Jan 7:28 - DAWAN BÎLA AISKA

²⁸ Jisas tempel ra smalki kan ba ra, witin baha wali, ai bîla baikra karna aisin: —¡Baku bamna, ai kakaira sma bara ani wina aulna ba sin man nani kaikisma! Sakuna yang yakan balras; witin kasak lukaia aikan ba mita ai blikan, man nani bui witin ba kakaira apia sma.

Jan 7:28 ပူးပေါင်းရင်းမြစ်များ

Lawana Nani 9:10

Dawan, man mai kakaira nani ba, man ra kasak lukisa, mai pliki uplika nani ra, lulki swiras sma.

Jirimaya 31:34

Bara upla ai walka ra, ai uplika nani ra, ai taya nani yang ai kakaira takaia smalkaia nit apia kabia, tara ba wina sirpi ba kat upla sut ai kakaira kabia. Saurka daukan pâtka nani swih tikamna bara kli kupi ra brimna apia. Yang, Dawan, kasak aisisna.”

Oseas 4:1

Israel luhpia nani, Dawan aisi na man nani wals. Naha kuntrika ra iwi uplika nani mapara witin mita unsaban bukan sa, kan uplika nani na ai tilara wapni lâka daukras sa. Kasakka lâka âpu, Gâd tânka kaikaia tânka sin âpu sa.

Oseas 5:4

Witin nani lika ai daukanka saura nani ba mita, kli Gâd ra balaia luki ba alki takaskisa. Ur takaia brinka ba mita taibi brisa; Dawan ba sip kakaira takras.

Matiu 11:27

“Yang Aisiki mita diara nani sut mihti ra mangkan sa. Upla kumi sin Luhpia ba pain pali kaikras, Aisa ba baman; bara Aisa ra upla kumi sin pain pali kaikras, Luhpia baman, bara ya ya Luhpia mita marikaia luki nani ba sin.

Matiu 2:23

Bahara wan ba ra, Nasaret tawanka ra wih iwan. Baha ba ban takan, Gâd prapitka nani aisin ba aimakaia ba mata: “Jisas ba Nasaret uplika mâkan kabia.”

Matiu 26:55

Bara Jisas bui uplika nani ra win: —¿Yang na âimplikra kapri kan baku, man nani sord bara dus nani brih bal takram ki? Yu bani man nani tilamra tempel ra iwi smalki kapri, bara ai alki ai priskras katma.

Luk 10:22

“Diara nani sut na Aisiki mita yang ra atia aikan sa. Upla kumi sin Luhpia ba kaikras, Aisiki yakan mika; bara upla kumi sin Aisa ba kaikras, Luhpia baman bara baha nani Luhpia mita yarka kakaira takaia want ba baman.”

Luk 2:11

Man nani ra naiwa Debit Tawanka ra Sasakra kum aisubi takan sa, witin sika Kraist, wan Dawan.

Luk 2:39

Dawan lâka ra dîa mangkan ba sut dauki tnata alkan ba ra, witin nani ai tawanka pali Nasaret ra balan, baha ba Galili tawanka ra sa.

Luk 2:4

Baku bamna, Josep Galili tawanka kum Nasaret ba wina taki, Judia tawanka kum nina Betlehem wi ba ra balan. Bahara sika king Debit aisubi takan ba, Josep ba sin Debit kiamka kan bamna.

Luk 2:51

Bara witin nani aikuki Nasaret ra wan, piua bani sin witin nani bîla wali dauki kata. Ai yaptika lika diara nani sut ba ai kupia ra mangki bri kan.

Jan 1:46

Natanael bila: —¿Nasaret ba wina ban diara pain bal takbia ki? Pilip mita win: —Bal kaiki, tânkam bris.

Jan 10:36

Bamna Gâd mita bâk saki naha tasba ra ai blikan kaka, ¿nahki man nani wiaia sip sma, yang lika Gâd Luhpia sna wîri ba wal ai mapara saura aisari?

Jan 12:49

Kan yang yakan lukanki wina mai wiras, sakuna Aisa ai blikan ba adarka kat smalkisna.

Jan 14:10

¿Pilip, man kasak lukras sma ki, yang na Aisa wal asla pali sna ba bara Aisa sin yang wal asla pali ba? Diara nani man nani ra mai wisna ba lika, yang yakan mai wiras. Aisa yang ra iwi ba mita sika ai warkka daukisa.

Jan 14:31

baha ba baku takaia sa, bamna baku lika tasba uplika nani kaikbia, yang Aisa ra latwan kaikisna bara witin mita daukamna win ba kat daukisna. “Man nani bus. Kaisa naha wina mahka waia.

Jan 16:3

Baku daukan kabia, kan tasba wina uplika nani ba mita Aisiki ra kakaira apia sa, bara yang ra sin ai kakaira apia sa.

Jan 17:25

Aisa kasakkira, tasba uplika nani ba lika man ra mai kaikras, sakuna yang mita lika mai kakaira sna, bamna naha nani sin ai dara walisa man mita ai blikram sa.

