Jan 19:42 - DAWAN BÎLA AISKA

⁴² Baha raitika ra witin nani mita Jisas wîna tara ba mangkan, kan baha raitika ba Jisas dus ra saban pliska ba lamara kan bamna, bara Ju nani ris yua kulki kan ba sin pat baila kata.

Jan 19:42 ပူးပေါင်းရင်းမြစ်များ

Lawana Nani 22:15

Bîli sin lâwan, laya âpu sa; yang twisi na dairkaya kat alkan. ¡Man bui yang na, prura tasbaika kat ai bri balram sa!

Aiseya 53:9

Witin ba, watawikira nani tilara bikan kan, upla watawikira nani raitika ra bikan, witin watawika lâka lika daukras kan, ai bîla ra sin kunin lâka âpu pali kan sakuna.

Matiu 12:40

Inska tara biara ra Jona yu yumhpa bara tihmia yumhpa kan ba baku, Upla Luhpia Waitna ba sin yu yumhpa bara tihmia yumhpa tasba biara ra kabia.

Jan 19:14

Baha piua ba lika Insal luan Yua Liliaka ba kainara kata, wan lal kat bahmuna. Baku bamna, Pailat mita Ju nani ra win: —¡Nahara sa man nani kingkam ba!

Jan 19:20

Ju nani manis baha ulbanka ba aisi kaiki banhwan, kan Jisas ra saban pliska ba lika tawan lamara kan. Baha ulbanka ba bîla sât yumhpa ra ulban kata: Hibru, Grik bara Latin bîla aisanka nani ra.

Jan 19:31

Insal luan Yua Liliaka kainara kata, bamna Ju nani want apia kan upla wîna tara nani ba dus prihni ra ban swiaia ris yua kat, kan baha ris yua ba lika kulkanka tara yabi kata. Baha mita Ju nani mita Pailat ra makaban suldiar nani blîkbia, dus prihni ra uplika nani ba kuhma dusa nani ba krikaia, ai wîna tara nani ba sin dus prihni ba wina lahbia.

Jan 19:41

Jisas dus prihni ra saban pliska ba lamara upla bikaia tasbaya kum bâra kata, bara bahara raiti raya kum bâra kan, kau upla pruan wîna tara bahara mangkras kata.

Apastil Nani Sturka 13:29

Bara Ulbanka nani witin dukiara dîa aisin ba sut daukan ba ra, witin ba dus prihni wina alahbi si raiti ra bikan kan.

1 Korint 15:4

bara witin ba bikan bara yu yumhpa ra kli buan baha sin Ulbanka nani ra aisi ba baku;

Kolosi 2:12

Bara man nani sut tahbi mai daukan ba ra, Kraist wal raiti ra mai bikan kan, baku sin witin wal kli pruan wina mai bukan, kan man nani kasak lukram, Gâd karnika mita Kraist ba pruan nani tila wina kli bukan.