Jan 7:13 - DAWAN BÎLA AISKA

¹³ Sakuna upla kumi sin param taki aisaras kan, Ju nani ra sibrin luki kan bamna.

Jan 7:13 ပူးပေါင်းရင်းမြစ်များ

Sins Lâka 29:25

Upla ra uya sibrin briaia ba wan mina alkaia kiwka wan mangkisa, sakuna Dawan ra luki tniwi uplika ba laih purara bukan kabia.

Jan 19:38

Naha diara ningkara, Josep Arimatea tawanka wina ba mita, Pailat ra wih Jisas wîna tara ba brih waia makaban. Baha Josepka lika Jisas disaipilka kumi kata, sakuna yukuwi ra kan Ju nani sîa. Pailat mita âu win, bamna Josep wih Jisas wîna tara ba brih wan.

Jan 20:19

Baha sim piua tihmika tutni pali ra, disaipil sut asla taki kan, bamna utla durka nani sut prakan kan, Ju nani sîa. Jisas bal dimi, disaipil nani lilapas kat buan, baha nani ra lakula dauki, naku win: —¡Kupia kumi lâka man nani wal kabia!

Jan 3:2

Tihmia kan ba ra, Nikudimus ba Jisas kaikaia wan, bara naku win: —Smasmalkra, yang nani kaikisna wan smalkaia dukiara, Gâd mita man ba mai blikan sa; kan upla âpu sa sain aihka nani daukaia, man daukisma ba baku, Gâd ba witin wal apia sa kaka.

Jan 7:1

Naha diara na ningkara, Jisas Galili tasbaya ra impaki tauki kan; witin Judia ra takaskan daukras kata, kan bahara Ju nani witin ra ikaia want kan bamna.

Jan 7:11

Ju nani mita lilia piua ra Jisas ba pliki, naku aisan: —¿Baha waitnika ba anira sa ni?

Jan 7:15

Bara Ju nani ba tâ iwi, naku aisin: —¿Nahki naha waitna diara tânka manis kaikisa, skul sin dimras ba?

Jan 9:22

Aisika bara yaptika wal sibrin kan ba mita baku aisin, kan Ju nani pat lâ daukan kan, ya mita Jisas ba Misaya sa wibia kaka, prias watla ba wina kangbi sakaia.

Jan 9:34

Bara witin nani win: —Man lika saurka lâka wina aisubi takram, ¿bamna yang nani ra ai smalkaia lukisma ki? Bamna witin nani Ju nani priaska watla ba wina waitnika ba kangbi sakan.

Param Marikanka 2:13

Yang kaikisna, man ba Sitan king aimaki pliska ra iwisma, sakuna man lika yang tâiwan kasak pali ban sma. Antipas mita, yang witniski kasakkira ba, man nani tilamra Sitan iwi pliska ra ikan piua ra, man lika yang ra ban kasak luki kapram.