21 Bamna Jisas kli baha nani ra win: —Yang mahka auna, bara man nani ai plikma, sakuna saurkam nani tilara pruma; kan yang auna ba ra man nani sip wama apia.
Swer takisna man Dawan Gâdkam ba nina ra, kuntri kumi sin âpu sa, baku sin king tasbaya kumi sin âpu sa man mai plikras ba, bara sut bui win: ‘Nahara âpu sa’, bara witin pali bui sin aisin, king tasbaya nani ra, kuntri nani ra sin witin bui man ba mai sakras sa.
Bara tuktan nani aisubi taki prui ba âpu kabia, almuk pali taki nani ba sin ai rayaka yua aiska alki prubia. Handat mani alki pruaia ba kau piua apia, bara kau handat mani alkras pruaia ba lahtuban kum.
kan yang bui man nani ra mai wisni, kli ai kaikma apia, naha bîla nani man nani aisama ba piua kat: ‘¡Yamni pali sa witinka Dawan nina mâki aula ba!’ ”
“Bamna king ba mita ai smihka ra nani ba ra wibia: ‘Yang wina taki was, mai lahtuban nani sma ba; ban kaia ra pauta lakni dibil ai insalka nani wal dukia wisi ridi daukan ba ra man nani was.
Bara Jisas bila baha nani ra: —Kaiks, piua wiria baman ingni ba kau man nani tilamra kabia. Bamna watauki bas kau baha ingnika brisma ba ra, tihmia kra mai alkbiara sîa; kan tihmia ra watauki uplika ba, witin kaikras sa anira auya sapa.
Luhpi lupia nani, kau piua wihka lika man nani wal kamna apia. Man nani ai plikma, sakuna Ju nani ra wîri ba baku, nanara man nani ra sin mai wisni: Yang auna pliska ra man nani sip wama apia.