ra aisari.

Sins Lâka 3:1

Luhpi waitna, smalkanki nani ba âmya tiwbiara; bara kupiam ra yarka lâika bîla nani ba alki yamni bribia,

Aiseya 59:21

Bara Dawan aisisa: “Yang lâika daukisa man nani wal yang karniki bara smalkanki, man nani bîlam ra mangkri ba, man bîlam wina taki wabia apia; man luhpiam nani bîla wina sin apia, man luhpiam nani bara luhpia nani bîla wina sin apia ban kaia ra.”

Matiu 12:35

Upla yamni ba diara yamni nani aisisa, ai kupia ra diara yamni baman sa bamna, upla saura ba diara saura nani aisisa, saurka ba ai kupia ra sa bamna.

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Matiu 7:21

“Baha nani yang ra ‘Dawan, Dawan’, ai wi nani ba baman lika kasbrika purara kingka tasbaya ra dimbia apia, sakuna ya ya Aisiki kasbrika purara ba kupia lâka dauki ba, baha nani lika.

Matiu 7:24

“Bamna ya ya yang bîli nani wali yang dîa wisna ba kat dauki kaka, upla sinskira kum ai watla walpa purara mâkan ba baku sa.

Luk 11:28

Witin pana aisin: —¡Kau yamni pali sa baha uplika nani Gâd bîla wali, ba kat dauki nani ba!

Jan 13:17

Bamna naha diara nani na tânka brih baha kat sin daukma kaka, lilia kama.

Jan 14:21

Bamna ani uplika lâika nani tânka brisa bara bîli kat wali daukisa kaka, witin param marikisa yang ra latwan ai kaikisa. Latwan ai kaiki uplika ra, Aisiki latwan kaikbia, bara yang sin latwan kaikamna, ban sin witin ra latan takamna.

Epesus 4:29

Sturi aisi banhwisma ba ra uplikam mapara bîla saura lika aisapara, sakuna hilp munaia bîla ni aisas, dîa witin want dukia ba yama bara baha wal pâwbia, bara bahmuna bîla aisaram wali uplika ba mapara hilpka pali sa.

Kli Smalkanka 29:8

Bara ai kuntri yawan wan mihta ra bri, Ruben masraka nani ra, Gâd masraka bara Manasés masraka nani ra sin yabri.

Kli Smalkanka 29:9

Baha mita, naha lâka aisin na daukaia man nani alki bri trai kaiks, bara diara sut dauki kama piua ra yamni baman kabia dukiara.

Kli Smalkanka 30:14

Baku daukaia watlika ra lâ nani ba man nani lamam pali kat sa. Man nani unam nani ra bara lukankam nani ra sa, man nani baha daukaia sip sma ba kat.

Kli Smalkanka 31:11

Israel uplika sut asla taki kabia piua ra, Dawan mita pliska bâk sakan ba ra, witin nani sut pali mawanra aisi kaikbia.

Kli Smalkanka 31:24

Moses naha lâka wauhkataya kum ra ulban ba ra,

Kli Smalkanka 5:1

Moses bui Israel luhpia nani sut asla paiwi, win: “Wals, Israel uplika, lâ nani naiwa maisam pakaisna ba. Pain lan taks, bara trai kaiki dauks.

Kli Smalkanka 5:29

Aitani kabia baku natka ra ban luki kaia, bara ai kulki lâika bîla nani sin yu bani ra ban bri kaia. Witin nani ai rayaka, ai luhpia nani rayaka sin yamni bribia.

Kli Smalkanka 5:32

Baku bamna trai kaiks, Dawan man nani Gâdkam bui adar maikan ba, baha wina tnaya ra tawpara.

Kolosi 3:16

Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas.

Jasua 1:7

Diara kumi baman yang bui man ra mamkabisna ba man daukaia sma, kupiam karna pali bri bapi bûi kama, naipakan Moses lâ nani daukaia maikan ba sut dauks. Lâka nani daukaia maikan ba, kumi sin daukras swipara; sakuna titikbi dauks, baku man bui diara sut daukisma ba yamni baman takbia.

Jasua 8:34

Baha ningkara Jasua lâ wauhkataya ba bîla kumi bani ba aisi kaiki kan upla nani ba walaia, yamni munanka bîla nani bara lahtubanka bîla nani ba sut.

Param Marikanka 22:14

Lilia pali sa ai kwalka nani tuski nani ba, raya kaia dusa ba wina briaia ai raitka briaia, bara sin durka nani bâk tawan ra dimaia sip kaia.