Jan 17:1 - DAWAN BÎLA AISKA

¹ Jisas naha diara nani aisin ba ningkara, witin kasbrika pura ba tani ra tawi kaiki, naku aisin: “Aisa, awarka ba pat aimakan sa. Bamna Luhpiam ra mayunra yas, bara baku mika witin mita sin mayunra maikbia.

Jan 17:1 ပူးပေါင်းရင်းမြစ်များ

Lawana Nani 123:1

Dawan, man ra mai kaiki makabisni, man ra, kasbrika purara king aimakisma ba.

Aiseya 38:14

Suki tara baku, plipli baku sin yang brukwi katni; butku baku maimna lulki kapri. Naikra nani kasbrika purara kaiki swapan. ¡Dawan, yang na ai taiban sa, man bui yang dukira pana aisas!

Mark 14:41

Bara kli aima yumhpa ra balan ba ra, Jisas bila baha nani ra: —Nanara lika man nani yaps, riskam bris. ¡Aitani sa! Kaiks, Upla Luhpia Waitna ba upla saurakira nani mihta ra mangkaia awarka ba aimakan sa.

Luk 18:13

Sakuna lal mana sasakra Rom ra yaia ba laihura bûi kan, ai lal buki kasbrika pura tani ra sin sip tawi kaikras kan, ban sakuna witin ai lama pruki, naku aisin: ‘¡Gâd, umpira ai kaiks, yang lika upla saura sna na!’

Luk 22:53

Yang yu bani man nani wal tempel ra katna piua ra, wiria sin ai kangbras kapram; sakuna naha na man nani awarkam sika, tihmia mita pura lui ba.

Jan 11:4

Jisas naha wali, naku aisin: —Naha sikniska Lasarus ra alkan na lika pruaia dukia apia sa, sakuna Gâd prana ba marikaia bara yaka baha sikniska bâk, Gâd Luhpia prana ba marikaia dukiara sa.

Jan 11:41

Bamna walpa ba sakan. Bara Jisas kasbrika purara kaiki, naku aisin: —Aisa, yang tingki mai wisna man bîli baikra walram bamna.

Jan 12:23

Bamna, Jisas pana win: —Piua ba aimakan sa, Upla Luhpia Waitna prana daukan kaia.

Jan 13:1

Insal luan yua Liliaka ba yauhka baku aimakaia kan, bara Jisas kaikan witin naha tasba na swi si, ai Aisa ra waia awarka ba aimakan kan. Witin ai uplika nani naha tasba ra kan ba sut ra ban latwan kaikan, bamna nanara ai latwanka lâka kau tara pali takan ba sin mariki kan.

Jan 16:32

Bamna awarka ba aula bara baha awarka ba lika nanara pali, man nani aihka aihka mai yakaban kabia, bamna yang na yakan ai swi banhbia. Sakuna yakan apia sna, kan Aisa ba yang wal sa.

Jan 7:30

Baku mika, upla nani ba mita Jisas ba priski bri waia luki kan; kuna upla kumi sin witin ra ai mihta mangkras kata, kan ai piua ba kau aimakras kan bamna.

Jan 7:39

Naha tânka na wal, Jisas wiaia want kan, ya witin ra kasak lukbia ba Spirit ba bribia. Baha piua ra Spirit ba kau balras kan, Jisas kau ai prana daukras kan bamna.

Jan 8:20

Jisas naha diara nani na aisin, witin kau tempel ra smalki kan ba ra, Gâd ra prisant auhbaia bakska bâra kan pliska ra. Sakuna upla kumi mita sin witin ba alki priskras kata, kan ai piua ba kau aimakras kan.

Apastil Nani Sturka 3:13

Apia, sakuna Ebraham, Aisak, Jekob bara wan damika nani sut Gâdka mita ai Luhpia Jisas ba purara pali buki prana daukan, baha sim Jisaska ra sika man nani mita wihta nani mihta ra mangkatma ba, bara Pailat pri sakaia win ba ra, man nani apia wisatma ba.

1 Pita 1:21

Kraist bâk Gâd ra kasak lukisma man nani, bara witinka sika pruan nani tila wina kli bukan bara prana sin yan; baku bamna, man nani kasak lukisma lâka ba kainamra diara bîla kaikisma ba sin Gâd ra kasak brisma.