Jan 4:34 - DAWAN BÎLA AISKA

³⁴ Sakuna Jisas mita win: —Yang pati sika witinka ai blikan ba kupia lâka daukaia, bara ai warkka sin sut pali daukaia.

Jan 4:34 ပူးပေါင်းရင်းမြစ်များ

Job 23:12

Piua bani ra dîa lâ mangki aikan ba kat daukaia munisni, yang kupi lâka kat lika apia.

Lawana Nani 40:8

Yang Dawanki, man kupiam lâka daukaia ba yang liliaki sa, ¡lâmka bîla smalkanka nani ba, yang lukanki ra mangki brih taukisni!

Matiu 26:39

Bara Jisas kan mapara kau wiria wih, ai mawan ra tasba kat kauhi, Gâd ra ai pura suni, win: “Aisiki, sip kaka, yarka yang naha pâtka wahwamnara; sakuna yang want sna ba baku lika apia, man kupiam lâka kat lika.”

Matiu 3:15

Sakuna Jisas bila: —Nanara lika baku ban swis; kan dîa Gâd wi ba kat yawan daukaia sa. Baku lika Jan aitani lukan.

Matiu 9:19

Jisas mahka bûi, ai disaipilka nani kira, witin wal wan.

Luk 15:10

Yang mai wisni, baha sim natka ra, Gâd insalka nani ba lilia sa upla saurakira kum ai kupia lakuya ba ra.”

Luk 19:10

Upla Luhpia Waitna na balri sa, diara tiwan ba pliki swaki sakaia.

Luk 2:49

Jisas bila: —¿Dîa kan ai plikisma ki? ¿Man nani kaikras ki, yang na Aisiki warkka nani tilara kaia sna ba?

Jan 17:4

“Yang mita naha tasba ra mamyunri, bara dîa daukaia wisi ai blikram ba sin sut daukri.

Jan 19:28

Naha diara ningkara, Jisas ai dara walan diara sut aisin ba aimakan, bara ulbanka ba aimakbia dukiara, witin bila: —Lî din ai daukisa.

Jan 19:30

Jisas baha wain swahwan ba din ningkara, witin bila: —Diara sut ba daukan sa. Baha ningkara Jisas ai lal makupan, bara pruan.

Jan 4:32

Sakuna witin mita win: —Yang piaia dukia brisna, baha man nani kaikras sma ba.

Jan 5:30

“Yang yakan diara sip daukras. Aisa mita aikan ba kat daukisna, bamna kasakka lâka kat lâ daukisni; yang brinki ba kat daukaia lika plikras, sakuna Aisa ai blikan ba brinka kat mika.

Jan 5:36

Sakuna yang witniski kum brisna, Jan ba wal kau tara sa. Diara nani daukisna ba, baha daukamna wisi Aisa mita mihti ra mangkan bamna, param mamrikisa yang na, Aisa mita ai blikan sa.

Jan 6:33

Kan Gâd mita yabi britka lika, kasbrika pura ba wina naha tasba ra bal iwan, tasba ra iwi uplika nani ra rayaka yabaia.

Jan 6:38

Yang kupi lâka kat daukaia wisi kasbrika pura ba wina balras, sakuna witinka ai blikan ba kupia lâka daukaia mika.

Jan 8:29

Kan witinka ai blikan ba yang wal sa. Aisiki mita yang na yakan ai swiras, kan witin kupia lâka ba kat daukisna.

Apastil Nani Sturka 20:35

Piua bani pain mai smalkri, baku wark taki uplika, diara âpu nani ra hilp munaia. Bara Dawan Jisas dîa aisin ba dukiara sin wan kupia krauki kaia, witin naku wisata ba: “Pain pali sa, upla ra diara yaia ba kau yamni sa, briaia ba wal.”

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.