Jan 17:20 - DAWAN BÎLA AISKA

²⁰ “Sakuna naha nani dukiara baman man ra puri sunras, kuna witin nani smalkanka mita upla wala nani sin yang ra kasak lukbia ba sut dukiara sin.

Jan 17:20 ပူးပေါင်းရင်းမြစ်များ

Jan 10:16

Bara sîp wala nani sin brisni, bara baha nani ba lika naha klarka wina apia sa; sakuna baha nani ba sin brih balaia sni. Âu, witin nani mita sin yang bîli walbia, bara baku dakni kumi takbia bara sepadka sin kumi kabia.

Jan 17:19

Witin nani dukiara, yang rayaki aiska na man mihtam ra mangkisni, bara baku mika witin nani sin diara kasak ba mita holikira sakan kabia.

Jan 17:21

Yang mamkabisni witin nani sut ba asla pali kabia; âu, Aisa, witin nani sut ba yawan aikuki asla kumi kabia, man lika yang wal asla pali sma ba baku, bara yang sin man wal asla pali sna. Witin nani ba asla pali kabia, bara baku mika tasba uplika nani ba kasak lukbia man mita ai blikram sa.

Apastil Nani Sturka 2:41

Baku bamna, ai smalkanka bîla alki brin nani ba sut pali tahbi daukan; bara baha yua lika 3,000 lama upla kau lalukra nani wal asla prakan kata.

Apastil Nani Sturka 4:4

Naha apastil wâl smalkanka ba wina upla manis pali kasak lukan; waitna nani baman kulkan ba 5,000 lamara kata.

Roman 16:26

sakuna nanara baha tânka ba param marikan sa prapit nani bâk Ulbanka mita, Gâd ban rayakira adarka ba kat. Naha dahra yukukan kan tânka na nisan sut ra param marikan sa, kasak lukbia bara bîla kat wali daukbia.

Epesus 4:11

Bara upla nani ra prisant nani yan, tila nani apastil nani kaia, wala nani ra lika Gâd dahra aisaia, bara wala nani ra swaki sakan lâka sturka ba smalkaia, wala nani ra lika sepad nani bara smasmalkra nani kaia.

2 Timoti 1:2

Luhpi laitwankira Timoti, naha wauhkataya mai ulbisna. Gâd Aisa bara wan Dawan Jisas Kraist wal mita, ai kupia yamnika lâka, umpira kaikan lâka bara kupia kumi lâka sin man puramra laikbia.