Jan 21:12 - DAWAN BÎLA AISKA

¹² Bamna Jisas bila: —Man nani mahka bal, titan pata pis. Disaipil nani tila wina kumi sin makabi walras kata, witin ba ya sa sapa, kan witin nani sut nu kan baha ba Dawan sa.

Jan 21:12 ပူးပေါင်းရင်းမြစ်များ

Matiu 22:46

Bara upla kumi sin bîla kum pan aisaras kan; bamna baha yua wina upla kumi sin diara makabi walaia lukras kata.

Mark 9:32

Sakuna witin nani baha aisi ba tânka briras kan, bara makabi walaia sin sibri kan.

Luk 9:45

Sakuna witin aisi kan ba dukiara ai disaipilka nani tânka briras, kan Gâd mita witin nani ra adar yabras kan baha tânka ba briaia; witin nani sin sibrin dauki kan, dîa Jisas aisin ba tânka param saki wibia dukiara makabaia.

Jan 16:19

Jisas kaikan ai disaipilka nani ba witin ra makabi walan dauki kan, bamna naku win: —Yang mai wîri kau piua wiria baman ai kaikma apia, bara kau piua wiria ningkara kli ai kaikma. ¿Naha tânka dukiara man nani tilamra pana pana makabi walisma ki?

Jan 21:11

Saiman Pita duri ra aimaki tân ba sauhka ra raskan, bara tân ba inska tara ni aibanhwan kan, asla 153 inska nani kata. Inska ailal pali kan sakuna, tân ba kalras kata.

Jan 21:15

Bamna titan pata pin ba ningkara, Jisas mita Saiman Pita ra makabi walan: —Saiman, Jan luhpia, ¿man ba naha nani purkara yang ra kau latwan ai kaikisma ki? Pita mita pana win: —Âu, Dawan, man kaikisma nahki yang bui man ra latwan sna ba. Jisas bila: —Baku sa kaka, sîpki luhpia nani ba plun dakaks.

Jan 4:27

Baha pali piua ra disaipil nani ba aidrubi balan, bara witin nani sut aihka luki kan, Jisas mairin kum wal man aisi kan bamna. Sakuna witin nani kumi sin karnika âpu kan makabi walaia dîa want sapa, bara Jisas ra sin makabi walras kan, dîa muni mairin ba wal man aisi kan sapa.

Apastil Nani Sturka 10:41

Upla sut ra lika param takras kan, sakuna yang nani ra lika. Gâd mita kaina wina yang nani na bâk ai sakan, witnis kaia ba dukiara. Jisas pruan wina buan ningkara, yang nani aikuki plun piri, diara sin dih banhri.