Jan 18:20 - DAWAN BÎLA AISKA

²⁰ Jisas mita pana win: —Yang lika upla sut mawanra param pali aisari; piua bani Ju nani priaska watla nani ra, bara tempel ra sin smalki katna, Ju nani sut bahara asla taki kan ba ra; yang diara kumi sin yukuki smalkras katna.

Jan 18:20 ပူးပေါင်းရင်းမြစ်များ

Lawana Nani 22:22

Yang bui man tânkam ba muihki nani ra smalkamni, upla kwâra tilara yang mamyunamni.

Lawana Nani 40:9

Man uplikam ailal pali ba mawanra yang marikri lâ tânka kasak ba. ¡Dawan, baha man kaikisma, yang bîli praki sâp aisaras apia kapri ba!

Aiseya 45:19

Yang yukuwi aisaras kapri, tasba ra plis tihmia kum ra dimi sin aisaras. Jekob kiamka nani ra yang wiras: ‘Man nani wih ai pliks plis kum diara âpu ba ra.’ Yang Dawan kasak aisisna, baha rait ba mai wisna.

Aiseya 48:16

Man nani laimara bal, naha wals: Blasi pali ba wina yang yukuki aisaras kapri; baha warkka nani daukan ba wina, yang baha tilara ban sna. Bamna nanara yang, Dawan, karniki witin ra yabri witin ba blikri balaia.”

Matiu 24:26

Baha mita, naku mai wibia kaka: ‘Kaiks, witin bukra twi biara ra sa’, man nani baha ra wapara; mai wibia kaka: ‘Kaiks, naura rum bilara sa’, man nani kasak lukpara.

Matiu 26:55

Bara Jisas bui uplika nani ra win: —¿Yang na âimplikra kapri kan baku, man nani sord bara dus nani brih bal takram ki? Yu bani man nani tilamra tempel ra iwi smalki kapri, bara ai alki ai priskras katma.

Matiu 26:65

Bara prîs nani wihtka ba ai kwalka nani bisbi kalki, win: —¡Naha waitnika Gâd mapara saura aisin! ¿Dîa dukiara yawan witnis nani kau aisaia kabia ki? Man nani pali ai bîla saura nani ba walram;

Matiu 4:23

Jisas Galili tasbaya kir taukan, plis bani priaska watla nani ra smalki kan Gâd king aimaki sturka yamni ba; bara siknis sât sât upla nani bri kan ba sut sin raki kan.

Matiu 9:35

Jisas lika tawan tara nani bara tawan sirpi nani ra sin tauki kan, bara tawan bani priaska watla nani ra smalki kan. Witin lika Gâd king aimaki ba lâka sturka yamni ba smalki kan, bara siknis sât sât, wan wîna latwanka nani sin raki kan.

Mark 8:32

Naha na latan pali aisin. Bara Pita mita Jisas ba plis tnaya ra saki bri si, lawi daukan.

Luk 21:37

Kakna piua ra Jisas tempel ra smalki kan, kuna tihmia piua, Olivet ilka ra taki wi kan bahara takaskaia.

Luk 4:15

Smalki kan prias dauki pliska bani ra, bara upla sut mita sin mayuni kan.

Jan 18:21

¿Bamna dîa kan yang ra makabi walisma ki? Makabi wals baha nani yang ra ai wali kan nani ra, bamna baha nani mita mai wibia, kan witin nani lika pain nu sa yang dîa aisi kapri ba.

Jan 6:59

Jisas naha diara nani na smalkan, Kapernaum Ju nani priaska watla ra asla aidruban kan ba piua ra.

Jan 7:14

Lilia piua nani ba pat bakriki dauki kan ba ra, Jisas tempel ra dimi, mahka smalkan.

Jan 7:26

Bamna kaiks witin baha upla sut mawanra aisisa, bara upla kumi sin diara wiras sa. ¿Wihta nani mita kaikisa krani naha waitnika na Misaya ba?

Jan 7:28

Jisas tempel ra smalki kan ba ra, witin baha wali, ai bîla baikra karna aisin: —¡Baku bamna, ai kakaira sma bara ani wina aulna ba sin man nani kaikisma! Sakuna yang yakan balras; witin kasak lukaia aikan ba mita ai blikan, man nani bui witin ba kakaira apia sma.

Jan 7:4

Upla kumi upla wala nani mita witin ra kakaira kaia want sa kaka, witin sip yukuwan ra diara daukras. Man nahmuna dukia nani daukisma na, tasba aiska mawanra dauks.

Jan 8:2

Bara yu wala titan pali kli tempel ra balan. Upla sut ai lamara balan, bamna witin iwi mahka baha nani ra smalkan.

Jan 8:26

Diara ailal brisni mai wiaia, bara man nani lâmka aisi daukaia sin, sakuna ai blikan ba lika kasak ba aisisa, bamna witinka wina walri ba sika tasba ra aisisna ba.

Apastil Nani Sturka 26:26

Bamna king Agripa nâra sa, witin naha tânka nani pain kaikisa. Baha mita sika witin mawanra yang tânkira pali aisisna ba, kan pain daira walisna witin naha diara nani sut kaikisa, kan naha diara nani na yukuwi pali daukan dukia apia sa.