Jan 21:15 - DAWAN BÎLA AISKA

¹⁵ Bamna titan pata pin ba ningkara, Jisas mita Saiman Pita ra makabi walan: —Saiman, Jan luhpia, ¿man ba naha nani purkara yang ra kau latwan ai kaikisma ki? Pita mita pana win: —Âu, Dawan, man kaikisma nahki yang bui man ra latwan sna ba. Jisas bila: —Baku sa kaka, sîpki luhpia nani ba plun dakaks.

Jan 21:15 ပူးပေါင်းရင်းမြစ်များ

Blasi Sturka 33:13

Jekob pana witin ra win: —Muihki laitwankira, man nu sma tuktan nani wîna ba swapni sa; sîp bara bîp luhpia nani ba sin baku sa. Bamna yang baha nani dukiara sin luki kaikaia sna. Witin nani ba swapbia kaka, yu kum bilara sut prui tiwbia.

2 Samuil 7:20

Dawan, ¿yang kau dîa mai wiaia sna ki, man mita yang albikam na kaikaia sma na?

2 King Nani 20:3

“Dawanki, yang mamkabisna man bui yang dukira kupiam krauks, kan yang sika man mamwanra kasak ba kat daukri kupi aiska kira ba wal, bara diara nani daukri ba sin man kupiam brinka kat daukri.” Bara Ezequías ba karna inan.

Aiseya 40:11

Witin sepad baku ai daknika ba main kaiki aula; sîp lupia nani ba ai klahkla ra twilkisa, swap lupia nani ba, ai lama bîla kat main kaiki alkisa.

Jirimaya 23:4

Witin nani ba main kaikaia sepadka nani yabamna, witin nani kli diara kum tâka sibrin dauki kabia apia, dîa kum sin luha kabia apia. Yang, Dawan, kasak aisisna.”

Jirimaya 3:15

Wihta nani yang bîli wali dauki ba yang mita mangki maikamna, bara sins bri lâka ra diara tânka kaiki lâka ni wihtkam aimaki kabia.

Isikiel 34:23

Yabamna duki dadaukra Debit ba kli tawi balaia, bara sepad unhsak baku mangkamna, bara witin main kaikbia. Witin baha nani sepadka kabia.

Isikiel 46:24

Baku ba ra ai win: “Naha sika piakaia pliska bara tempel ra wark dauki nani ba piakbia daiwan sakripais bri bal yaban ba.”

Matiu 10:37

“Ya ya ai aisika ra, apia kaka ai yaptika ra yang purkira latwan kaikisa kaka, yang upliki kaia sip apia sa; baku sin, ya ai luhpia waitna, apia kaka ai luhpia mairin ra yang purkira latwan kaikisa kaka, yang upliki kaia sip apia sa.

Matiu 16:17

Bara Jisas witin ra win: —Man ba yamni pali sma, Saiman, Jona luhpia, kan naha na Aisiki kasbrika purara ba mamrikan sa, upla kumi mita lika apia.

Matiu 18:10

“Aman kaiks; man nani naha sirpika nani kumi ra sin bahki kulkpara. Kan yang bui man nani ra mai wisna, ai insalka nani Aisiki kasbrika purara ba ra piu bani ra lamara sa.

Matiu 26:33

Bara Pita Jisas ra win: —Upla man dukiamra aihka lukbia kra, sakuna yang lika apia.

Matiu 26:35

Pita bila: —Man wal pruaia kamna kra, sakuna mai kaikras lika aisamna apia. Bara disaipil nani sut sim baku aisin.

Mark 14:29

Bara Pita Jisas ra win: —Upla sut baku daukbia kaka, yang lika sip mai swimna apia.

Luk 12:32

“Sîpki nani, si bripara; man nani ba wiria sma, sakuna Aisa ba mita pain lukisa king lâka ba maikaia.

Luk 22:32

Sakuna yang bui man dukiamra puri sunri, kasak lukankam ba tiwaia apia. Man kli tawi balma ba ra, muihkam nani tâ baiks.

Jan 1:42

Ningkara Andru mita Saiman ba brih wan Jisas bâra kan ba kat, bamna Jisas kaiki, naku win: —Man ba Saiman, Jan luhpia, sakuna Cefas mai mâkan kabia (baha tânka ba: Pita).

Jan 13:37

Pana Pita bila: —Dawan, ¿dîa muni nanara yang sip ninam blikamna apia? Yang ridi sni man tâmwan rayaki ba yaia.

