Jan 16:33 - DAWAN BÎLA AISKA

³³ Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Jan 16:33 ပူးပေါင်းရင်းမြစ်များ

Lawana Nani 68:18

Gâd, man purara uli watma upla nani priski brih muni, lal mana sakram upla nani wina; bara man mampara babura nani sut ba, Dawan, man ra bawan.

Miqueas 5:5

Naha kingka sika, kupia kumi lâka ba dauki wankbia. Asiria uplika nani ba bal, wan tasbaya kutbi bribia, bara lâ watla tara nani ba ra dimbia taim, yawan bui witin nani mapara wihta nani 7 bara waitna karnakira nani 8 yawan bui blîkbia.

Matiu 9:2

Bara wakia lâwi waitnika kum krikri ra tniki witin ra brih balan. Jisas baha uplika nani kasak lukanka ba kaiki, siknis waitnika ra win: —Luhpi, karnikam bris; saurkam nani ba ban swih tikan sa.

Luk 19:38

Naku aisi banhwi kan: —¡Yamni kabia Dawan nina ra aula kingka ba! ¡Kasbrika purara kupia kumi lâka bara prana ba laih purara sa!

Luk 2:14

“¡Gâd ra mayunan kabia laih purara! ¡Kupia kumi lâka tasba ra, witin mita yamni kaiki uplika nani tilara!”

Jan 12:31

Bamna nanara sika naha tasba na lâka aisi daukan kaia piua ba, bara naha tasba wihtka tara aimaki ba sin latara lulkan kabia.

Jan 14:1

“Man nani kupiam ra uya trabil taki luki kapara. Gâd ra bara yang ra sin kasak luki bas.

Jan 14:27

“Man nani wina dakwi takuna kupia kumi lâka ra. Kupi kumi lâka man nani ra maikisni, sakuna tasba uplika nani kupia kumi lâka yabi ba sât lika apia. Man nani kupiam trabil bripara bara sibrin kapara.

Jan 16:11

¿ya ba Gâd lâ dauki ba klalka bribia?: baha lika naha tasbaya wihtka, witinka sika pât ra pat lulkan ba.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

Apastil Nani Sturka 23:11

Tihmia wala ra, Dawan mita Pal ra bal win: “Pal, kupiam karna bri bas; Jerusalem ra, yang witniski aisaram ba baku, man Rom ra sin aisama.”

Apastil Nani Sturka 27:22

Sakuna nanara, man nani si bripara, kan man nani kumi sin pruma apia, duri tara ba lika tiwbia.

Apastil Nani Sturka 27:25

Baku bamna, upliki nani, si bripara. Gâd ra kupi aiska lukisna, bamna insal dîa ai win ba baku kat kabia.

Apastil Nani Sturka 9:31

Bamna serts ba, Judia ra, Galili ra, Sameria ra, baha tasbaya aiska ba kupia kumi spirit bri pâwi kan. Witin nani Dawan sibrinka ra iwi banhwi kan, Spirit Holikira hilpka ra, bara kau ailal taki kan.

2 Korint 1:3

Wan Dawan Jisas Kraist Aisika Gâd ra mayunpi, kan witin sika Aisa kumi latwankira ba bara piua bani wan maisa nanihkra Gâdka sa.

2 Korint 13:11

Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

2 Korint 2:14

¡Sakuna Gâd ra tingki kabia! Kan witin mita Kraist Jisas ra wan praki yawan na pura lalura nani wan daukisa, bara yawan bâk sin ai smalkanka ba latan marikisa, bara baha ba kîa damni pain kum baku tasba aiska ra kiawalisa.

2 Korint 4:7

Sakuna baha diara manakira ba, yang nani wîni na sumi dakawa baku ba ra mangki brisna, bara baku mika upla kaikbia naha karnika na yang nani wina apia, sakuna Gâd wina sa.

2 Korint 6:4

Sakuna, brin wan daukisa diara sut bâk marikaia, yang nani na Gâd dukia dadaukra, wan kupia alki takaskan lâka manis bri banhwisna ba mita pât nani ba wahwaia sip sna bamna, diara luha bara trabil nani sin.

2 Korint 7:4

Man nani dukiamra uya pali lukisna bara sin âiyapah sna. Pât nani yang nani wahwisna ba tilara, tâi baikisna bara sin lilia pali sna.

Galesha 1:4

Kraist sika yawan wan saurka dukiara ai wîna tara aiska ba prura mihta ra mangkan, Gâd Aisa kupia lâka ba kat, naha tasba saura na wina pri wan sakaia.

