Jasua 1:15 - DAWAN BÎLA AISKA

¹⁵ Dawan mita muihkam nani ra ris briaia pliska kum yabia ba kat, man nani ra maikan ba baku, witin nani sin tasba dawanka nani takbia, Dawan bui witin nani ra yabaia kan ba. Baha ningkara man nani sip kama tasbayam nani ra kli tawi waia awala lalma tani ra, baha ba man nani tasbayam pali brima, Moses Gâd napakanka maikan ba.

Jasua 1:15 ပူးပေါင်းရင်းမြစ်များ

1 Korint 12:26

Wan wîna tara sirpika kum pât wahwisa kaka, wîna sirpika wala nani ba sut sin wahwisa; bara wîna sirpika kum ra prana yabuya kaka, sirpika wala nani ba sut aikuki lilia takisa.

1 Korint 13:5

Ai natka nani ba saura apia sa bara ai dukia sin plikras; ai kupia baikras sa bara upla ra lawi baman sin taukras.

Galesha 5:13

Man nani, muihki nani, mai paiwan sa pri lâka bri kaia. Kuna naha pri lâka brisma wisi, wînam brinka nani nina blîkpara. Sakuna, pana pana dukia dadaukra nani bas, latwan lâka aikuki brisma ba tânka kat.

Galesha 6:2

Pana pana wan walka wirhika ba twilki hilp munaia sa, kan baku lika man nani sip kama Kraist lâka ba aiska pali daukaia.

Kli Smalkanka 3:18

“Sakuna baha piua ra, yang bui man nani ra lâ naku mai smalki kapri: ‘Dawan Gâdkam naha tasbaya nani sut man dukiam briaia maikan sa. Israel luhpia nani, man nani tilam wina pat kupia karna takan, war aiklabaia sip nani ba, man nani kainamra blîkka wabia aiklabaia dukia nani bri, Jordan awala baila wala ra luaia.

Kli Smalkanka 3:20

Bara yang Dawan, muihkam nani ra yaras kapri, lamni lâka man nani ra maikri ba baku, witin nani sin ai pliska briras man nani tasbayam maikisna ba baku. Jordan awala baila wala wina, man nani sin sip kli tawi balma apia yang tasba maikri ba ra.’

Kli Smalkanka 9:1

“Israel luhpia nani, wali banhs: piua balan sa man nani Jordan ba lui waia, bara mahka man nani wal nisan kau tara, kau karna nani tawanka nani kutbanka purara ba pura lui tawanka ba bris;

Pilipai 2:4

Kumi bani ai painka yamnika baman plikaia apia sa, sakuna wala nani yamnika dukiara sin plikbia.

Jasua 1:1

Dawan napakanka Moses ba pruan ningkara, Nun luhpia waitna Jasua ba Moses hilpika aimaki kan ba, Dawan bui witin ra aisin, bara naku win:

Jasua 1:14

Bamna man nani mairin nani, tuktan nani, daiwan nani sut sin Jordan awala, naha tani ra Moses wina maikan ba tasbaya ra swis. Sakuna waitna nani sut, war aiklabaia sip takan ba, war aiklabaia dukia nani ba alki brih, muihkam nani tâura taki was, witin nani ba tâi baikbia,

Jasua 1:16

Bara witin nani pana witin ra win: —Yang nani ra diara daukaia ai wiram ba, yang nani sut daukamni, anira waia ai blîkma ba yang nani baha ra sin wamna.

Jasua 22:1

Bamna Jasua bui Ruben bara Gad kiamka ba paiwan, baku sin Manasés kiamka bakriki ra,