Jan 16:27

kan Aisa mita man nani ra latwan mai kaikisa. Latwan mai kaiki ba lika, man nani mita yang ra latwan ai kaikisma bamna, bara kasak sin luki banhram yang na kasak Gâd wina balri.

Jan 21:12

Bamna Jisas bila: —Man nani mahka bal, titan pata pis. Disaipil nani tila wina kumi sin makabi walras kata, witin ba ya sa sapa, kan witin nani sut nu kan baha ba Dawan sa.

Jan 21:7

Baha disaipilka Jisas mita latwan kaiki kan ba Saiman Pita ra win: —¡Naha na Dawan sa! Saiman Pita lika baha ba Dawan sa win walan ba ra, witin kwala brih ai taya prakan (kan witin ai taya man kan), bamna liura pâli dimwan.

Jan 8:42

Bamna Jisas pana win: —Gâd ba kasak man nani aisikam kata kaka, latwan ai kaikaia katma, kan yang lika Gâd wina ai blikan nahara sni. Yang yakan balras, sakuna Gâd mita ai blikan.

Apastil Nani Sturka 20:28

Baku bamna, man nani pali dukiamra aihwaki bas, kristian daknika ba dukiara sin, witinka nani dukiara sika Spirit Holikira mita mai mangkan, Gâd sertska uplika nani ba main kaikaia, baha witin ai tâlia ni atkan sa.

Apastil Nani Sturka 20:29

Bamna kaikisna, yang wamna ningkara, upla wala nani balbia, serts ra upla nani bâra ba sauhkaia, bara sin yul wail prautkira nani mita sîp nani âpu dauki ba baku kabia.

Roman 14:1

Bamna upla kumi kasak lukan lâka ra swapni sa kaka, ban tilamra bri bas, sakuna dîa ai tânka ba dukiara lika wal aisi blauhpara.

Roman 15:1

Bamna yawan kasak lukan lâka ra karna banhwi ba mita swapnikira nani swapnika ba wan karbanka pali baku brih twilki kaia sa, bara yawan wan kupia lâka baman lika luki kaia apia sa.

1 Korint 8:11

Bara baku, naha uplika swapan na, witinka ba muihkam bara witin dukiara sin Kraist pruan ba, man diara tânka kakaira sma ba mita tanis tiwbia.

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

Epesus 4:14

Bara yawan na tuktan ban kaia apia sa, witin nani ai natka isi sât wala takisa, ya ya smalkanka raya smalki nani ba payaska ba mita raski brih auya, âuya mâira nani aimawahkan yabalka ra tauki nani ba mita sin kunin munisa.

Epesus 6:24

bara Gâd mita wan Dawan Jisas Kraist ra, latwan kaiki uplika nani sut ra yamni munbia, latwan lâka kum sip aihka takras ba wal.

Hibru Nani 13:20

Gâd mita wan Dawan Jisas Kraist ba pruan wina kli bukan sa, witinka ba ai tâlia ni ban kaia lâka ba karna saki, sîp nani Sepadka Wihta takan ba.

Hibru Nani 4:13

Gâd wina yukuwaia dukia kumi sin âpu sa. Diara paskan ba sut param sa bara witin ai nakra ra kwâkan sa; witinka ra sika yawan wan dahra nani saki aisaia ba.

1 Pita 1:8

Man nani lika Jisas Kraist ba namkra pali ni kaikras, ban sakuna, latwan kaikisma; man nani bui witin ra kasak lukisma, namkra ni kaikras sma sakuna; bara ba mita lilia tara bara pranakira sin brisma, bara liliaka tânka ba bîlam ni sin sip aisaras,

1 Pita 2:2

Tukta swap lupia bisiura aisubi takan baku, plun mai dauki ba, spirit tialka laya pali ba pliks, bara baha bâk di pâwma, bara swak takan lâka ba brima.

1 Pita 2:25

Kan man nani pas piua sîp aimawahkan nani baku tauki kapram, sakuna nanara kli Kraist ra tawi balram, bara witinka sika sepad baku tâm brisa bara sulkam nani sin main kaikisa.

1 Jan 4:19

Yawan bui Gâd ra latwan kaikisa, witin mita pas latwan wan kaikan bamna.

1 Jan 5:1

Upla bani Jisas ba Kraist sa kasak luki ba, witin lika Gâd luhpia sa; ya aisa kum ra latwan kaikisa kaka, ai luhpia nani ra sin latwan kaia sa.

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.