Jan 5:3 - DAWAN BÎLA AISKA

³ Bahara upla sikniskira ailal tasba ra aitniki kan: kaikras nani, skahwa nani, bara wîna tara lâwi pruan nani sin. [Bara witin nani sut lika lî aiawanka ba bîla kaiki banhwi kata.

Jan 5:3 ပူးပေါင်းရင်းမြစ်များ

1 King Nani 13:4

Bara king Jeroboam ba Gâd waitnika bîla baikra sut walan, witinka Betel ra altar ba mapara karna aisin ba. Bara altar pura ba wina ai mihta sakbi win: “¡Witin ba alki silak ra mangks!” Sakuna witinka mapara ai mihta sakban ba kat karna takan, bara kli sip kruskras kata.

Sins Lâka 8:34

Yamni pali sa yang ra wali uplika ba, yu bani aihwaki kaikisa, waitla durka ra nani ra.

Inanka Nani 3:26

Kanra yamni sa, sâp taki Dawan hilp wan munaia ba bîla kaiki kaia.

Sakaraya 11:17

¡Baha sepadka diara yamni sip daukras sîp daknika lulki swi ba, sari pali kabia! ¡Yarka sord ba ai klahkla bara ai nakra aihkika purara kauhbia! ¡Bara klahkla ba yarka lâwbia, nakra ba sin kaikras daukamna!”

Matiu 15:30

Upla ailal witin ra balan ai sikniskirka nani brih, mina skahwa nani, kaikras nani, bîlas nani, mihta bara klahkla skahwa nani, bara siknis wala bri nani sin. Baha nani Jisas mina ra mangkan ba ra, witin mita sut ra rakan.

Matiu 4:24

Siria tasbaya sut ra Jisas sturka walan, bara siknis sât sât bri nani, pirit saura bri nani, wîna tatatwi nani bara wakia lâwi pruan nani ba sin sut witin ra brih balan. Jisas mita sut rakan.

Luk 7:22

Baku bamna, Jisas pana win: —Man nani wih Jan ra wis, dîa kaikram bara walram ba sin: Blain nani ba kaikisa, mina skahwa nani ba wapisa, liparkira nani klin daukan sa ai sikniska wina, kiama prawan nani ba walisa, pruan nani ba kli rawi buisa, bara umpira nani ra swaki sakan sturka ba smalkan sa.

Jan 5:2

Jerusalem pliska ra, Sîp nani Durka wi ba lamara, lî madakura kumi bâra sa, Hibru bîla ra Betzatá mâki ba, bahara dur matsip nani bâra sa.

Jan 5:4

Kan insal kumi ai piua kat baha lî madakura ra bal iwi munan aiawi kan, bara ani uplika pas lî aiawanka ba ningkara dimuya kaka, dîa dîa sât sikniska bri kan ba sut wina rawi kan.]

Roman 8:25

Sakuna yawan bîla kaiki dukia ba sip kau kaikras sa kaka, wan kupia alki takaski baha ba bîla kaikaia sa.

Jems 5:7

Bahamna, muihki nani, man nani wihka bîla kaiki bas insla dawanka baku, Dawan balbia ba kat. Ya insla warkka dauki ba, mâ manakira dâkaia wihka bîla kaikaia sa, lî piua aimaki auhbia ba kat.