Jan 8:41 - DAWAN BÎLA AISKA

⁴¹ Man nani daukisma dîa aisikam daukan ba. Baha nani pana win: —¡Yang nani lika bastar apia; Aisa kumi baman brisna, baha ba Gâd!

Jan 8:41 ပူးပေါင်းရင်းမြစ်များ

Impakan Sturka 4:22

Bamna man king fero ra naku wima: ‘Dawan naku wisa: Israel ba sika yang luhpi taiwahkia ba.

Aiseya 63:16

¡Man sika yang nani aisiki! Ban kra, Ebraham yawan wan kaikras wibia kaka, Israel sin yawan ra wan lukras kabia kaka, man, Dawan, man sika wan aisika; patitara wina man sika, yang nani sasakriki.

Aiseya 64:8

Ban sakuna, Dawan, man sika yawan wan Aisika; yang nani na slaubla ba bara man sika wan paski wan daukram ba; ¡baku bamna yang nani sut na, man mihtam warkka nani sna!

Jirimaya 3:19

“Israel, luki kaikri man ba luhpi waitna baku mai briaia bara tasba pain pali kum maikaia, tasba ra kuntri kum kau pranakira ba. Yang lukri ba man ai wima yang lika man aisikam bara yang laima wima kli taki wama apia.

Jirimaya 31:20

“Efraín uplika nani ba yang maipara luhpi latwankira kum sa; baha luhpika ba kau latwan sna. Lawi daukisna ba ra, sip âiya tiwras witin ai dukiara; yang kupi ba dikwisa, lukisna witin dukiara latwan pali. Yang, Dawan, kasak aisisna.

Oseas 1:2

Dawan ai bîla smalkanka ba, naku tâ krikan, witin Oseas bâk wiaia want kan: “Israel luhpia nani ba rug mairin takan, yang wina tnaya ra tawi. Bamna man sin baku natka ra was, bara yabal mairka kum mayam bris, bara witin wal luhpiam nani sâks; bara baha nani sut ba, rug mairin luhpia nani takbia.”

Malaquía 1:6

Karnika sut bri Dawanka ba, prîs nani ra naku aisisa: “Luhpia nani ba ai aisika ra kulkanka tara yabisa, bara alba nani ba sin ai dawanka ra yamni kulkisa. Bamna yang na man nani Aisikam sna kaka, ¿dîa muni tara ai kulkras sma? Man nani albiki, yang na Dawankam sna kaka, ¿dîa kan yamni ai kulkras sma? Man nani bahki ai kulkisma, sakuna ban aisisma: ‘¿Yang nani dîa dauki bahki mai kulkisna ki?’

Malaquía 2:11

Juda uplika nani Gâd ra kasak lukras, Jerusalem ra Israel tasbaya aiska ra watawi pali daukan. Dawan ai tempelka latwan kaiki lâka sunu ba sin tâski daukan, bara upla ai mihta ni paskan dawanka nani ra ai pura suni mairka nani ba Juda waitnika nani ai maya brin.

Jan 8:38

Aisa mita dîa ai marikan ba sika, yang aisisna ba; man nani diara daukisma ba lika Aisikam mai win bamna.

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

Kli Smalkanka 14:1

“Man nani ba Dawan Gâd luhpia nani sma. Upla kum prubia kaka, baha dukiara lamla kusbi wînam ra klakpara.

Kli Smalkanka 32:6

¿baku Dawan ra aibapaia sma ki? Tawan saura kum sins lâka âpu sma ba, ¿witin ba man aisikam apia, man mai papaskra sin? ¡Witin mai paski rayakam maikan!

1 Jan 3:12

Yawan lika Ken baku kaia apia sa; witin lika dibil uplika kan ba mita, ai muihni ra ikan. ¿Bara dîa muni ikan ki? Kan Ken dîa dauki kan ba saura baman kan, kuna Abel dîa dauki kan ba lika yamni pali kata.