Jan 19:9 - DAWAN BÎLA AISKA

⁹ Bamna Pailat kli lâ tara watla ra dimi, Jisas ra makabi walan: —¿Man ba ani wina sma ki? Sakuna Jisas lika pana diara kumi sin aisaras kan.

Jan 19:9 ပူးပေါင်းရင်းမြစ်များ

Aiseya 53:7

Saura pali rausauhkan, sakuna witin bawan lâka ra wan, bara ai bîla sin sakras kan; bara sîp baku ikaia pliska ra brih wan bara ai bîla prakan kan, ai bîla sin kwâkras kan sim sîp kum taya irbi ba baku.

Matiu 26:63

Sakuna Jisas sâp kan. Bara prîs nani wihtka ba mita win: —Gâd rayakira ba nina ra, swer taki mamkabi walisna man ba kasak ba kat aisama. Wan wis man ba Misaya, Gâd Luhpia sma sapa.

Matiu 27:27

Ba wina Pailat suldiarka nani mita Jisas ba wihta tara watla latara brih wan, bara suldiar daknika aiska ba ai tnaya kir asla takan.

Luk 23:9

Diara uya makabi walan, sakuna Jisas pana diara aisaras kata.

Jan 18:28

Bamna Jisas ba Keyapas watla wina tawan wihtka tara watla ra brih wan. Baha piua ba pat yu baiwaia man kan, bara Ju nani lika lâ watla tara ra dimras kan, tâski kulkan kabia apia dukiara, kan baku daukbia kaka, Insal luan Yua Liliaka tutnika pata ba piaia sip apia kan.

Jan 18:33

Pailat kli ai watla ra diman, bamna Jisas ba paiwi, makabi walan: —¿Man ba Ju nani Kingka sma ki?

Jan 18:34

Jisas pana win: —¿Man baha maikabi walisma ba, yakan kupiam wina, apia kaka upla wala nani mita yang dukira mai win sa ki?

Jan 18:37

Bara Pailat pana win: —¿Baku bamna, man ba king kum sma ki? Jisas pana win: —Âu, yang na king sna, man aisaram ba baku. Yang aisubi taki, naha tasba ra balri diara kasak ba upla nani ra wiaia. Bamna baha nani sut kasakka lâka ra nani ba, yang dîa aisisna ba aman walisa.

Jan 19:10

Pailat win: —¿Man bui yang ra ai aisaras sma? ¿Man kaikras sma ki, yang karnika brisna dus prihni ra mai sabaia, bara pri mai sakaia karnika sin?

Jan 19:8

Pailat naha walan ba ra, kau sibrin daukan.

Jan 8:14

Jisas pana win: —Yang yakan dukira witnis aisamna kra, kuna dîa aisisna ba lika kasak pali sa, bamna yang kaikisna ani wina balri ba, bara anira sin kli auna ba; sakuna man nani lika kaikras sma ani wina taki balri bara anira sin auna ba.

Pilipai 1:28

Waihlam nani sîa yapara. Naha na witin nani tanis tiwaia sainka latan pali sa, sakuna ban sin man nani swaki mai sakan ba marikisa; bara naha na Gâd wina aula.

Wihta Nani 13:6

Bara mairin ba ai maya waitna ra wih ki, naku win: “Gâd waitnika kum yang bâra kapri ba kat wan, yang ra kasak aisin, waitnika ba Dawan insalka talia kan. Yang mita lika makabi walras kapri witin ba ani wina balan, witin ba ya, bara witin sin pana ai wiras kan ai tânka ba.