Jasua 1:6 - DAWAN BÎLA AISKA

⁶ Kupiam karna bri bapi bûi bas, naha uplika nani tasbaya ba man kulki kaiki kiamka kumi bani ra dukia yabaia sma bamna, tasbaya ba witin nani prapatika sika, ai damika nani ra yabaia yang pramis munri ba.

Jasua 1:6 ပူးပေါင်းရင်းမြစ်များ

Blasi Sturka 12:7

Bara Dawan bahara Ebram ra latan takan, bara win: “Man kiamkam ra yang naha tasbaya na yabamni.” Bara Ebram baha kat altar kum paskan Dawan dukia, Dawan bui witin ra latan takan ba mayunra yabaia dukiara.

Blasi Sturka 26:3

Nanara man ban tasbayam iwisma ba ra ban iwi bas; yang lika man wal kamna, yamniki maikamna, man kiamkam nani ra bara baku sin naha tasbaya nani sut ra yabamna; man aisikam ra pramis munatna ba pramiska kat daukamni.

2 Samuil 10:12

Kupiam lukra bri bas, wan kupia karna aiklabaia, wan nisanka nani ra luki, wan Gâdka tawanka nani ba ra sin lukaia. ¡Bara Dawan bui kau yamni kaiki ba kat wan daukbia!”

1 King Nani 2:2

“Yang mahka impakaia yabalka ra auna, upla sut wan yabalka ra. Bamna kupiam karna bri bas, bara sin waitna bas.

1 Kronikas 22:13

Diara sut mampa ra yamni kabia, Dawan bui Moses ra, Israel luhpia nani dukiara lâ nani yan ba aiska alki brima kaka, bamna kupiam karna brih pain bapi bûi bas, bara swapni taki si bripara.

1 Kronikas 28:10

Bamna, kaiks nanara, Dawan bui bâk mai sakan Dawan wal aisaia watla kum paskaia, ¡bamna dutki bûi mahka dauks!”

1 Kronikas 28:20

Bamna Debit bui Salaman ra win: “Kupiam karna bris bara karna bas, wark ba mihtam ra bris. Si bripara, swapni sin takpara. Kan Dawan Gâdki ba man wal kabia, witin yakan mai lulki swibia apia, tempel warkka ba sut dauki tnata alkma ba kat.

2 Kronikas 15:7

Sakuna man nani kupiam karna bris, bara sari taki banhpara, kan man nani warkkam ba mana yamni brima.”

2 Kronikas 20:11

Naha mana nanara wan aiklabisa, ai tasbaya wina kangbi wan sakisa, man tasba wankram kata wan dukia baku.

2 Kronikas 20:7

Wan Dawan, man mihtam kahbi sakram Israel luhpia nani mawanra, naha tasbaya luhpia nani ra yaram, ban kaia ra ban kabia, Ebraham kiamka man uplikam nani ba dukiara.

Lawana Nani 27:14

¡Dawan kat luki bas! ¡Lukankam swapni takbiara! ¡Ban, Dawan ra baman bîla kaiki luki bas!

Daniel 10:19

Bara ai win: ‘Si bripara, kupiam sin turban takpara. Gâd bui man ra latwan mai kaikisa. ¡Karna bas bara kupiam sin karna bris!’ “Kau ai aisi kan bara daihra walri karnika brisna, bara wîri: ‘¡Dawan, ai aisas, kan man bui karniki ba aikram sa!’

Hageo 2:4

¡Zorobabel, waitna bas! ¡Jasua prîs nani wihtka sma ba, waitna bas! Juda uplika man nani sut sin lukankam karna bris. ¡Wark taks, kan yang lika man nani wal sna! Karnika sut brisna Dawanka, yang aisisni.

Sakaraya 8:9

Dawan, karnika sut bri ba, naku aisisa: “Man nani, Dawan karnika sut bri ba tempelka kli mâkaia karna bûi bas; naha yua prapit nani dîa aisi ba walan sa, Dawan watla playka nani bapan ba dukiara.

Kulki Kaikanka 26:53

“Baha uplika nani nina wauhtaya ra ulban bani ba ra, tasbaya ba kulki yama witin numbika kulkan ba kat.

