Jan 16:20 - DAWAN BÎLA AISKA

²⁰ Yang kasak pali mai wisni, man nani ini kama bara sari sin banhwi kama, sakuna naha tasba uplika nani ba lika lilia kabia. Ban sakuna, man nani sari kama kra, kuna sarkam ba lilia ra ni tawbia.

Jan 16:20 ပူးပေါင်းရင်းမြစ်များ

Job 20:5

upla watawikira liliaka ba, piu prahni baman sa; ai âuyapah lâka ba minit lupia kumi baman sa.

Lawana Nani 30:11

Inanki nani ba, lilia pulan ra laki aikram; sari prâka dimi katma ba saki, lilia prâka ni ai dingkram.

Lawana Nani 30:5

Dawan ai lawanka ba tisku lap tiwuya, witin yawan ra yamni luki ba lika, wan rayaka yua sut ra ban kaia ra ban sa, tihmia ra yawan inisa kaka, titan ra yawan pat lilia brisa.

Lawana Nani 97:11

Ingni ba ingwisa, upla kasakkira nani dukiara, lilia lâka ba upla kulkanka bri nani ingnika sa.

Aiseya 12:1

Baha yua ra man wima: “Dawan, man ra tingki mai wisni, maipara man kupiam baikram sakuna, kupiam baiwanka ba tnaya ra lakram, bara man maisi nihkram.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Aiseya 66:5

Dawan dîa aisi ba man nani wals, man nani bui witin ai bîla kulkisma ba: “Muihkam nani tila misbara mai kaiki ba, rau mai sauhki ba yang ra puram sunisma ba tâwan, witin nani aisisa: ‘Nanara Dawan ba wan marikbia ai mayunra ba; witin nani ba lilia kaka kaikaia want sna.’ Sakuna baha nani ba swira lâka ra takaskbia.

Jirimaya 31:25

Bara plun pin kabia, diara din kabia aibanhwan praiska swapan nani ba bara karnikas ba sin.”

Matiu 21:38

Sakuna wark tatakra nani ba luhpia ba kaikan ba ra, ai mânka naku aisan: ‘Naha sika diara nani na dawanka kabia; kaisa witin ba ikaia, bara diara nani na yawan briaia.’

Matiu 5:4

“Lilia pali sa sari bri banhwi nani ba, kan Gâd mita maisa nihkan kabia bamna.

Mark 14:72

Baha sim piua ra, kalila ba aima wala aiwanan. Bamna Pita Jisas wisata ba ai kupia krawan: ‘Kau kalila aima wâl aiwanras kaka, man aima yumhpa yang ra ai kaikras sma wima.’ Bara naha luki, mahka inan.

Mark 16:10

Bamna Meri lika wan, Jisas disaipilka nani ra maisa pakan; baha nani lika sari man ini kan.

Luk 22:45

Witin ai pura suni kan ba wina bûi, disaipil nani ra wan, bara baha nani yapi kan sakan, sari mita pura luan kan bamna.

Luk 22:62

Bamna Pita latara taki, sarikira ai nakra laya sakan.

Luk 23:27

Upla ailal ai nina bliki kan, mairin nani sin ini, sarikira pali witin dukiara wini banhwi kata.

Luk 24:17

Bara Jisas makabi walan: —¿Man nani yabal ra wapi, dîa pana pana makabi wali banhwisma na? Baha nani aisi kan ba sari takaskan.

Luk 24:21

Yang nani sin kainara luki kapri, witin ba Israel nisanka ba pri sâkbia. Bara nanara, baha sut purkara, baha takan ba wina pat yu yumhpa luan.

Luk 6:21

“Liliam bas, man nani nanara plun mai dauki ba, kan man nani âuyapah takma bamna. “Liliam bas man nani nanara inisma nani ba, kan ningkara kiki banhwi kama bamna.

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Jan 16:6

Kau ni naha daira nani mai wîri bamna, man nani sari sma.

Jan 20:20

Naha aisin ningkara, ai mihta nani bara ai tnaya mina sin baha nani ra marikan. Disaipil nani lika Dawan kaikan ba ra, lilia pali takan.

Apastil Nani Sturka 5:41

Apastil nani lika lâ wihtka nani mawan wina liliakira pali taki wan, kan Gâd mita adar yan kata, witin nani ba Jisas nina tâwan swira bara pât wahwaia sin.

Roman 5:11

Bara naha baman lika apia, kuna wan Dawan Jisas Kraist ba mita yawan lika Gâd ra lilia pali sa, kan Kraist ba mita yawan na Gâd wal kupia kumi wan daukan sa bamna.

2 Korint 6:10

Yang nani sari bri baku, kuna piua bani lilia sna; yang nani lika umpira, sakuna upla ailal yuyakira daukisna; ban kra yang nani diara âpu baku sna, sakuna diara sut bri banhwisna.

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

1 Tesalonaika 1:6

Bamna man nani ba yang nani daukri baku, bara Dawan daukan ba baku sin daukram; bara pât kasak wahwi kapram, ban sakuna sturi yamni ba Spirit Holikira mita lilia maiki kan ba wal bri katma.

Jems 1:2

Muihki nani, man nani traika kaikanka nani wina trabil sât sât brima ba ra, lilia kaia sma.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.

Param Marikanka 11:10

Tasba ra iwi uplika nani ba naha wâl pruan na dukiara lilia baman kabia. Witin nani lilia tara dauki, pana pana ai walka ra prisant blîkbia; kan baha witniska wâl Gâd dahra aisi nani kan ba mita, witin nani ra uya rausauhki kan bamna.

Param Marikanka 18:7

Witin ai wîna ra aimayuni ai liliaka tanis brin ba baku, sim daukan ba mana kat yas, witin ra latwan bara rausauhkan sin yas. Kan witin ai kupia ra wisa: ‘Yang lika nahara kwin mairin baku iwisna; piarka apia sni, latwan sin wahwamna apia.’