Jan 19:6 - DAWAN BÎLA AISKA

⁶ Bamna prîs tara nani bara suldiar nani sin Jisas ba kaikan ba ra, mahka ai pura wini, win: —¡Dus prihni ra sas! ¡Dus prihni ra sas! Pailat bila: —Ban kaka, man nani mita witin ba bri si dus prihni ra sabi banhs, kan yang lika witin wîna ra watawanka kumi sin sakras sna.

Jan 19:6 ပူးပေါင်းရင်းမြစ်များ

Matiu 26:58

Sakuna Pita lika laih wina nina bliki, ban wihta tara watla lata kat wan, bara bahara dimi tempel main kakaira nani aikuki iwi kan, diara ba nahki takbia sapa kaikaia.

Matiu 27:22

Pailat witin nani ra makabi walan: —¿Bara Jisas, nina Kraist mâki ba wal, dîa daukamna ki? Sut bila: —¡Dus prihni ra sas!

Matiu 27:24

Pailat witin sip diara daukras kan kaikan, bara bin lika kau tara taki kan ba ra, adar yan lî bri sal yabia, bara upla sut mawanra ai mihta nani sikbi, win: —Naha waitnika pruaia pâtka na man nani daukisma; yang baha tilara âpu.

Luk 23:4

Bamna Pailat prîs tara nani ra bara upla sut ra sin win: —Yang naha waitnika na ra pât kumi sin sakras pali.

Jan 18:3

Bamna Judas baha giadinka ra wan, suldiar daknika kum, bara tempel main kakaira kum kum sin aikuki; baha ba prîs wihtka nani bara parisi nani mita sin blikan kan. Witin nani aiklabaia dukia nani, lamp nani, bara awas angki sin brih wan.

Jan 18:31

Pailat mita pana win: —Man nani mita waitnika na brih was, bara man nani lâmka kat witin lâka dauks. Bamna Ju nani mita win: —Sakuna yang nani Ju nani mita upla ikaia ba lâ apia sa.

Jan 18:38

Pailat pana win: —¿Bamna diara kasak ba dîa? Naha makabi walan ningkara, Pailat kli taki Ju nani ra wih, naku win: —Naha waitnika wîna ra watawanka kumi sin yang sakras pali.

Jan 19:15

Sakuna Ju nani ai pura wini, naku win: —¡Witin ba prubia! ¡Witin ba prubia! ¡Dus prihni ra sas! Pailat bila: —¿Man nani want sma ki, kingkam ba dus prihni ra sabamna? Sakuna prîs tara nani pana win: —¡Yang nani king wala briras, Rom kingka baman!

Jan 19:4

Pailat kli taki bal, witin nani ra win: —Kaiks, witin ba nahara brih aulna, bamna man nani kaikma yang bui witin ra watawanka kumi sin sakras pali sna.

Apastil Nani Sturka 2:23

Blasi piua wina Gâd mita ai Luhpia ba ridi dauki dîa takaia kan ba pain kaiki si, man nani mihtam ra mangkan ba ra, witin ba silak ra mangkram, baha ningkara upla watawikira nani mihta ra mangki bri si dus prihni ra sabi ikram.

Apastil Nani Sturka 7:52

¿Man nani damikam nani ani prapitka ra nani ra lika saura munras kan ki? Damikam nani mita ikan, baha nani baha kasakkira balaia dukiara aisi banhwi kan ba ra. Witinka ba balan ba ra, man nani waihlam saki upla mihta ra mangki, ikram.