Baha diara nani taki luan ba ningkara, Dawan ba Ebraham kasakka lukanka lâka ba kaikaia mata, traika kaikanka kum daukan. Witin ai nina mâki winan, bara Ebraham pana witin ra win: —Yang nâra sna.
Dawan kaikan Moses ba kau ai lamara aula, bara witin kiaya dusa ba tila wina witin ra wini, naku win: —¡Moses! ¡Moses! Bara Moses pana aisin: —Yang nâra sni.
Witin nani wina lui laihura wari ba ra, yang sulki latwan kaiki uplika ba wal prak prawri. Bara mihta kat prak alkri, swiras ban alkri ba kat; yang yaptiki watla ra bri sal dingkri.
Yang yapi katna, kuna kupi lika raya kan. Bara yang walri laitwankira waitna ba, dur ra kingbi kan: “¡Yang ra dur sâks, laitwankira mairin; laikra lupia, butkuki lupia! ¡Laila ba diwas laya ni buswan sa! ¡Tihmia diwaska laya tâiwa bâk iswisa!”
Sakuna nanara, Dawan naku wisa, Jekob, Israel man mai Papaskra ba, witin naku mai wisa: “Si bripara, kan yang atki mai sakri; ninam mâki mai wîri, man ba yang upliki sma.
Bamna Jisas ai ninara tawi kaikan, baha nani ai nina bliki kan ba ra naku wisata: —¿Dîa pliki banhwisma ki? Witin nani bila: —Smasmalkra, ¿anira takaskisma ki?
Bara dur main kakaira ba mita sîp main kakaira dimbia dukiara dur ba kwâkisa, bara sîpka nani mita sin ai bîla baikra walisa. Ai sîpka nani nina kat mâki winisa, bara klar bîla wina saki latara brih auya.
Tihmia kan ba ra, Nikudimus ba Jisas kaikaia wan, bara naku win: —Smasmalkra, yang nani kaikisna wan smalkaia dukiara, Gâd mita man ba mai blikan sa; kan upla âpu sa sain aihka nani daukaia, man daukisma ba baku, Gâd ba witin wal apia sa kaka.