Jan 17:12 - DAWAN BÎLA AISKA

¹² Yang naha tasba ra witin nani wal katna ba ra, man aikram ba sut main kaiki, kan kahbi bri kapri. Bamna witin nani wina kumi sin tiwras, sakuna witinka pat tiwan kata ba lika, Ulbanka dîa aisi ba aimakaia dukiara.

Jan 17:12 ပူးပေါင်းရင်းမြစ်များ

Lawana Nani 41:9

Upliki kau yamni, upliki aihwa pali kulki katna ba, yang wal iwi plun pi kata ba sin, yang maipa buan.

Jan 13:18

“Man nani sut dukiamra lika aisaras sna, kan yang kaikisna ani uplika nani ba bâk saki briri ba. Ban sakuna, Ulbanka dîa aisi ba sut aimakaia sa: ‘Yang wal plun pi ba maipara buan sa.’

Jan 17:6

“Baha nani man mita tasba ra iwi uplika nani tila wina saki, yang ra aikram ba sut ra marikri, man ba ya sma ba. Baha nani ba man dukiam kan, sakuna yang ra aikram, bamna man smalkankam bîla nani ba alki brin.

Jan 18:9

Jisas baku aisin, dîa witin pali aisata ba aimakaia dukiara: “Aisa mita aikan nani ba wina, kumi sin tiwras.”

Jan 6:37

Diara sut Aisa aiki ba, yang ra aula; baha nani yang ra aula ba, yang sip kangbi sakamna apia pali.

Apastil Nani Sturka 1:25

apastil warkka ra aimakaia, kan Judas lika baha warkka ba swi si tanis tiwan sa, witin waia kan pliska ra wan bamna.”

Pilipai 2:9

Baha mita, Gâd mita kau prana tara ba witin ra yan, bara nina sut purkara kau nina tara ba sin yaban,

2 Tesalonaika 2:3

Upla kumi mita sin yarka kunin mai munbiara. Kan baha yua kainara, Gâd mapara buaia lâka ba pas balaia sa, upla saurakira ba bal takbia, witinka tanis tiwaia pâtka ra lulkan ba.

Hibru Nani 2:13

Naku sin wisa: “Yang lika Gâd ra luki kamni.” Bara witin kli wisa: “Yang nâra sni, Gâd mita luhpi nani aikan ba wal.”

1 Jan 2:19

Witin nani ba lika yawan wan tila wina takan sakuna kasak pali mai wisna, baha nani ba yawan nani wina apia sa, kan yawan wina kata, witin nani yawan wal ban kaia kan. Sakuna baha ba baku ban takan, upla nani mita param kaikbia dukiara, baha nani ba kasak pali yawan wan tila na wina apia sa.

Param Marikanka 19:12

Ai nakra nani ba pauta lakni baku klauhi kan, bara ai lal purara kraun ailal bri kan. Nina ulban kum bri kan, bara witin baman baha ba kakaira kan.