Jan 6:64 - DAWAN BÎLA AISKA

⁶⁴ Sakuna man nani tilamra upla tila nani kau kasak lukras sa. Kan tâ pali wina Jisas lika kaikan, ani uplika nani ba kasak lukras kan, bara ya mita ai waihla nani mihta ra mangkbia ba sin.

Jan 6:64 ပူးပေါင်းရင်းမြစ်များ

Matiu 10:4

Saiman Kena wina ba, bara Judas Iskariot ba, kau naika Jisas ra waihla mihta ra mangkan ba.

Jan 10:26

sakuna man nani sip kasak lukras sma, kan man nani ba sîpki nani apia sma.

Jan 18:4

Jisas lika pat kaikan dîa witin ra takaia ba, bamna mapara taki wih, makabi walan: —¿Man nani ya pliki banhwisma ki?

Jan 5:42

Baha purkara, yang lika man nani tânkam ba pain kaikisna, man nani bui Gâd ra latwan kaikras sma ba.

Jan 6:36

Kuna pat mai wîri ba baku, man nani ai kaikram, sakuna man nani kasak lukras sma.

Jan 6:60

Naha smalkanka walan ba ra, Jisas nina blikan kan ba wina ailal naku win: —Naha aisi na uya karna sa alki briaia; ¿ya sip kabia naha bîla na walaia?

Jan 6:61

Bamna Jisas kaikan naha dukiara ai disaipilka nani ba rangbi aisi kan, bamna makabi walan: —¿Naha na minam batakisa ki?

Jan 6:66

Baha piua wina, upla manis Jisas nina bliki kan ba mahka swin, bara kli sin witin wal taukras kata.

Jan 8:23

Bamna Jisas mita win: —Man nani lika mâya tani wina sma, sakuna yang lika pura tani wina sni; man nani naha tasba wina sma, kuna yang lika naha tasba wina apia sna.

Jan 8:55

Ban sakuna, man nani bui witin ba kakaira apia sma. Yang lika witin ra kakaira sni; bara witinka ba kaikras wimna kaka, yang sin man nani wal baku kuninkira sna. Sakuna kasak pali mai wisna, witin ba yang kakaira sna, bara ai bîla sin wali daukisni.

Apastil Nani Sturka 15:18

Dawan naku wisa, witinka naha diara nani ban patitara piua ba wina swin ba kaikan.’

Roman 8:29

Patitara piua Gâd mita upla nani paiwan ba, baha uplika nani ba paiwan ai Luhpia baku kaia, baku mika Gâd Luhpia ba ai muihni ailal ba tilara tawahkia kaia.

2 Timoti 2:19

Sakuna Gâd mita playa kum karna bapan ba lika ban buisa, bara naha bîla nani na bahara ulban sa: “Dawan mita ai uplika nani ba kakaira sa”, bara: “Ani uplika nani Dawan nina bri ba, witin nani ba saurka wina tnaya ra takaia sa.”

Hibru Nani 4:13

Gâd wina yukuwaia dukia kumi sin âpu sa. Diara paskan ba sut param sa bara witin ai nakra ra kwâkan sa; witinka ra sika yawan wan dahra nani saki aisaia ba.