Jan 3:36 - DAWAN BÎLA AISKA

³⁶ Ya Gâd Luhpia ra kasak luki ba, raya ban kaia lâka ba brisa; sakuna ya Gâd Luhpia ra kasak lukaia apia wi ba, sip baha rayaka ba bribia apia, sakuna Gâd klalka saura pali ba bribia.

Jan 3:36 ပူးပေါင်းရင်းမြစ်များ

Job 33:28

Ban sakuna, prura wina swaki ai sakan, bara nanara kat sin ai ingnika ba kaikaia sip sni.”

Lawana Nani 2:12

witin lawbiara sîa; man nani yabal ra pruma, kan witin ai kupia baiwanka ba isi pali sa. ¡Yamni pali sa baha nani sut witin ra ai yukuwaika briaia pliki ba!

Lawana Nani 36:9

Raya kaia kârma ba man ra bâra sa, man ingnikam baman yang nani ingni kaikaia sip sa.

Lawana Nani 49:19

Witin prubia yua ba wabia bara kli wan yu ingnika na kaikbia apia.

Abakuk 2:4

Naha smalkanka bîla ulbi bris: Upla watawikira nani ba ai prautka lâka ra iwisa; sakuna kasakkira nani ba lika Gâd ra kasak luki ba mita raya kabia.”

Kulki Kaikanka 32:11

Idsip wina takan uplika nani, mani 20 alkan ba wina ai purara bri ba, kumi sin baha tasbaya ba kaikbia apia, baha sika Ebraham, Aisak bara Jekob ra yaia win yaba, witin nani kasak wapi banhras kan ba mita.

Matiu 25:46

Bamna naha nani na ban kaia ra pât wahwanka ra wabia, sakuna kasakkira nani ba lika raya ban kaia ra wabia.”

Mark 16:16

Ya kasak lukbia ba, tahbi daukan kabia, witin lika swaki sakan kabia; sakuna ya kasak lukras kaka, witin pât ra lulkan kabia.

Luk 2:30

Kan pat kaikri swaki takan lâka ba,

Luk 3:6

bamna tasba aiska swaki sakan lâka Gâd mita yabi ba kaikbia.’ ”

Jan 1:12

Sakuna ya nani witin ra brin bara kasak sin lukan nani ra, witin mita naha uplika nani ra Gâd luhpia takaia karnika ba yan.

Jan 10:28

Yang baha nani ra raya ban kaia lâka ba yabisni, bamna witin nani sin prubia apia ban kaia ra raya kabia, baku bamna upla kumi sin âpu sa baha nani ba mihti wina dakbi briaia.

Jan 3:3

Jisas pana win: —Kasak pali mai wisna, ya kli aisubi takras sa kaka, witin sip Gâd king aimaki ba lâka kaikbia apia.

Jan 4:36

Insla mâ kriki uplika ba ai mana brisa, bamna insla mâ wahbisa raya ban kaia ba briaia, bara baku lika mâ mangki ba bara mâ kriki ba wâlsut lilia kabia.

Jan 5:24

“Kasak pali mai wisna: Yang aisisna ba ra ya aman walisa, ai blikan ba ra sin kasak lukisa kaka, witin raya ban kaia lâka ba brisa, pât ra sin lulkan kabia apia; kuna pruan wina taki pat raya kaia ra luan sa.

Jan 6:58

Kasbrika purara ba wina bal iwan britka ba dukiara aisisni. Naha britka na damikam nani pali pin ba sâtka apia sa, kan sut prui tiwan. Ani uplika naha britka pibia ba, ban kaia ra raya kabia.

Jan 8:51

Kasak pali mai wisni, ya yang aisisna ba alki bribia kaka, witin prubia apia ban kabia.

Apastil Nani Sturka 14:2

Sakuna tila Ju nani kasak lukras kan ba mita, Ju apia nani ra maisa pakan, wan muihni nani mapara saura lukaia.

Roman 4:15

Kan lâ ba klala bri aula; kuna anira lâ âpu sa kaka, lâ bîla lui sauhkaia lâka sin âpu sa.

Roman 5:9

Bara nanara, Kraist pruanka ba mita Gâd mita pri mai sakan sa, bara kau pali Gâd lawanka ba wina sin Kraist bâk pri mai sakan kabia.

Roman 8:1

Baku bamna, nanara lika Kraist Jisas wal asla takan nani ba pât dingkaia ba âpu sa.

Galesha 3:10

Bamna ya nani Moses lâka bîla wali daukaia luki ba lika, saura pali kulkan lâka mununhtara sa. Kan Ulbanka wisa: “Lâ wauhkataya ra dîa ulban ba aiska daukras uplika nani ba lika, saura pali kulkan lâka mununhtara sa.”

Epesus 5:6

Upla mita yarka bîla bahki aisi kunin mai munbiara, kan bahmuna dukia saura nani wina sika, Gâd klalka tara ba aula, bîla wali daukras nani ba klala yaia dukiara.

1 Tesalonaika 1:10

Bara baha nani sin aisisa, nahki man nani lika Gâd Luhpia Jisas kasbrika pura wina balbia ba bîla kaikisma ba, witinka ba sika Gâd mita pruan nani tila wina kli bukan ba. Witin mita sika pât saura aula ba wina swaki wan saki ba.

1 Tesalonaika 5:9

Kan Gâd lika yawan pât bribia wisi bâk wan sakras sa, sakuna wan Dawan Jisas Kraist bal swaki sakan lâka bribia dukiara mika.

Hibru Nani 10:29

Bamna, Gâd Luhpia ra ai mina ni taibi uplika ba, bara tâlia ra bahki kulki ba, bara kupia yamni Spiritka ra sin saura muni ba mapara, ¿nahki kabia ki? ¡Man nani luki kaiks nahki witin ba kau klala saura pali briaia ba! Kan baha tâlia mita sika lâ daukan ba karna saki ba, bara baha ni sin uplika ba holikira daukan sa.

Hibru Nani 2:3

Baku bamna, ¿nahmuna swaki sakan lâka tara pali na alki briras ban pali swibia kaka, yawan na nahki swak takbia ki? Dawan pali mita naha swaki sakan lâka na pas dahra aisan, bara baha ningkara, witin ra walan nani ba yawan ra latan wan marikan baha ba kasak pali sa.

Hibru Nani 3:18

¿Bara ani uplika nani ra Gâd mita swer taki win, witin wal dimi ris bribia apia? Baha aisan ba lika, witin mapara bûi banhwan ba dukiara.

Hibru Nani 3:19

Bamna yawan kaikisa, witin nani ba sip dimras kan, kasak lukras kan ba mita.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”