Galesha 6:14

Kuna yang maipara, diara kumi dukiara sin maiyunaia brin ai daukras, Dawan Jisas Kraist dus prihni ra pruan ba baman lika. Bamna Kraist dusa prihni ba mita, yang maipara naha tasba na pat pruan baku sa, bara yang sin tasba mapara pruri sa.

Pilipai 4:7

Bara Gâd ai kupia kumi lâka bara upla tânka briaia praiska sut pura lui ba, witin maikbia; bara naha kupia kumi lâka na, man kupiam nani lukanka nani sin main kaiki kabia, Kraist Jisas wal asla.

Kolosi 1:20

Bara Kraist ba mita, naha tasba aiska na, witin wal kupia kumi lâka daukaia, bamna Kraist dus prihni ra pruan ai tâlia laikan ba mita diara nani tasba ra ba, bara kasbrika purara ba sut kupia kumi daukan.

1 Tesalonaika 3:4

Kan yang nani kau man nani tilamra katna ba ra, yawan sari nani wahwaia ba latan mai wîri; bara baha ba baku takan, bara man nani pain kaikisma.

1 Tesalonaika 3:7

Baha mita, muihki nani, yang nani pâtki nani bara sarki nani sut tilara, man nani mita maisi nihkram sa. Kasak lukankam lâka kat ban bapi buisma ba mita, yang nani maisi nihkan sa.

2 Tesalonaika 3:16

Bara kupia kumi lâka Dawanka ba mita, piu bani kupia kumi lâka natka sât sât ra maikbia. Dawan ba man nani sut aikuki kabia.

2 Timoti 3:12

Bamna kasak pali sa, ani uplika nani Kraist Jisas wal asla holikira iwaia want lukisa kaka, witin nani ba nina bliki rausauhkan kabia;

Hibru Nani 11:25

Saurka lâka wina lilia nani piu wiria baman briaia ba watlika ra, Gâd uplika nani aikuki ni pât wahwaia ba kau pain lukan.

Hibru Nani 7:2

Ebraham mita war aiklabi diara nani dakbi brin ba matawalsip bani wina kumi ba, witin ra yan. Melkisedek nina tânka pas ba lika “king kasakkira”; bara witin Salem kingka kan ba mita, ai nina tânka ba sin “kupia kumi lâka kingka”. Salem tânka ba “kupia kumi lâka” sa.

1 Pita 5:9

Kasakkam lukan lâka kat bapi, witin mapara bûi bas, kan man nani kaikisma muihkam nani sut tasba aiska ra sim pâtka nani wahwisa.

1 Jan 2:13

Man nani ra ulbisna, aisa nani, diara nani sut kau paskras kan bara witinka pat bâra kan ba kakaira takram ba dukiara. Wahma nani, man nani ra sin ulbisna, dibil ra pura luram bamna.

1 Jan 4:4

Luhpi lupia nani, man nani ba Gâd dukia nani sma, bara smasmalkra kuninkira nani ba pura luram sa; kan baha Spiritka Holikira man nani wal ba lika kau tara sa, tasba uplika nani baha spiritka bri ba wal.

1 Jan 5:4

Kan Gâd luhpia nani bani ba, naha tasba na pura luisa. Bara naha kasak lukanka ba mita hilp wan munisa naha tasba pura luaia.

Param Marikanka 12:11

Wan muihni nani witin pura luan sa Sîp Luhpia ba ai tâlia laikan ba mita, diara kasak kat witniska aisi ba mita sin; kan witin nani ai rayaka ba tikaia sibrin âpu, sakuna pruaia lika wilin nani kan.

Param Marikanka 3:21

Ya ya sip muni pura lubia ba, yang king iwaiki ra plis kum yabamna, yang wal iwaia, sim yang mita pura lui Aisiki wal ai king iwaika ra iwisna ba baku.

Param Marikanka 7:14

Yang bui wîri: “Dawan, man baman kaikisma; yang lika kaikras.” Bara witin ai wisata: “Naha nani sika trabil tara bâk lui aula ba, bara ai kwalka nani tuskan ba Sîp Luhpia ba tâlia ra pihni daukan sa.

Wihta Nani 3:2

Dawan bui witin nani ba ban bâra swin kan, baha nani kau war aiklabaia lan apia kan ba ra baha nani wal war aiklabi lan takaia dukiara.