Jan 4:32 - DAWAN BÎLA AISKA

³² Sakuna witin mita win: —Yang piaia dukia brisna, baha man nani kaikras sma ba.

Jan 4:32 ပူးပေါင်းရင်းမြစ်များ

Job 23:12

Piua bani ra dîa lâ mangki aikan ba kat daukaia munisni, yang kupi lâka kat lika apia.

Lawana Nani 119:103

Man pramiskam nani ba yang dairkaya ra damni pali sa, bîli ra nasma baku sa.

Lawana Nani 25:14

Dawan bui witin ra luki mayuni uplika nani ba, ai pânika pali kulkisa; witin ai lâka daukan ba marikisa.

Lawana Nani 63:5

Yang âuyapah pali takamni, upla nani pata tara kum ra, pih ai âuyapah lilia taki ba baku, bara yang bîli ba liliakira man ra mamyunbia.

Sins Lâka 14:10

Wan kupia, ai trabilka tahplika ba witin yakan man kaikisa; baku sin upla tringsar sip witin ai liliaka tilara aimakras.

Sins Lâka 18:20

Upla sturi ailal aisi ba ni ai biara banhwan takbia; ai un nani wina taki sahwan ba ni, witin aibanhbia.

Aiseya 53:11

Ai sulka sari, pât ailal brin ba ningkara, ingni ba kaikbia, bara ai âuyapah takbia; Dawan napakan kasakkira ba, upla ailal ra kasakkira kulkbia bara sin pri sâkbia, bara ai watawanka nani ba twilki brih wabia.

Jirimaya 15:16

Man bui yang ra aisi kapram ba ra, aisinkam nani ba langki katna; baha nani sika yang liliaki âiyapah ai saki kan yang kupi ra, kan yang sika aiska man dukiam sna, Dawan bara Gâd karnika sut man brisma ba.

Jan 4:31

Kau aidrubi balras kan ba ra, disaipil nani Jisas ra win: —Smasmalkra, plun wiria pan pis.

Jan 4:33

Bamna disaipil nani ba pana pana tawi makabi wali kan: —¿Upla kum mita witin ra plun piaia sal yan ki?

Jan 4:34

Sakuna Jisas mita win: —Yang pati sika witinka ai blikan ba kupia lâka daukaia, bara ai warkka sin sut pali daukaia.

Apastil Nani Sturka 20:35

Piua bani pain mai smalkri, baku wark taki uplika, diara âpu nani ra hilp munaia. Bara Dawan Jisas dîa aisin ba dukiara sin wan kupia krauki kaia, witin naku wisata ba: “Pain pali sa, upla ra diara yaia ba kau yamni sa, briaia ba wal.”

Param Marikanka 2:17

¡Ya ai kiama bri ba, Spirit serts nani ra wi ba, witin walaia sa! Ya sip muni pura lubia ba, manâ yukukan ba wina yang mita yârika pibia; bara walpa pihni kum yabamna, bara baha walpaya ra nina raya kum ulban sa baha ba upla kumi sin kakaira apia, uplika brisa ba baman.’