Jan 18:4 - DAWAN BÎLA AISKA

⁴ Jisas lika pat kaikan dîa witin ra takaia ba, bamna mapara taki wih, makabi walan: —¿Man nani ya pliki banhwisma ki?

Jan 18:4 ပူးပေါင်းရင်းမြစ်များ

1 King Nani 18:10

Swer takisna man Dawan Gâdkam ba nina ra, kuntri kumi sin âpu sa, baku sin king tasbaya kumi sin âpu sa man mai plikras ba, bara sut bui win: ‘Nahara âpu sa’, bara witin pali bui sin aisin, king tasbaya nani ra, kuntri nani ra sin witin bui man ba mai sakras sa.

Nihimaya 6:11

Sakuna yang pana wîri: “Yang baku waitna nani ba lika, plapras bara tempel ra sin dimras pruaia apia dukiara. Yang lika tempel ra dimamna apia.”

Lawana Nani 27:3

War aiklaklabra daknika kum kir ai kutbi bribia kra, kupi ra sibrin âpu kabia; war aiklabaia sin maipara bubia kra, yang kupi ra lamni kabia.

Lawana Nani 3:6

Upla tausin nani tnaiya kir ai kutbi bri ba, maipara aiklabaia dukiara, yang baha nani sibrinka briras sna.

Sins Lâka 28:1

Watawikira ba plapisa upla ai nina blikras kabia sin, kuna kasakkira nani ba, layan baku sibrin luha bâra sa.

Matiu 16:21

Baha piua wina Jisas ai disaipilka nani ra mahka smalkan, witin ba Jerusalem ra waia kabia, bara wihta almuk nani, prîs wihtka nani bara Lâ Smasmalkra nani sut mita munka kasak pât wauhbia. Bara sin win witin ra ikbia, sakuna yu yumhpa ra kli bukan kabia.

Matiu 26:2

Man nani kaikisma baku, yu wâl lubia ningkara, Insal luan Yua lilia kabia; bara Upla Luhpia Waitna, waihli nani mihta ra ai mangkbia dus prihni ra ai sabaia.

Matiu 26:21

witin nani kau plun pi kan ba ra, Jisas witin nani ra win: —Kasak pali mai wisna, man nani tilam wina kum bui waihli mihta ra ai mangkbia.

Matiu 26:31

Bara Jisas witin nani ra win: —Man nani sut naha tihmia yang dukira aihka lukma; kan ulbanka ra wisa: ‘Sepad ba ikamna, bara sîpka nani ba aihka aihka yakaban kabia.’

Luk 24:44

Ningkara, witin bila: —Dîa yang ra takan ba tânka sika sut mai wîri, kau man nani wal katna ba ra: Baha ba sut aimakaia kan, yang dukira dîa Moses lâka ra ulban ba, prapit nani Ulbanka ra ba, bara Pura Sunra Lawana nani ra sin.

Jan 13:1

Insal luan yua Liliaka ba yauhka baku aimakaia kan, bara Jisas kaikan witin naha tasba na swi si, ai Aisa ra waia awarka ba aimakan kan. Witin ai uplika nani naha tasba ra kan ba sut ra ban latwan kaikan, bamna nanara ai latwanka lâka kau tara pali takan ba sin mariki kan.

Jan 13:11

Jisas win: “Man nani sut lika klin apia sma”, kan witin pain kaikan ya mita ai waihla mihta ra mangkbia ba.

Jan 18:5

Baha uplika nani ba bila: —Jisas Nasaret wina ba. Jisas mita pana win: —Baha ba yang sika. Judas, witinka mita Jisas waihla mihta ra mangkan ba sin baha nani wal kata.

Jan 18:7

Bamna Jisas kli makabi walan: —¿Man nani ya plikisma ki? Witin nani bila: —Jisas Nasaret wina ba.

Jan 19:28

Naha diara ningkara, Jisas ai dara walan diara sut aisin ba aimakan, bara ulbanka ba aimakbia dukiara, witin bila: —Lî din ai daukisa.

Jan 6:64

Sakuna man nani tilamra upla tila nani kau kasak lukras sa. Kan tâ pali wina Jisas lika kaikan, ani uplika nani ba kasak lukras kan, bara ya mita ai waihla nani mihta ra mangkbia ba sin.

Apastil Nani Sturka 2:28

Man mita sin raya kaia ra waia yabalka nani sut pain pali ai marikram, baha purkara man mamwanra lilia ai daukma.’

1 Pita 4:1

Baha mita, Kraist ai wîna ra pât wahwan ba baku, man nani sin pât wahwaia wilin kaia sma. Kan ani uplika pât wahwan kaka, saurka ba mahka swin sa,