Jasua 1:5 - DAWAN BÎLA AISKA

⁵ Rayakam yua nani sut ra upla kumi sin man nani wal aiklabi, puram lui mai batakbia apia; yang lika man nani wal kamna, Moses wal kapri ba baku, lamamra ban kamna bara lulki mai swimna apia ban kaia ra.

Jasua 1:5 ပူးပေါင်းရင်းမြစ်များ

Blasi Sturka 39:2

Sakuna Dawan Josep wal ban kan bamna, ai mapara diara sut yamni baman taki kan, witin ai dawanka Idsip waitnika ba watla ra iwi kan ba yua nani ra.

1 King Nani 1:37

Dîa natka ra Dawan king tara Debit wal kan ba baku, Salaman wal sim baku kabia, bara yaka ai kingka lâka ba sin kau tara daukbia, man king tara brisma ba purkara, dawanki Debit.

1 King Nani 11:38

Bara dîa mai wimna ba aman walma kaka, yabalki nani kat sin tauki kama kaka, naikra nani ra diara wapni ba kat daukma kaka, bara lâ nani mangkri ba bara lâika bîla nani ba alki kama kaka, albiki Debit daukan ba baku, yang lika man wal kamna bara utla kumi ban kaia ra bapi maikamna, bara sin Israel ba mihtam ra mangkamna.

1 King Nani 6:13

Bara yang watla na bilara kamna Israel luhpia nani lilapas ra, bara upliki Israel luhpia nani ba lulki swimna apia.”

1 King Nani 8:57

“Dawan wan Gâd ba, yawan aikuki kabia wan damika nani wal kata ba baku, bara wan lulki sin swibia apia,

1 Kronikas 28:20

Bamna Debit bui Salaman ra win: “Kupiam karna bris bara karna bas, wark ba mihtam ra bris. Si bripara, swapni sin takpara. Kan Dawan Gâdki ba man wal kabia, witin yakan mai lulki swibia apia, tempel warkka ba sut dauki tnata alkma ba kat.

Lawana Nani 46:11

¡Dawan karnika sut bri ba yawan nani wal sa! ¡Jekob Dawanka, yawan yukuwaika sa!

Impakan Sturka 3:12

Bara Gâd pana aisi, win: —Yang lika man wal kamni, upliki nani ba sut Idsip wina brih sakram kabia ba piua ra, man nani sut baha ilka kat bal yang ra mayunra aiki kama. Baha ba yang pali mita mai blikri ba tukinka kum kabia.

Aiseya 42:16

Bara blain nani ba witin nani kakaira apia, yabalka bâk tapahkamna, witin nani ai mawanra tihmia tara ba ingni daukamni, bara pruamni ba langni daukamna. Baha dîa daukaia aisisna ba kat daukamna.

Jirimaya 1:8

Man upla kum ra sin sîa briaia apia sma, kan yang lika man wal kamna kainam sunaia. Yang, Dawankam, aisisna.”

Daniel 11:16

Aiklabi dimi aula ba dîa ai brinka ba kat daukbia pura lui taiban nani ra, upla sin âpu kabia mawanra buaia, bara Tasba Pranakira ra takaskbia.

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Roman 8:31

¿Dîa kau yang nani wiaia sna ki? Gâd ba yawan wal sa kaka, ¿ya wan mapara buaia sip kabia ki?

Roman 8:37

Sakuna baha sut tilara, yawan na kau pura lalura sa, witin mita latwan wan kaikan bamna.

Kli Smalkanka 20:1

“Waihlam mapara man nani war aiklabaia taki wama ba ra, kaikrika witin nani ba aras nani, war aiklabaia waginka nani aikuki bara war aiklabaia daknika ailal brih aula kaka, si bripara, kan man nani lika Dawan Gâdkam wal sma, Idsip wina mai sakan ba.

Kli Smalkanka 20:4

kan Dawan Gâdkam ba man nani wal sa; baha mita witin bui man nani waihlam mapara aiklabi pura lui maikbia.’

Kli Smalkanka 31:23

Jasua, Nun luhpia ra lika, naha adarka yaban: “Kupiam karna bri bapi bûi bas. Kan man sika Israel luhpia nani tâ brih waia sma kuntrika yabaia wîri ba ra, yang lika man tnamya ra kamna.”

Kli Smalkanka 4:31

Witin kupia yamni sa, lulki mai swibia apia, man nani damikam nani wal aisi yan lâka ba ai âuya lap tikbia apia.

Kli Smalkanka 7:24

Ai kingka nani ba man nani karnikam mununhtara brima, bara man nani bui munrika tasba ra upla kumi sin witin nani dukiara ai kupia kraukbia apia. Man nani aiklabankam mapara kumi sin bubia apia, man nani mita âpu daukma.

2 Timoti 4:17

Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan,

Hibru Nani 13:5

Man nani lalah ra latwan kaikpara; man nani dîa brisma ba wal liliam bas, kan Gâd mita naku aisisata: “Yang sip ban mai swimna apia, mahka lulki sin mai swimna apia.”

Jasua 1:17

Bîlam wali dauki kamna, yang nani bui Moses bîla wali dauki kapri baku. Diara kumi baman brin wan daukisa, mamkabisna Dawan Gâdkam ba man wal kabia, Moses lamara ban kan ba baku.

Jasua 1:9

Yang sika mai blikisna kupiam karna bara bapi bûi kama dukiara. Si bripara, kupiam lukanka sin swapni takbiara, man ani anira wama ba, yang, man Dawankam bara man Gâdkam, man wal kamna.”

Jasua 10:8

bara Dawan Jasua ra win: “Witin nani ra si bripara, kan yang bui witin nani ba mihtam ra mangkamni, bara witin nani kumi sin mampara buaia karnika âpu kabia.”

Jasua 21:44

Dawan ba ai pramiska kat daukan bara tasbaya iwi kan ba sut ra kupia kumi lâka yan. Ai waihla nani bui mapara sip unsabras kan, Dawan mita baha nani ra pura luaia yan bamna.

Jasua 3:7

Bara Dawan Jasua ra win: “Naiwa wina, piua bani yang bui maikrika Israel luhpia nani mawanra, man diara kau tara nani dauki kama. Bara baku witin nani kaikbia yang lika man wal sna, naipakan Moses wal kapri ba baku.

Jasua 6:27

Dawan bui Jasua ra tâ baikan, bara witin wark daukan sturka ba baha tasbaya aiska ra upla sut walan.

Wihta Nani 2:18

Dawan bui witin nani ai wihtka kum sakuya ba ra, baha wihta ra witin mita tâ baiki kan, bara wihta raya kan ba yua nani sut ra lika Israel luhpia nani ba waihla nani karnika ba wina dakbi pri saki kata, kan witin nani ba taiban lâka ra munan ba mita pât nani wahwi kan, ai mamna lulki ba witin wali kan, bara baha nani dukiara ai kupia swapni taki kan.

Wihta Nani 6:16

Dawan pana witin ra win: —Man sip kama upla nani ba swaki sakaia, kan yang lika man wal kamna bamna. Madián uplika nani ba waitna kumi ra pruki bataki ba baku pura luma.

1 Samuil 10:7

Baha diara nani baku man ra takbia ba ra, dîa daukaia lukma ba dauks, Gâd hilp mai munbia bamna.