Jasua 1:16 - DAWAN BÎLA AISKA

¹⁶ Bara witin nani pana witin ra win: —Yang nani ra diara daukaia ai wiram ba, yang nani sut daukamni, anira waia ai blîkma ba yang nani baha ra sin wamna.

Jasua 1:16 ပူးပေါင်းရင်းမြစ်များ

Esdras 10:4

Bamna man bus, kan naha warkka sika man daukaia sma, yang nani lika man tâm baikamna. Mahka mihtam wark ra mangks, bara warkka na alki dauks.”

Kulki Kaikanka 32:25

Gad bara Ruben kiamka nani ba, pana witin ra win: —Yang nani warkkam dadaukra nani, man dîa lâ mangkram ba kat dauki banhwamna.

Kulki Kaikanka 32:31

Bamna Gad bara Ruben kiamka nani pana win: —Yang nani warkkam dadaukra nani, Dawan dîa lâ mangkan ba kat dauki banhwamna.

Kli Smalkanka 34:9

Bara Jasua Nun luhpia ba, Moses wina sins lâka ba brin, bamna Moses ai mihta nani witin purara kahban; bamna Dawan bui Moses ra aisin ba baku, Israel luhpia nani witin bîla wali daukan.

Kli Smalkanka 5:27

Kau yamni sa man lamara was, bara Dawan wan Gâdka mai wibia ba sut wals, baha ningkara dîa mai win ba yang nani ra ai wima. Dîa wan wibia yang nani daukamna.’

Taitus 3:1

Uplikam nani kupia krauks, tâ bri nani ra bara wihta nani ra sin bawbia; baha nani bîla wali daukbia bara diara pain sât sât daukaia wilin nani kabia.

Jasua 1:15

Dawan mita muihkam nani ra ris briaia pliska kum yabia ba kat, man nani ra maikan ba baku, witin nani sin tasba dawanka nani takbia, Dawan bui witin nani ra yabaia kan ba. Baha ningkara man nani sip kama tasbayam nani ra kli tawi waia awala lalma tani ra, baha ba man nani tasbayam pali brima, Moses Gâd napakanka maikan ba.

Jasua 1:17

Bîlam wali dauki kamna, yang nani bui Moses bîla wali dauki kapri baku. Diara kumi baman brin wan daukisa, mamkabisna Dawan Gâdkam ba man wal kabia, Moses lamara ban kan ba baku.