Jan 18:8 - DAWAN BÎLA AISKA

⁸ Bamna Jisas mita pana win: —Pat mai wîri, baha ba yang sika. Man nani bui yang ai plikisma kaka, swis naha nani lika mahka wabia.

Jan 18:8 ပူးပေါင်းရင်းမြစ်များ

Aiseya 53:6

Yawan nani sut, sîp baku wan mawahkan, kumi bani ai yabalka ra tawi wan; sakuna Dawan ba, yawan nani sut wan saurka ba, witin ai purara sunan.

Matiu 26:56

Sakuna naha na naku takisa, prapit nani Ulbanka ra win ba aimakaia dukiara. Bara disaipil nani sut Jisas ba yakan swi si, plapan.

Jan 10:28

Yang baha nani ra raya ban kaia lâka ba yabisni, bamna witin nani sin prubia apia ban kaia ra raya kabia, baku bamna upla kumi sin âpu sa baha nani ba mihti wina dakbi briaia.

Jan 13:1

Insal luan yua Liliaka ba yauhka baku aimakaia kan, bara Jisas kaikan witin naha tasba na swi si, ai Aisa ra waia awarka ba aimakan kan. Witin ai uplika nani naha tasba ra kan ba sut ra ban latwan kaikan, bamna nanara ai latwanka lâka kau tara pali takan ba sin mariki kan.

Jan 13:36

Saiman Pita mita Jisas ra makabi walan: —Dawan, ¿man anira auma ki? Jisas pana win: —Anira auna pliska ba ra, nanara man sip nini bliki wama apia. Sakuna naika lika nini blîkma.

Jan 16:32

Bamna awarka ba aula bara baha awarka ba lika nanara pali, man nani aihka aihka mai yakaban kabia, bamna yang na yakan ai swi banhbia. Sakuna yakan apia sna, kan Aisa ba yang wal sa.

Jan 18:7

Bamna Jisas kli makabi walan: —¿Man nani ya plikisma ki? Witin nani bila: —Jisas Nasaret wina ba.

Jan 18:9

Jisas baku aisin, dîa witin pali aisata ba aimakaia dukiara: “Aisa mita aikan nani ba wina, kumi sin tiwras.”

1 Korint 10:13

Man nani traika kaikanka nani brisma ba lika, upla wala nani bri ba wal sim baku sa. Kan Gâd lika kasak sa, bara man nani wahwaia sip sma ba purkara kau traika kaikanka nani maikbia apia. Sakuna, traika kaikanka bri banhma ba ra, Gâd mita baha ba wina swak takaia karnika sin maikbia, bara baku sip kama baha ba twilkaia.

2 Korint 12:9

kuna Dawan ai win: “Yang latwanki lâka sika man want sma ba; yang karniki ba kau pain param marikisni upla ba swapni ba ra.” Baha mita uya lilia sna swapnikira sna bamna, bara baku mika Kraist karnika ba yang ra param marikan kabia.

Epesus 5:25

Maya waitna nani, mayam mairin ra latwan kaiki kaia sma, sim Kraist mita serts ra latwan kaiki baha pura mata ai rayaka pât mihta ra mangkan ba baku.

1 Pita 5:7

Trabilkam taki lukisma ba sut, Gâd mihta ra swis, kan witin lika man nani sut main mai kaikisa.