Jan 7:3 - DAWAN BÎLA AISKA

³ Bamna Jisas muihnika nani witin ra win: —Man nahara takaskpara; mahka Judia ra was, bara baku mika ninam blablikra nani bahara banhwi ba mita naha diara nani daukisma na kaiki banhbia.

Jan 7:3 ပူးပေါင်းရင်းမြစ်များ

Blasi Sturka 37:20

Man nani bal, kaisa yawan bui witin ba ikaia, bara liwanhta pakni kum ra lulkaia. Bara ai sturka yawan naku wibia, daiwan wail kum mita witin ba alki pin. Bara baha ningkara yawan kaikbia, kapu witin yaprisauhkan nani kaikan ba wal dîa takbia sa sapa.

Jirimaya 12:6

Muihkam nani pali sin, tamya nani pali ba sin, witin nani mai atkan, man ninamra saura aisi wini banhwisa. Man lika witin nani ra kasak lukpara, bîla pain nani witin nani man ra aisabia sin.

Matiu 12:46

Jisas kau upla nani ra aisi kan ba ra, ai yaptika bara ai muihnika nani balan. Witin nani latara takaskan, bara witin wal aisaia wan.

Mark 3:21

Jisas taika nani naha kaikan, witin ra brih waia balan, kan upla nani aisi kan Jisas ba lal saura takan sa.

Mark 3:31

Ningkara, Jisas yaptika bara muihnika nani sin balan, sakuna latara kat takaski, paiwan balbia.

Luk 8:19

Bara Jisas yaptika bara muihnika nani sin balan witin bâra kan pliska ra, kuna upla ailal ba mita sip lamara waras kata.

Luk 8:20

Bamna upla kum Jisas ra bal maisa pakan: —Man mamikam bara muihkam nani kira latara sa, bara mai kaikan sin daukisa.

Jan 2:2

bara Jisas ai disaipilka nani wal sin marit pata ra paiwan kata.

Jan 6:60

Naha smalkanka walan ba ra, Jisas nina blikan kan ba wina ailal naku win: —Naha aisi na uya karna sa alki briaia; ¿ya sip kabia naha bîla na walaia?

Jan 6:66

Baha piua wina, upla manis Jisas nina bliki kan ba mahka swin, bara kli sin witin wal taukras kata.

Jan 7:10

Bamna ai muihni nani mahka wan ba ningkara, Jisas sin baha liliaka tara ra wan, upla nani mawanra param pali lika apia, kuna yukuwi baku.

Jan 7:4

Upla kumi upla wala nani mita witin ra kakaira kaia want sa kaka, witin sip yukuwan ra diara daukras. Man nahmuna dukia nani daukisma na, tasba aiska mawanra dauks.

Jan 7:5

Kan Jisas muihnika nani pali mita sin, witin ra kasak lukras kata.

Apastil Nani Sturka 2:14

Bara Pita mahka buan, apastil wala 11 ba aikuki, bara naku ai bîla baikra karna ni aisin: —Judia uplika nani sut, Jerusalem ra iwi nani sma ba sin, naha tânka na kasak pali kaiki bas, bara yang dîa mai wimna ba sin pain wals.

1 Samuil 17:28

Sakuna Eliab, Debit muihnika almuk ba, walan ai muihni waitna nani wal aisi kan ba, witin ra ai kupia sauhki win: —¿Dîa daukaia man nâra balram? ¿Sîpkam nani twi ra ba ya wal swiram? Man kupiam karna, lukankam saura brisma ba kakaira sna, war aiklabi ba kaikaia dukiara baman man nâra balram.