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

Jan 3:2

Tihmia kan ba ra, Nikudimus ba Jisas kaikaia wan, bara naku win: —Smasmalkra, yang nani kaikisna wan smalkaia dukiara, Gâd mita man ba mai blikan sa; kan upla âpu sa sain aihka nani daukaia, man daukisma ba baku, Gâd ba witin wal apia sa kaka.

Jan 3:33

Sakuna ani uplika kasak lukisa kaka, witin param marikisa Gâd bui dîa aisi ba kasak pali sa;

Jan 5:32

Sakuna wala kumi bâra sa yang witniski; bamna pain kaikisni witin, yang dukira kasak aisi ba tânka bâra sa.

Jan 5:43

Yang na Aisa mita ai blikan, man nani ai briras sma; sakuna upla kum yakan ai karnika ra balbia kaka lika man nani brima.

Jan 6:42

Bara witin nani bila: —¿Naha na Jisas apia ki, Josep luhpia ba? Yawan nani witin aisika bara yaptika wal kakaira sa. ¿Bamna nahki witin kasbrika purara ba wina bal iwan wisa?

Jan 7:14

Lilia piua nani ba pat bakriki dauki kan ba ra, Jisas tempel ra dimi, mahka smalkan.

Jan 8:14

Jisas pana win: —Yang yakan dukira witnis aisamna kra, kuna dîa aisisna ba lika kasak pali sa, bamna yang kaikisna ani wina balri ba, bara anira sin kli auna ba; sakuna man nani lika kaikras sma ani wina taki balri bara anira sin auna ba.

Jan 8:16

sakuna ban kra lâ aisi daukamna kaka, yang lâ daukisna ba lika kasak sa, kan yang yakan lâ aisi daukras sna, sakuna Aisa mita ai blikan ba, yang wal lâ daukisa.

Jan 8:19

Bamna baha nani mita makabi walan: —¿Man aisikam ba anira sa ki? Jisas pana win: —Man nani bui yang ai kakaira apia sma, bara Aisiki sin kakaira apia sma; yang ai kakaira banhwi katma kaka, Aisiki ra sin kakaira kaia kapram.

Jan 8:26

Diara ailal brisni mai wiaia, bara man nani lâmka aisi daukaia sin, sakuna ai blikan ba lika kasak ba aisisa, bamna witinka wina walri ba sika tasba ra aisisna ba.

Jan 8:42

Bamna Jisas pana win: —Gâd ba kasak man nani aisikam kata kaka, latwan ai kaikaia katma, kan yang lika Gâd wina ai blikan nahara sni. Yang yakan balras, sakuna Gâd mita ai blikan.

Jan 9:29

Yang nani lika pain kaikisna Gâd mita Moses ra aisin; sakuna baha waitnika ba lika ani wina sapa sin yang nani kaikras.

Apastil Nani Sturka 17:23

Kan yang naha tawanka ra wapi tauki kapri, man nani puram sunisma ba pliska nani ra sin, bara altar kum kaikri; bahara bîla nani ulban kan ba lika naku kata: ‘Gâd kum ra kaikras ba.’ Bamna pain sa, baha Gâdka man nani kaikras kuna puram suni mayunisma ba, baha pali Gâdka dukiara sika yang aisisna ba.

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

Roman 3:4

¡Sip apia pali! Sakuna, Gâd lika diara sut ba kasakka lâka kat baman daukisa, upla sut ba kuninkira pali sa sakuna; kan Ulbanka ba wisa: “Man dîa aisisma ba ni kasakkira mai kulkan kabia, lâmka daukan kabia ba ra, bara pura lalura kama.’’

2 Korint 1:18

Bamna Gâd lika witnis sa, yang nani bui man nani ra mai wiras sna “daukamni” bara “daukamna apia.”

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

Taitus 1:2

bara raya ban kaia lâka yawan wan kainara briaia bîla kaiki ba sin tânka bribia. Gâd, witin kunin aisaras ba mita, naha rayaka na pramis wan munan, kau tasba na tâ krikras kaina wina;

Hibru Nani 6:18

Baku bamna, diara wâl bâra sa sip lakras pali, bara baha dukiara Gâd sip kunin aisaras sa. Bara baku yawan lika Gâd hilpka pliki pain trabil âpu nani, bara wan kainara diara briaia lâka wankan ba kat alki bri banhwi ba ra sin, witin mita maisa nihkra tara kum wankisa.

1 Jan 5:10

Ya Gâd Luhpia ra kasak luki ba, witin naha witniska bîla na ai kupia ra ban brisa; ya Gâd ra kasak lukras ba mita, Gâd ba kuninkira sakisa, kan Gâd mita ai Luhpia dukiara witnis aisin ba, witin kasak lukras pali sa.

1 Samuil 2:12

Elí luhpia nani ba watawikira nani kan, witin nani Dawan dukiara lukras kan,