Jan 20:21 - DAWAN BÎLA AISKA

²¹ Baha ningkara Jisas kli win: —¡Kupia kumi lâka man nani wal kabia! Aisa mita yang ai blikan ba baku, yang mita man nani ba mai blikisna.

Jan 20:21 ပူးပေါင်းရင်းမြစ်များ

Matiu 10:16

“¡Kaiks! Yang bui man nani ba sîp baku mai blikisna yul wail nani tilara. Baku bamna, piuta nani baku sinskam ba bri bas, sakuna upla ra saura munras butku nani baku.

Matiu 10:40

“Ya ya man nani ra pain mai bri ba, yang ra ai brisa; ya yang ra ai bri ba, witinka ai blikan ba ra brisa.

Luk 24:36

Baha diara nani ba dukiara witin nani kau aisi kan ba ra, Jisas witin nani lilapas kat buan, bara lakula dauki, naku wisata: —Kupia kumi man nani ra kabia.

Jan 13:20

Kasak pali mai wisna, ya yang blikri uplika ra bri ba, yang ra ai brisa; bamna ya yang ai bri ba, witinka ai blikan ba ra sin brisa.

Jan 14:27

“Man nani wina dakwi takuna kupia kumi lâka ra. Kupi kumi lâka man nani ra maikisni, sakuna tasba uplika nani kupia kumi lâka yabi ba sât lika apia. Man nani kupiam trabil bripara bara sibrin kapara.

Jan 20:19

Baha sim piua tihmika tutni pali ra, disaipil sut asla taki kan, bamna utla durka nani sut prakan kan, Ju nani sîa. Jisas bal dimi, disaipil nani lilapas kat buan, baha nani ra lakula dauki, naku win: —¡Kupia kumi lâka man nani wal kabia!

Jan 20:22

Jisas mita disaipil nani sut ra ai wingka puhbi, naku win: —Man nani Spirit Holikira ba bris.

Jan 20:26

Yu 8 luan ningkara, disaipil nani ba kli utla kum ra asla taki banhwan kan, bara naha piua lika Tamas sin baha nani tilara kan. Bamna dur nani ba sut prakan kan, sakuna Jisas ban dimi disaipil nani lilapas kat buan, lakula dauki, naku win: —¡Kupia kumi lâka man nani wal kabia!

Jan 3:17

Gâd mita ai Luhpia naha tasba ra blikras kan, upla nani na pât ra lakaia, sakuna witin mita swaki sakaia.

Apastil Nani Sturka 1:2

ban kasbrika purara uli wan ba kat. Ai apastilka nani wahbi saki Spirit Holikira bâk smalkan, dîa pali sika witin nani daukaia kan ba.

Apastil Nani Sturka 1:8

Sakuna man nani puramra Spirit Holikira balbia ba ra karnika brima, bara yang dukira witnis nani kama Jerusalem ra, Judia tawanka aiska ra, Sameria ra, ban wan tasba wala ra kau laihura ba kat sin.

2 Timoti 2:2

Witnis ailal mawanra yang aisari bîla nani walram ba, baha ba upla kasak nani mihta ra mangks, witinka nani mita upla wala nani ra smalkaia sip kabia ba.

Hibru Nani 3:1

Baku bamna, muihki kristian nani sma ba, man nani sin Gâd mita ai luhpia nani kaia wisi mai paiwan ba, Kraist Jisas ra kaiki bas, witinka Gâd mita blikan ba, yawan wan kasak lukan lâka warkka dauki ba Prîska Tara kaia dukiara.

3 Jan 1:14

Pat pali mai kaikamna baku sa, bara baha piua ra yawan wal aisabia.