Jan 15:8 - DAWAN BÎLA AISKA

⁸ Bamna man nani mâ manis sakuma ba ra, Aisiki ba mayunra brisa, bara baha ba mita marikisma man nani ba kasak disaipilki nani sma.

Jan 15:8 ပူးပေါင်းရင်းမြစ်များ

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Hageo 1:8

Man nani il nani tilara was, baha wina dus nani klaki bri bal, bara tempel ba kli raya mâki banhs, yang bahara âiyapah taki bâra yang praina ba mamrikamni.

Matiu 5:16

Baku sin, man nani yarka ingnikam upla sut mawanra ingbia, bara diara yamni dauki banhwisma ba kaiki, witin nani mita kasbrika purara bâra ba mayunbia.

Matiu 5:44

Sakuna, nanara yang mai wisna: Waihlam nani ra latwan kaiki bas bara rau mai sauhki nani dukiara sin puram suns.

Matiu 9:8

Upla nani naha kaikan ba ra, sirang iwi banhwan, bara Gâd ra mayunan upla nani ra baku karnika yaban ba dukiara.

Luk 6:35

Sakuna man nani lika waihlam nani ra latwan kaikaia sma, yamni sin munaia, bara diara lin munisma kaka, kli briaia bîla kaikpara. Baku lika mamna tara brima, bara Gâd Laih Purara iwi ba luhpia nani kama, kan witin lika latwankira sa, tingki lukras nani bara saurakira nani mapa ra sin.

Jan 13:35

Man nani pana pana walkam ra latwan kaikisma kaka, upla sut kaikbia man nani ba yang disaipilki nani sma.

Jan 15:5

“Yang sika wain kiwka ba, bara man nani lika tnawa nani sma. Bara ani uplika yang wal asla ban ba, yang sin witin wal asla sna, bara baku lika witin ai mâ manis sakisa; baku bamna yang âpu kira man nani sip diara daukras.

Jan 8:31

Ju nani kasak luki banhwan ba sut ra Jisas mita win: —Dîa mai wisna ba kat kasak kama kaka, man nani ba kasak yang disaipilki nani kama.

1 Korint 10:31

Baku bamna, pi banhwisma sapa, di banhwisma sapa, dîa dîa daukisma sapa, sut ba Gâd prana dukiara dauki bas.

1 Korint 6:20

Gâd mita mana kum ni mai atkan sa. Baha mita man nani, wînam ra Gâd ra pain kulkaia sma.

Pilipai 1:11

Bara Jisas Kraist mita rayakam wina daukanka yamni baman sâkbia, Gâd ra mayuni prana daukaia dukiara.

Taitus 2:10

implikbiara, sakuna baha nani ra marikbia, witin nani ba upla pain, kasak lâka sin brisa. Bara baku mika, witin nani dîa dauki ba kat upla nani mita kaiki, Gâd wan Sasakra smalkanka ba painkira sa wibia.

Taitus 2:5

ai sinska yamni bri kaia, sunu kaia, ai watla warkka nani pain dauki kaia, yamnikira nani kaia, ai maya waitna nani bîla wali dauki kaia, bara baku lika upla kumi mita sin Gâd sturka yamni ba mapara saura aisabia apia.

1 Pita 2:12

Gâd ra kakaira apia nani tilara pain watauki bas. Baku, witin nani bui mampara man nani ba lâ sasauhkra nani baku damhra sâkbia ba ra, daukankam pain nani ba kaiki, Gâd ra mayuni kabia, witin bal tânkam dukiara mamkabi walbia yua ra.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.