Jan 2:24 - DAWAN BÎLA AISKA

²⁴ Sakuna Jisas lika witin nani ra kasak lukras kata, kan witin sut ra kakaira kan bamna.

Jan 2:24 ပူးပေါင်းရင်းမြစ်များ

1 King Nani 8:39

kasbrika purara iwisma pali ba wina wali kama, bara pâtka ba ban swih tikma. Ningkara man mahka dîa daukaia lukma ba daukma, kumi bani ra ai daukanka ba kat mana yama, man baha nani kupia ba kaikisma bamna. Man baman sika upla nani sut kupia tânka kaikisma ba.

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

1 Kronikas 29:17

Dawanki, yang kaikisna man upla kupia tânka pliki kakaira sma, bara kupia wapnikira ba man yamni kaikisma; baha mita yang kupi wapnikira ni naha diara nani na maikri sa, bara nanara man uplikam nani nahara asla taki banhwan na, liliakira pali wal diara maikan sa.

Jirimaya 17:9

“Upla kupia lukra kuninkira pali warha ba baku kau diara wala âpu sa. ¿Ya sip sa baha tânka ba briaia?

Matiu 9:4

Sakuna nahki Jisas pat kaikan baha nani lukanka ba, bara makabi walan: —¿Dîa kan man nani ban lukanka saura bri banhwisma ki?

Mark 2:8

Sakuna Jisas pat kaikan baha nani ai kupia ra luki kan ba, bara makabi walan: —¿Man nani dîa kan baku lukisma ki?

Jan 1:42

Ningkara Andru mita Saiman ba brih wan Jisas bâra kan ba kat, bamna Jisas kaiki, naku win: —Man ba Saiman, Jan luhpia, sakuna Cefas mai mâkan kabia (baha tânka ba: Pita).

Jan 16:30

Nanara yang nani kaikri man ba diara sut pali kaikisma, bara upla kum mita baha dukiara mamkabi walaia apia sa. Baha mita yang nani kasak lukisna man ba Gâd wina balram sa.

Jan 21:17

Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.

Jan 4:16

Jisas mita win: —Man wih mayam wini brih, nahara kli bal.

Jan 5:42

Baha purkara, yang lika man nani tânkam ba pain kaikisna, man nani bui Gâd ra latwan kaikras sma ba.

Jan 6:15

Sakuna Jisas kaikan baha uplika nani mita witin ba priski bri si king mangkaia kan bamna, witin yakan mahka taki wan, il ba purara.

Jan 6:64

Sakuna man nani tilamra upla tila nani kau kasak lukras sa. Kan tâ pali wina Jisas lika kaikan, ani uplika nani ba kasak lukras kan, bara ya mita ai waihla nani mihta ra mangkbia ba sin.

Apastil Nani Sturka 1:24

Witin nani baha dukiara naku ai pura sunan: “Dawan, man baman sika upla nani kupia tânka kaikisma ba; wan mariks naha waitna wâl na wina, ani pali ba man bâk sakram

Apastil Nani Sturka 15:8

Bara Gâd, witinka upla kupia pain kaiki ba bui naha diara na wan marikan sa, nahki Ju apia nani ra sin want ba, bara Spirit Holikira baha nani ra yaban, sim yawan ra wankan ba baku.

Kli Smalkanka 31:21

Sakuna pât saura nani bara sari lâka ai purara balbia piua ra, bara naha lawana na ai mapara witnis baku aiwanbia, kan ai kiamka nani ba kupia krawbia bara aiwanbia. Kan kau naha kuntrika yabaia wîri ba ra dimras kainara, pat kaikri ai lukanka nani anira tniwi ba.”

Hibru Nani 4:13

Gâd wina yukuwaia dukia kumi sin âpu sa. Diara paskan ba sut param sa bara witin ai nakra ra kwâkan sa; witinka ra sika yawan wan dahra nani saki aisaia ba.

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.

1 Samuil 16:7

Sakuna Dawan bui witin ra win: “Mawan painka ra kaikpara, ai pâwanka ra sin apia, baha sut ba yang bahki kulkri sa. Yang lika waitna diara kaiki ba baku kaikras; upla lika mawan painka ra bamna kaikisa, sakuna yang lika kupia kat kaikisna.”