Jan 19:11 - DAWAN BÎLA AISKA

¹¹ Bamna Jisas pana win: —Man lika yang purira karnika kumi sin âpu kaia kapram, Gâd mita maikras kata kaka. Sakuna ya mita man mihtam ra ai mangkan ba sika, saurka kau tara brisa man ba wal.

Jan 19:11 ပူးပေါင်းရင်းမြစ်များ

1 Kronikas 29:11

¡Dawan, man dukiam sa tara kulkan lâka ba, karnika ba, prana ba, pura luan lâka bara king lâka ba sin! Kan kasbrika purara diara nani bâra ba, bara tasba ra bâra ba sut ba sin man dukiam atia sa, king lâka ba man dukiam sa, bamna man Dawan sika sut purkara sma.

Lawana Nani 39:9

“Yang bîlas baku, diara aisaras kapri kan, man sut daukisma bamna.

Lawana Nani 62:11

Kau aima kumi walri naha Gâd aisin ba: karnika ba, bara latwan lâka ba witin ai dukia sa.

Inanka Nani 3:37

Ahkia piua ra diara kum aisisa ba ra, diara kum takisa ba ra, baha lika Dawan adarka sa.

Daniel 4:17

Naha lâka nani sika aihwawakra insalka holi nani wan win ba, upla nani sut ba tânka bribia dukiara, Laih Purara iwi Gâdka ba naha tasba kingka nani sut purara karnika bri ba, witin yaura king lâka yaia ba yabisa, bara nisan kum tâ aimaki kau upla mâyara ba buki tara daukisa.’

Daniel 4:25

Bara king, man lika upla nani tila wina taki wih daiwan nani tilara takaskma, twi pi kama, wark bîpka nani baku, bara diwas laya ba man puramra kauhi kabia. Baku kama king man mani 7 baha piua man tânka brima ba Gâd Laih Purara iwi ba tasba kingka nani purara king kaia mangki ba.

Daniel 4:32

Upla nani tila wina taki daiwan nani tilara takaskma; bîp wainhka nani baku mani 7 twi pi kama, Gâd baman nisan nani sut purara karnika bri ba tânka brima ba kat, bara witin sika naha tasba ra, ya king kaia ba mangkisa.”

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Daniel 5:21

Upla nani tila wina sakan bara daiwan baku takan, biriku wail nani wal baku takan, bîp nani baku twi pin bara diwas laya ba ai taya purara buski kan; baha piua kat witin kaikan, Gâd Laih Purara ba naha tasba kingka nani sut purkara karnika brisa, bara witin bui yaura king lâka yaia ba yabi kan.

Matiu 26:65

Bara prîs nani wihtka ba ai kwalka nani bisbi kalki, win: —¡Naha waitnika Gâd mapara saura aisin! ¿Dîa dukiara yawan witnis nani kau aisaia kabia ki? Man nani pali ai bîla saura nani ba walram;

Matiu 27:2

Bamna witin nani bui Jisas ba priski Pailat ra brih wan, witin Rom wihta tara ba.

Matiu 6:13

Traika kaikan tilara ban wan swipara, sakuna saura ba wina dakbi wan sâks.’

Mark 14:44

Judas, witinka mita Jisas waihla mihta ra mangki kan ba, sain kum yaban naku wisi: “Yaura yang kiawalamna ba, baha sika; man nani alks, bara pain pali priski brih was.”

Luk 22:53

Yang yu bani man nani wal tempel ra katna piua ra, wiria sin ai kangbras kapram; sakuna naha na man nani awarkam sika, tihmia mita pura lui ba.

Jan 18:13

Ningkara Anás ra brih wan. Anás lika Keyapas dapnika kata, bara baha manka ra witin prîs tara aimaki kan.

Jan 18:3

Bamna Judas baha giadinka ra wan, suldiar daknika kum, bara tempel main kakaira kum kum sin aikuki; baha ba prîs wihtka nani bara parisi nani mita sin blikan kan. Witin nani aiklabaia dukia nani, lamp nani, bara awas angki sin brih wan.

Jan 19:10

Pailat win: —¿Man bui yang ra ai aisaras sma? ¿Man kaikras sma ki, yang karnika brisna dus prihni ra mai sabaia, bara pri mai sakaia karnika sin?

Jan 3:27

Bamna Jan bila: —Upla sip diara kumi sin briras, Gâd mita yaras sa kaka.

Jan 7:30

Baku mika, upla nani ba mita Jisas ba priski bri waia luki kan; kuna upla kumi sin witin ra ai mihta mangkras kata, kan ai piua ba kau aimakras kan bamna.

Jan 9:41

Bamna Jisas pana win: —Man nani sut namkra aisawan kan kata kaka, saurka luha banhwi kaia kapram. Sakuna man nani namkra pain bri banhwisma wisma bamna, pâtkira atia sma.

Apastil Nani Sturka 2:23

Blasi piua wina Gâd mita ai Luhpia ba ridi dauki dîa takaia kan ba pain kaiki si, man nani mihtam ra mangkan ba ra, witin ba silak ra mangkram, baha ningkara upla watawikira nani mihta ra mangki bri si dus prihni ra sabi ikram.

Apastil Nani Sturka 3:13

Apia, sakuna Ebraham, Aisak, Jekob bara wan damika nani sut Gâdka mita ai Luhpia Jisas ba purara pali buki prana daukan, baha sim Jisaska ra sika man nani mita wihta nani mihta ra mangkatma ba, bara Pailat pri sakaia win ba ra, man nani apia wisatma ba.

Apastil Nani Sturka 4:28

Baku mika witin nani sut daukan, dîa man patitara piua ra lâ mangkram kata ba, diara nani takaia kan ba kat.

Roman 11:36

Kan diara nani sut ba Gâd wina aula, witin paskan bara witin dukiara baman sa. ¡Prana kabia Gâd ra, ban kaia ra! Baku kabia.

Roman 13:1

Upla sut ba wan tasba wihtka nani ra bawan kaia sa. Kan tasba wihtka kumi sin âpu sa Gâd wina mangkras ba, bara tasba wihtka bâra ba Gâd mita mangkan sa.

Jems 1:17

diara pain bara kasak nani ba, kasbrika pura ba wina balisa; Gâd kasbrika pura ingnika nani paskan ba mita wankisa. Gâd lika piua bani ban kaia ra ban bâra sa, bara witin mita dista kumi ni sin yawan ra wan madiskras sa.

Jems 4:17

Ya yamni daukaia kaiki si daukras kaka, witin saura daukisa.