Jan 7:7 - DAWAN BÎLA AISKA

⁷ Tasba uplika nani man nani ra sip misbara mai kaikras sa, sakuna yang ra lika misbara ai kaikisa, kan yang lika witin nani diara saura nani dauki ba witniska sna.

Jan 7:7 ပူးပေါင်းရင်းမြစ်များ

1 King Nani 21:20

Bara Ahab bui Ilayas ra win: —¿Baku bamna man, yang waihli sma ba, kli ai sakram ki? Bara pana aisi, win: —Âu, pliki mai sakri, kan man ba Dawan lamara saura baman daukisma.

1 King Nani 22:8

Bara Israel kingka ba mita pana Josafat ra win: —Waitna kum nâra sa, yawan sip sa witin bâk Dawan ra aisaia. Baha lika Micaías Imlá luhpia ba, sakuna yang mita baha kulkras, kan aima kumi sin diara yamni dahra aisi ai wiras sa, sakuna saura baman. Bara Josafat mita win: —Baku man aisapara.

Lawana Nani 109:5

Saura ba ni yamni ba mana ai aibapan, bara kupi latwanka ba mana sin pana misbara ni ai kaikisa.

Sins Lâka 15:12

Lawaska kakikra lika ai kupia krauki uplika ra latwan kaikras; witin ba upla sinskira nani wal sin prawras sa.

Sins Lâka 8:36

Sakuna yang wina sait ra takaia ba lika rayakam ba pât ra mangkisma; ¡misbara ai kaikma kaka, prura ra latwan kaikisma!”

Aiseya 29:21

Baha nani mita upla wala ra upla âikra wisi dahra saki ba, bara lâ wihta nani ra mina ra wilkaika kiwka nani mangki ba. Bara pâtkas nani ra kunin lâka ni raitka yaras kan.

Aiseya 49:7

Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Jirimaya 20:8

Aisisma ba sika piua bani aisisna bara lâ krikanka nani bara sauhkaia sturka baman sa; piu sut maipara saura aisisa bara laiwaska sin kikisa man aisisma bîla ba yang aisisna ba mita.

Libait Lâka 13:10

Prîs laki kaikbia, puskanka taya purara ba pihni takan sa kaka, tamaya ba sin pihni takan sa kaka, puskanka bara wîna pauni raya kaikisa kaka,

Sakaraya 11:8

Baha wina kati kumi baman bilka ra, sepad yumhpa misbara ai kaiki, kupi sauhki pali kan ba kangbi sakri.

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Luk 6:26

“¡Alai kabia man nani ra, tasba aiska mita mamyunbia ba ra, kan ai damika nani mita baku sika daukan ba prapit kuninkira nani ra!

Jan 17:14

Yang bui witin nani ra man smalkankam bîla ba yâri, sakuna tasba uplika nani mita misbara kaikisa, kan baha nani ba naha tasba wina apia sa, yang sin naha tasba wina apia sna ba baku.

Jan 3:19

Kasak lukras nani ba pat pât ra lakan sa; kan ingnika naha tasba ra balan ba ra, witin nani tihmia ba ra kau brin daukan, ingni ra lika baku apia, kan diara saura nani baman daukisa.

Roman 8:7

Bamna upla lâka kat baman luki tauki nani ba lika Gâd wal waihla takisa, kan Gâd lâka ba brin daukras bara baha ra sip bawras sa.

Galesha 4:16

Bara nanara lika, ¿dîa yang na man nani waihlam kum takri sa ki, diara kasak ba mai wîri tâwan?

Jems 4:4

¡Alai upla sip kasak lukras sma nani ba! ¿Man nani kaikras sma ki, tasba ra latwan kaikaia lâka ba lika, Gâd wal waihla takaia lâka ba? Ya ya tasba ra latwan kaikisa kaka, Gâd wal waihla takisa.

1 Jan 4:5

Witin nani ba lika naha tasba wina sa, bara baha mita naha tasba dukia nani baman aisisa, bara tasba uplika nani mita lika witin nani bîla walisa.