Jan 8:31 - DAWAN BÎLA AISKA

³¹ Ju nani kasak luki banhwan ba sut ra Jisas mita win: —Dîa mai wisna ba kat kasak kama kaka, man nani ba kasak yang disaipilki nani kama.

Jan 8:31 ပူးပေါင်းရင်းမြစ်များ

Matiu 24:13

Sakuna ya tnata kat ban bapi bubia ba, swaki sakan kabia.

Jan 1:47

Jisas kaikan Natanael ai lamara aula kan, bara witin dukiara naku win: —Kaiks Israel waitnika pali kum aula ba, witinka ra kunin âpu ba.

Jan 2:2

bara Jisas ai disaipilka nani wal sin marit pata ra paiwan kata.

Jan 6:55

Kan yang wîni tara ba lika plun aihwa sa, bara tâilia ba lika diaia laya aihwa sa.

Jan 8:36

Baku bamna, Luhpia mita pri mai sakisa kaka, man nani lika kasak pali pri kama.

Apastil Nani Sturka 13:43

Ju nani priaska watla ra asla takan ba tnata alkan, Ju ailal bara Ju takan uplika ailal sin, Pal Bernabé wal nina blikan. Bara apastil nani mita smalki kupia kraukan, nahki witin nani ban kasak kaia sa Gâd latwanka lâka ra.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

Apastil Nani Sturka 26:22

Sakuna Dawan hilpka ba mita, ban nanara kat bapi buisna, bara sip sna upla sut ra Dawan sturka yamni ba wiaia. Moses bara prapit nani mita dîa takbia aisin ba, diara sât wala kumi sin yang aisaras.

Roman 11:22

Bamna kaiks, nahki Gâd ba painkira pali sa, sakuna lâ sin karna brisa. Witin mita kauhan nani ba wal lâ karna bri kan, sakuna man wal lika uya pain sa. Sakuna man ai latwanka lâka ba nina blikaia sma; baku apia kaka, man sin klaki mai sakan kabia.

Roman 2:7

Gâd mita raya ban kaia lâka yabia, ani uplika nani wark painkira daukisa, bara mayunra, pain kulkan lâka wal pliki ba;

Kolosi 1:23

Sakuna naha dukiara, man nani kasak lukan lâka ra ban bapi bûi kaia sma, playkam ba tihu bapi bri bara kainamra diara briaia dukiara, swaki sakan lâka smalkanka wina walram ba wina tnaya ra takaia apia. Kan naha smalkanka na lika tasba aiska ra smalkan sa, bara yang Pal pali mita sin smalkaia hilp munisni.

1 Timoti 2:15

Sakuna mairin ba lika swaki sakan kabia yapti baku, dîa daukaia win ba aiska daukbia kaka, witin ba kasak lukan lâka, latwan lâka kat, holi lâka kat sin, ai sinska ba yamni bri kabia kaka.

1 Timoti 4:16

Man pali wînam ba kat aman kaiki bas, bara smalkankam ba sin, naha nani na ban dauki bas. Man naha na daukma kaka, wînam ba swaki sâkma, bara upla nani man ra wali banhwi ba sin baku takbia.

2 Timoti 3:14

Sakuna man lika dîa lan takram ba bara baha kat kasak lukisma ba ra, ban bapi bûi bas. Man pain kaikisma baha ya mita mai smalkan ba,

Hibru Nani 3:14

Kan yawan na baha kasak lukanka tâ wina brin ba, ban tnata kat alki bri kabia kaka, baku lika yawan Kraist wal wan uplika takisa.

Hibru Nani 8:9

Witin nani damika nani wal lâ daukri ba baku kabia apia, witinka nani mihta alki, Idsip tasbaya wina brih sakri yua ba. Witin nani wal lâ daukri ba kat kulki banhras kan, bara ba mita witin nani ba lulki swiri, Dawan baku wisa.

Jems 1:25

Upla kum diara dauki ba mita, Gâd ai yamnika yabia lukisa kaka, aman walaia sa bara ai âuya tikaia apia sa; bara kasakka lâka pri wan dauki ba kat, aman pali tawi kaiki si, baha lâka nina blikaia sa, bara dîa wi ba kat sin daukaia sa.

1 Jan 2:19

Witin nani ba lika yawan wan tila wina takan sakuna kasak pali mai wisna, baha nani ba yawan nani wina apia sa, kan yawan wina kata, witin nani yawan wal ban kaia kan. Sakuna baha ba baku ban takan, upla nani mita param kaikbia dukiara, baha nani ba kasak pali yawan wan tila na wina apia sa.

1 Jan 2:24

Baha mita, tâ pali piua wina dîa mai smalkan ba kupiam ra bri bas; bamna dîa tâ pali piua wina mai smalkan ba kupiam ra bri kama kaka, man nani sin Luhpia bara Aisa ba wal asla pali kama.

2 Jan 1:9

Ani uplika Kraist smalkanka ba swi si ai kupia lâka kat ban tauki ba, witin lika Gâd luha pali sa; kuna ani uplika Kraist smalkanka kat ba, witin lika Aisa ba brisa bara Luhpia ba sin.

1 Samuil 12:14

Nanara diara sut man nani ra yamni wabia, yamni kulkan lâka Dawan Gâdkam ra yama kaka, dukia daukma, witin ra walma, ai lâka bîla nani wali daukma, king ba sin man nani aikuki Dawan nina blîkma kaka.