Jan 6:62 - DAWAN BÎLA AISKA

⁶² ¿Ban kaka, dîa takbia ni, Upla Luhpia Waitna kli uli auna kaka man nani ai kaikma ba ra?

Jan 6:62 ပူးပေါင်းရင်းမြစ်များ

Matiu 8:20

Jisas bila pana win: —Sikiski nani ba ai dimaika nani brisa, daiwan tnawira nani ba sin ai watla nani brisa; sakuna Upla Luhpia ba lika ai lal kahbaika sin âpu sa.

Mark 16:19

Witin nani ra aisin ba ningkara, Dawan Jisas lika kasbrika purara bukan kan, bara mahka Gâd mihta aihkika ra iwan.

Luk 24:51

Bamna baha nani ra yamni muni kan piua ra, baha nani wina dakwi takan, bara kasbrika purara brih wan kata.

Jan 16:28

Yang na Aisa wina taki naha tasba ra balri; bamna nanara naha tasba na swi si, kli Aisa ra auni.

Jan 17:11

“Yang lika kau naha tasba ra takaskamna apia; sakuna witin nani lika tasba ra kabia, kan yang lika auna man wal kaia. Aisa Holikira, ninam karnika ba ni baha nani ra main kaiki bri bas, baha ninam yang ra aikram ba, bara baku mika witin nani sut asla kabia, sim man ba yang wal asla ba baku.

Jan 3:13

“Upla kumi sin kau kasbrika purara uli waras, sakuna witinka kasbrika purara ba wina bal iwan ba lika, baha sika Upla Luhpia Waitna ba.

Jan 6:27

Wark taki banhpara, baha pata isti aisawi ba dukiara; sakuna wark taki banhs, ban kaia ra pata ba dukiara, rayaka ban kaia lâka yabi ba dukiara sin. Naha pata ba sika Upla Luhpia Waitna bui maikbia, kan Gâd Aisa mita witin ra bâk sakan sa.

Jan 6:42

Bara witin nani bila: —¿Naha na Jisas apia ki, Josep luhpia ba? Yawan nani witin aisika bara yaptika wal kakaira sa. ¿Bamna nahki witin kasbrika purara ba wina bal iwan wisa?

Jan 6:53

Jisas pana win: —Kasak, kasak pali mai wisna, man nani Upla Luhpia Waitna wîna tara na piras bara tâlia sin diras sma kaka, raya ban kaia ba briras sma.

Apastil Nani Sturka 1:9

Diara nani aisaia bri kan ba sut aisan ba ra, apastil nani mawan wina Jisas ba mahka kasbrika purara uli wan; kasbrika kum bâk brih dimi tiwan, bara witin nani bui Jisas ba kli sip kaikras kata.

1 Pita 3:22

Bara witinka sika kasbrika purara uli Gâd lama pali ra iwi ba, bara insal nani, kasbrika purara karnika bri nani ba, bara karnika wala bri nani ba sut purara sin, witin wihta aimakisa.