Jan 8:2 - DAWAN BÎLA AISKA

² Bara yu wala titan pali kli tempel ra balan. Upla sut ai lamara balan, bamna witin iwi mahka baha nani ra smalkan.

Jan 8:2 ပူးပေါင်းရင်းမြစ်များ

Smasmalkra 9:10

Bara diara sut man mihtam ra ba mahka alki dauks, karnikam aiska ba wal; kan raiti ra wama lika bahara diara kumi sip daukras, bahara diara kumi sin man lukras, diara tânka briaia âpu bara sins lâka sin âpu.

Jirimaya 25:3

“Josías Amón luhpia waitna ba Juda ra 13 mani king aimaki kan, bara baha piua wina nanara kat, wibia kaka, pat 23 mani Dawan bui yang ra aisin ba, baha yang bui man nani ra kli kli aisari; sakuna man nani lika yang ra walras.

Jirimaya 32:33

Witin nani ai nina yang ra tawan, ai mawan lika apia. Yang yu bani smalki takaskras pali katna sakuna, witin nani lika yang ra walras, saura dauki ba sin wapni takaia lukras kan.

Jirimaya 44:4

Prapitki duki dadaukra nani ba pat pat blikri man nani ra mai wiaia, baha diara saura misbara kaikisna ba man nani daukaia apia.

Matiu 26:55

Bara Jisas bui uplika nani ra win: —¿Yang na âimplikra kapri kan baku, man nani sord bara dus nani brih bal takram ki? Yu bani man nani tilamra tempel ra iwi smalki kapri, bara ai alki ai priskras katma.

Luk 21:37

Kakna piua ra Jisas tempel ra smalki kan, kuna tihmia piua, Olivet ilka ra taki wi kan bahara takaskaia.

Luk 21:38

Bamna upla nani sut yu bani titan pali tempel ra bali kan, Jisas smalkanka walaia.

Luk 4:20

Baha ningkara Jisas wauhtaya ba praki bara Ju nani priaska watla ra hilpika kan ba ra yan; bara mahka iwan. Baku mika, upla nani baha Ju nani priaska watla ra kan ba sut witin kat ban kaiki kan.

Luk 5:3

Jisas ba baha dwarka kum Saiman dukia kan ba ra aimaki, makaban un ba wina wiria biara ra sâkbia; bamna witin duri ra iwi, baha wina upla nani ra smalkan.

Jan 4:34

Sakuna Jisas mita win: —Yang pati sika witinka ai blikan ba kupia lâka daukaia, bara ai warkka sin sut pali daukaia.

Jan 8:20

Jisas naha diara nani na aisin, witin kau tempel ra smalki kan ba ra, Gâd ra prisant auhbaia bakska bâra kan pliska ra. Sakuna upla kumi mita sin witin ba alki priskras kata, kan ai piua ba kau aimakras kan.

Jan 8:3

Baku mika Lâ Smasmalkra nani bara parisi nani mita, mairin kum marit lâka sauhki kan ba alki brih balan. Bara mairka ba baha nani bâra kan ba lilapas kat yan buan,

Apastil Nani Sturka 5:21

Bamna apastil nani naha walan ningkara, yu wala titan pali witin nani tempel ra dimi, mahka upla nani ra smalkan. Bara prîs tara bara ai uplika nani ba mita, Ju almukka nani sut paiwan, witin nani aikuki aidrubanka tara kum daukaia. Bamna witin nani win apastil nani ba silak watla ba wina saki bri balbia.