Jan 16:2 - DAWAN BÎLA AISKA

² Ju nani priaska watla nani wina mai kangbi mai sâkbia, bara ban sin piua kum balbia ani uplika mita mai ikbia ba, witin lukbia baha ni Gâd warkka daukisa.

Jan 16:2 ပူးပေါင်းရင်းမြစ်များ

Aiseya 65:5

Witin nani wisa: ‘Man nani bâra takasks, yang laimara balpara; kan yang kau holi sna man ba wal. Baha uplika nani ba sika pauta klauhan aswi ban sa; ai munisa kiasma wan kakma ra kisni dauki ba baku.

Aiseya 66:5

Dawan dîa aisi ba man nani wals, man nani bui witin ai bîla kulkisma ba: “Muihkam nani tila misbara mai kaiki ba, rau mai sauhki ba yang ra puram sunisma ba tâwan, witin nani aisisa: ‘Nanara Dawan ba wan marikbia ai mayunra ba; witin nani ba lilia kaka kaikaia want sna.’ Sakuna baha nani ba swira lâka ra takaskbia.

Daniel 11:33

Upla sinskira nani tawan ra ba bui upla ailal ra smalkbia, sakuna piua wiria ningkara baha nani sut ra ikbia, bara pauta ra angkbia, diara nani bri ba sut sin implikbia, tasba kakaira apia nani ra yaka alba nani takbia. Baha ba baku kabia piua kumi ra.

Matiu 10:28

Man nani ra mai ikaia sip nani ba ra sibrin lukpara, witin nani karnika âpu sa rayakam ban kaia ra man nani ra mai ikaia bara hil pauta ra mai sauhkaia ban kaia ra, bahara sibrin luks.

Matiu 24:9

“Bara upla nani mita mai alki rau mai sauhkaia mai mangkbia, bara mai ikbia, bara upla sut mita yang tâiwan misbara mai kaikbia.

Luk 6:22

“Liliam bas man nani upla nani misbara mai kaiki ba ra, mai kangbi mai saki, bara lamhtubi, swiram dauki bahki sin mai alki diara saura baku mai munbia, Upla Luhpia Waitna tâwan.

Jan 12:42

Ban sakuna Ju ailal Jisas ra kasak lukan, ban sin Ju wihtka nani sin; sakuna parisi nani sîa upla nani mawanra param aisaras kan, prias watla wina kra kangbi sâkbiara sîa.

Jan 16:25

“Bamna yang naha diara nani mai wîri sa, diara wala wal praki muni; sakuna piua kum aimakbia, kli yang bui man nani ra maprika ra aisamna apia, kuna Aisa tânka ba param pali mai wimna.

Jan 16:32

Bamna awarka ba aula bara baha awarka ba lika nanara pali, man nani aihka aihka mai yakaban kabia, bamna yang na yakan ai swi banhbia. Sakuna yakan apia sna, kan Aisa ba yang wal sa.

Jan 4:21

Jisas pana win: —Mairin, yang ra pain ai wals, piua ba aula bara man nani Aisa ra puram suni mayuni kama naha ilka ra balras kira, baku sin Jerusalem ra waras kira.

Jan 4:23

Piua ba aula, bara baha ba nanara pali sika, bara Aisa ra ai pura suni mayuni banhwi ba lika, ai pura suni mayunbia kasak tânka ra bara Spirit ra sin. Aisa ba baku brin daukisa, witin ra ai pura suni mayuni banhwi ba baku daukbia.

Jan 9:22

Aisika bara yaptika wal sibrin kan ba mita baku aisin, kan Ju nani pat lâ daukan kan, ya mita Jisas ba Misaya sa wibia kaka, prias watla ba wina kangbi sakaia.

Jan 9:34

Bara witin nani win: —Man lika saurka lâka wina aisubi takram, ¿bamna yang nani ra ai smalkaia lukisma ki? Bamna witin nani Ju nani priaska watla ba wina waitnika ba kangbi sakan.

Apastil Nani Sturka 5:33

Aidrubanka uplika nani sut naha walan ba ra, ai kupia baikan bara ban sin apastil nani ra ikaia lukan.

Apastil Nani Sturka 7:56

Bara win: —¡Man nani kaiks! Yang kasbrika pura ba kwawan kan kaikisni, bara Upla Luhpia Waitna ba sin Gâd mihta aihkika ra buisa.

1 Korint 4:13

Yang nani ninira saura aisisa, sakuna pana kupi takaski âpu witin nani ra smalkisna. Naiwa yua pali kat, upla nani mita naha tasba dipastika bara upla nani tâski saki lulki ba baku wan kulkisa.

Pilipai 3:6

karna mamunra pali kapri bamna, serts uplika nani nina bliki rausauhki katna. Moses lâka bîla kat alki wan rayaka wapni bri kaia ba mapara, yang lika pât kumi sin âpu kapri.

Param Marikanka 6:9

Sîp Luhpia ba sîl matsip ba krikan ba ra, altar mununhtara Gâd sturka yamni tâwan bara baha witniska nani taki kan tâwan ikan sulka ba kaikri.

Wihta Nani 6:30

—Luhpiam waitna ba latara sâks, yang nani witin ba ikaisna. ¡Baal altarka kata ba witin mita saki mâyara swin, bara upla bahara ai pura suni dusa altar lamara kata ba sin!