Jan 20:27 - DAWAN BÎLA AISKA

²⁷ Ningkara Jisas mita Tamas ra win: —Mihtam kulkaika ba nahara dingki, mihti nani na kaiks, bara mihtam ba sakbi tnaiya mina untika na ra dingki kaiks. ¡Bamna lukras ban kapara, sakuna kasak luks!

Jan 20:27 ပူးပေါင်းရင်းမြစ်များ

Lawana Nani 78:38

Sakuna Gâd ai kupia swapni bri kan, watawi daukan saurka ba ban swih tikan bara sauhki tikras kata; aima ailal ai kupia sauhkanka ba kli swin, bara ai lawanka tara ba mita yaban bri waras kata.

Matiu 17:17

Bara Jisas naku aisan: —¡Man nani kasak lukras kiamka bara watawikira nani sma ba! ¿Ahkia kat yang na man nani wal kamna? ¿Ahkia kat yang kupi man nani wal ban alki takaski bri kamna ki? Tuktika waitna ba nahara bri bal.

Mark 9:19

Jisas bila: —¡Upla nani sip kasak lukras sma ba! ¿Ahkia kat man nani wal kamna ki? ¿Ahkia kat kupi alki takaski brimna man nani wal? ¡Tuktika ba nahara bri bal!

Luk 24:39

Kaiks mihti nani na bara mini nani sin. Yang pali sna. Mihtam ni ai alki ai kaiks: spirit kum lika wîna tara bara dusa nani sin briras, man nani kaikisma yang brisna ba baku.

Luk 24:40

Naha aisin ba ra, ai mihta nani bara ai mina nani sin marikan.

Luk 9:41

Jisas pana win: —¡Kasak lukras upla warha nani! ¿Ahkia kat yang na man nani wal kamna, bara kupi sin alki takaskamna ki? ¡Luhpiam ba nâra bri bal!

Jan 20:20

Naha aisin ningkara, ai mihta nani bara ai tnaya mina sin baha nani ra marikan. Disaipil nani lika Dawan kaikan ba ra, lilia pali takan.

Jan 20:25

Bamna ningkara, disaipil wala nani ba mita Tamas ra win: —Yang nani lika Dawan ba kaikri. Sakuna Tamas bila: —Witin ai mihta nani ra silak ni saban untika nani ra bara tnaya mina untika ba ra mihti sirpika ni dingki kaikras sna kaka, yang sip kasak lukamna apia.

Jan 20:28

Tamas mita pana win: —¡Yang Dawanki bara yang Gâdki!

Roman 5:20

Bamna Moses lâka balan saurka ba kau manis takaia dukiara, sakuna saurka ba kau manis takan ba ra, Gâd kupia yamnika ba kau tara pali takan.