Kulki Kaikanka 33:53

Tasbaya ra ba pura lui, bahara iwi banhs, kan yang mita man nani mihtam ra mangkuna man nani bahara iwaia.

1 Korint 16:13

Man nani aihwaki bas, bara kasak lukan lâka ra bapi bûi banhwi bas. Waitna bas. Karnakira nani bas.

Epesus 6:10

Bara nanara, muihki nani, karna bas Dawan asla lâka ra, witinka karnika tara pali bri ba wal.

Kli Smalkanka 1:21

Dawan, man nani Gâdkam, naha tasbaya maikisa. Bara naha wina kainamra tasbaya ba, Dawan, man nani Gâdkam damikam nani ra win ba baku, man nani brih iwma. Bamna man nani si bripara dring sin prui banhpara.

Kli Smalkanka 1:8

Yang bui tasba ba man nani mihtam ra mangkri sa; man nani was bara tasbaya ba brih iws. Kan yang bui Dawan ra swer taki yabaia aisari, man nani damikam Ebraham, Aisak, Jekob bara ai kiamka nani ra sin.’

Kli Smalkanka 11:8

“Man nani lâ nani naiwa maikri ba kat dauks, bara man nani kuntri dakbi pliskam briaisma ba ra karna kama,

Kli Smalkanka 31:23

Jasua, Nun luhpia ra lika, naha adarka yaban: “Kupiam karna bri bapi bûi bas. Kan man sika Israel luhpia nani tâ brih waia sma kuntrika yabaia wîri ba ra, yang lika man tnamya ra kamna.”

2 Timoti 2:1

Bara man, luhpi, yawan na Kraist Jisas wal asla ba mita yamnika bri ba wina karnika bris.

Jasua 1:18

Man bui diara nani daukaia wima ba, daukaia apia wisi bîlam walras mampara bubia uplika nani ba lika, prubia. Bamna yang nani mamkabisna kupiam karna brih bapi bûi bas.

Jasua 1:7

Diara kumi baman yang bui man ra mamkabisna ba man daukaia sma, kupiam karna pali bri bapi bûi kama, naipakan Moses lâ nani daukaia maikan ba sut dauks. Lâka nani daukaia maikan ba, kumi sin daukras swipara; sakuna titikbi dauks, baku man bui diara sut daukisma ba yamni baman takbia.

Jasua 1:9

Yang sika mai blikisna kupiam karna bara bapi bûi kama dukiara. Si bripara, kupiam lukanka sin swapni takbiara, man ani anira wama ba, yang, man Dawankam bara man Gâdkam, man wal kamna.”

Jasua 10:25

Bara Jasua baha nani ra win: “Man nani si bripara, sirang sin iwpara, sakuna kupiam karna bas, karna sin bûi bas, kan Dawan naku sin daukbia man nani waihlam nani ba wal.”

Jasua 13:6

Sidón uplika nani ba Israel luhpia nani mihta ra mangkaisna, il biara ra iwi nani ba, Líbano wina Misrefot-maim kat. Man lika tasbaya ba sir munma, Israel luhpia nani anira iwaia ba, dîa yang mai wisna ba kat daukma.

Jasua 18:3

Bamna Jasua bui Israel luhpia nani ra win: “¿Dîa bîla kaikisma kau tasbayam briras, Dawan Gâdkam bui damikam nani ra yan ba?

Jasua 21:43

Baku sika Dawan mita Israel luhpia nani ra tasba sut yan ba, ai damika nani ra swer daukan ba kat, bara witin nani bahara takaski iwan.

Jasua 5:6

Israel luhpia nani ba upla iwras tasbaya bâk 40 mani watauki kan bamna, war aiklabaia manka bri kan waitnika nani ba sut pruan. Baha waitnika nani ba Dawan lâ daukan bîla ba wali daukras kan, baha mita Dawan bui witin nani ra swer taki win, tasba ai damika nani ra yabaia win ba tasbaya ra baha nani dimbia apia; baha tasbaya ra sika tialka laya bara nasma laya lî laiwi baku laiwisa.

1 Samuil 4:9

Bamna filisteo nani ba naku aisin: “¡Aiklabaia dukia nani ba alki bris, kupiam karna waitna baku aiklas, Israel luhpia nani albika takmara sîa, witin nani ba man nani albikam takan ba baku!”