Jan 19:34 - DAWAN BÎLA AISKA

³⁴ Sakuna suldiar nani ba wina kum mita langsa ni tnaya mina ra sabi klauhban, bamna tala lî wal takan.

Jan 19:34 ပူးပေါင်းရင်းမြစ်များ

Lawana Nani 51:7

Inta wahia kîa pain ba ni, tâskiki sut ba wina sunu ai sâks; sikbi ai sâks, bara wahmuk pinhka baku kau pihni takamna.

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Sakaraya 12:10

“Kupia yamni ai pura suni kaia spiritka wal, Debit kiamka nani ba Jerusalem ra iwi uplika nani ba banhkamni. Bara baha nani witin ra saban ba kat kaikbia, bara witin pura mata sari pali ini banhbia, luhpia waitna kumi baman kan, apia kaka tawahkia kan sarka ini ba baku.

Sakaraya 13:1

“Baha piua ra lî kârma kum takbia, bara baha laya ra Debit kiamka nani, Jerusalem ra iwi nani ba ai saurka nani ba sikbia.

Matiu 27:62

Yu wala, wiaia kaka, ris yua dukiara ridi daukaia ba ningkara, prîs wihta nani bara parisi nani kira Pailat ra wan,

Jan 19:33

Sakuna Jisas lamara balan ba ra, kaikan pat pruan kata; baha mita suldiar nani mita witin kuhma dusa nani lika krikras kan.

Jan 20:20

Naha aisin ningkara, ai mihta nani bara ai tnaya mina sin baha nani ra marikan. Disaipil nani lika Dawan kaikan ba ra, lilia pali takan.

Apastil Nani Sturka 22:16

Bara nanara, ¿man dîa bîla kaikisma ki? Mahka, yas tahbi mai daukbia, Dawan nina kat luki, saurkam nani sut sikbi sakaia dukiara.’

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

1 Korint 6:11

Man nani tilam wina tila nani ba baku nani kata. Sakuna man nani ba saurka wina pat klin mai sakan sa, holikira nani sin mai daukan sa, bara Dawan Jisas Kraist nina ba mita bara wan Gâdka Spiritka ba mita sin, kasakkira nani mai kulkan sa.

Epesus 5:26

Kraist naha daukan serts ba holikira sakaia mata, bara lî ni bara ai smalkanka bîla ni klin daukan,

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 9:13

Kasak pali sa bîp wainhka nani bara guts lupia nani tâlia ba, bîp mairin lupia yamhpuska nani altar ra angki ba bara baha ni tâski uplika nani ra srikbi ba sut mita sin, baha nani ra holikira bara pura tani mapa klin daukaia karnika brisa.

Hibru Nani 9:22

Lâ bîla wisa, diara nani aihkika ba tala ni klin daukan kaia sa; bara tala saki laikras kaka, saurka nani ba sip swih tikras sa.

1 Pita 3:21

Baha laya ba lika tahbi wan dauki laya ba lilka kan, naha mita sika nanara swaki wan saki ba. Tahbi daukaia lâka ba lika wan wîna ra tâski bri ba sikbi sakaia tânka apia sa, sakuna Gâd ra wan kupia dahra walra klin wankbia makabaia ba tânka sika. Bara swaki wan sakisa Jisas Kraist pruan wina kli buanka bâk.

1 Jan 5:6

Jisas Kraist naha tasba ra balan tânka ba lî bara tala wal tânka ra wan marikan sa; lî ni baman apia, kuna lî bara tala wal praki marikan sa. Bamna Spirit pali naha diara na witniska sa, kan Spirit ba sika diara kasak tânka ba.

1 Jan 5:8

Spirit, lî bara tala ba sin; bamna yumhpa sut ba aikuki lukanka kumi brisa.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;

Param Marikanka 7:14

Yang bui wîri: “Dawan, man baman kaikisma; yang lika kaikras.” Bara witin ai wisata: “Naha nani sika trabil tara bâk lui aula ba, bara ai kwalka nani tuskan ba Sîp Luhpia ba tâlia ra pihni daukan sa.