Jasua 1:17 - DAWAN BÎLA AISKA

¹⁷ Bîlam wali dauki kamna, yang nani bui Moses bîla wali dauki kapri baku. Diara kumi baman brin wan daukisa, mamkabisna Dawan Gâdkam ba man wal kabia, Moses lamara ban kan ba baku.

Jasua 1:17 ပူးပေါင်းရင်းမြစ်များ

2 Samuil 14:17

King tara, yang warkkam dadaukra mairin, man pana dîa wima ba walaia bîla kaikisna kupi âuyapah briaia. King tara, man ba tnaya bani ra laki kaikisma, yamni bara saura ba, sim Gâd insalka baku. ¡Baku sin, king tara, Dawan Gâd ba man wal kabia!

1 King Nani 1:37

Dîa natka ra Dawan king tara Debit wal kan ba baku, Salaman wal sim baku kabia, bara yaka ai kingka lâka ba sin kau tara daukbia, man king tara brisma ba purkara, dawanki Debit.

1 Kronikas 28:20

Bamna Debit bui Salaman ra win: “Kupiam karna bris bara karna bas, wark ba mihtam ra bris. Si bripara, swapni sin takpara. Kan Dawan Gâdki ba man wal kabia, witin yakan mai lulki swibia apia, tempel warkka ba sut dauki tnata alkma ba kat.

Lawana Nani 20:1

Dawan bui man ra pana aisabia, trabil saura sma piua ra; Jekob Gâdka ba kainam sunbia.

Lawana Nani 20:4

Kupiam pliki ba kat maikbia, diara daukaia lukisma ba, sut dauki maikbia.

Lawana Nani 20:9

Dawan, ¡king ra yas pura lubia! ¡Yang nani bui man ra winamna ba ra, pana ai aisas!

Kulki Kaikanka 27:18

Bara Dawan bui Moses ra win: —Jasua Nun luhpia ba lika, spirit bri waitnika sa. Witin ba bris bara lal ra mihtam kahs.

Kulki Kaikanka 27:20

man lâ karnika alkisma lâka ba witin ra yas, baku mika Israel luhpia nani sut mita ai bîla walbia.

Matiu 21:9

Upla nani tâura wapi kan ba bara ninara aula kan ba sin kwâra tara kan bara mahka naku winan: —¡King Debit Luhpia ra Prana Tara Kabia! ¡Yamni pali sa witin Dawan nina mâki aula ba! ¡Gâd ra prana kabia laih purara!

Kli Smalkanka 34:9

Bara Jasua Nun luhpia ba, Moses wina sins lâka ba brin, bamna Moses ai mihta nani witin purara kahban; bamna Dawan bui Moses ra aisin ba baku, Israel luhpia nani witin bîla wali daukan.

Jasua 1:16

Bara witin nani pana witin ra win: —Yang nani ra diara daukaia ai wiram ba, yang nani sut daukamni, anira waia ai blîkma ba yang nani baha ra sin wamna.

Jasua 1:18

Man bui diara nani daukaia wima ba, daukaia apia wisi bîlam walras mampara bubia uplika nani ba lika, prubia. Bamna yang nani mamkabisna kupiam karna brih bapi bûi bas.

Jasua 1:5

Rayakam yua nani sut ra upla kumi sin man nani wal aiklabi, puram lui mai batakbia apia; yang lika man nani wal kamna, Moses wal kapri ba baku, lamamra ban kamna bara lulki mai swimna apia ban kaia ra.

Jasua 1:9

Yang sika mai blikisna kupiam karna bara bapi bûi kama dukiara. Si bripara, kupiam lukanka sin swapni takbiara, man ani anira wama ba, yang, man Dawankam bara man Gâdkam, man wal kamna.”

Jasua 4:14

Baha yua Dawan mita baku daukan, Israel luhpia nani ba sut Jasua ra kaiki tâ iwaia bara kulkanka sin yabaia, Moses raya kan witin nani bui witin ra bîla wali kulki kan ba baku, Jasua ra sin kulkaia.

1 Samuil 17:37

Layan bara wingku tara nani asmala wina Dawan ai dakbi pri ai sakan ba, baku sin baha filisteo mihta wina ai dakbi pri ai sâkbia. Bara Saúl bila win: —Ban kaka, was, Dawan ba man wal wabia.

1 Samuil 20:13

sakuna papiki saura mai munaia lukisa kaka, Dawan bui yang ra klala karna aikbia maisam paki hilp mai munrika âmyapah plapi swak takras sma kaka. ¡Bara sin Dawan hilp mai munbia, papiki ra hilp munan ba baku!