Jan 15:6 - DAWAN BÎLA AISKA

⁶ Bamna ani uplika yang wal ban asla apia ba, saki latara lulkan kabia, bara lâwbia sin dus tnawa kumi lâwan wahbi, pauta ra lulkan ami ba baku.

Jan 15:6 ပူးပေါင်းရင်းမြစ်များ

2 Samuil 23:7

Baha nani ra kangbaia kaka, ayan briaia, apia kaka langsa dusa kum, baha nani ba pauta klauhan ra lulkaia sut ami âpu takbia dukiara.”

Job 15:30

Tihmia ba wina sip swak takbia apia, inta wahia kumi urhwi takaia kan pauta mita angki ba baku, ai tangnika nani ba pâsa mita dakbi ba baku sin.

Lawana Nani 80:15

naha wain kiwka man bui mangkatma ba urhwi takuya, baha sika man pali bui bapram ba.

Aiseya 14:19

sakuna man lika raiti wina mai saki lulkan kabia, tâski sirpi kum, saura aisawan ba baku, pruan nani upla baha purara taibi baku, upla âikra nani tilara nana dakban ba, albangka nani ra lulkan sa, walpa nani ailal tilara.

Aiseya 27:10

Tawan tara karnakira nani ba bîla man swin kabia, utla kum upla dimras watla ba baku, upla âpu baku bîla man kabia. Bîp lupia nani ba bahara twi pi kabia, bahara bawi wakabi kabia, tnawa nani ba sin sut kriki âpu daukbia.

Isikiel 17:9

“Bara yang bîli witin nani ra wis: ‘Dawan naku wisa: Naha wainka kiwka na mâ sâkbia apia, yakal kaina manis bal wakia ba daikbia. Bara mâ nani ba yaka kauhbia; upla wiria bara tâ baikanka wiria wal wakia ba daikbia, bara slaunhka raya nani taki ba sut lâwbia.

Matiu 13:41

Upla Luhpia Waitna mita insal nani blîkbia bara witin nani mita Gâd king aimaki tasbaya ba wina, upla wala nani ra saura lâka ra bataki nani ba, bara saura dadaukra nani ba sut asla wahbia.

Matiu 27:5

Bara Judas lalahka ba tempel ra lulki si, mahka taki wih, ailangki pruan.

Matiu 3:10

Asa ba dus nani klaki batakaia pat ridi sa, bara ani dusa mâ pain sakras ba, klaki pauta ra lulkka ambia.

Matiu 7:19

Ani dus mâ pain sakras ba, klaki dakbi pauta ra angkisa.

Jan 15:2

Witin mita ani tnawa sip ai mâ sakras ba klaki sakisa, sakuna ani tnawa ai mâ saki ba lika dauhbi klin daukisa, ai mâ kau sâkbia dukiara.

Hibru Nani 10:27

Yawan diara wala âpu sa, lâ daukan sibrinkira pali ba bîla kaikaia baman, bara pauta klauhan laptikira ba, Gâd waihla nani angki tikaia ba sin.

2 Pita 2:20

Baku sin, baha nani wan Dawan Sasakra Jisas Kraist wal kakaira takan ba, witin nani lika naha tasba tâskika wina swak takan sa, sakuna baha diara tâski nani ba mita kli blaki pura lubia kaka, witin nani lika kanra kata ba wal kau saura takan sa.

1 Jan 2:19

Witin nani ba lika yawan wan tila wina takan sakuna kasak pali mai wisna, baha nani ba yawan nani wina apia sa, kan yawan wina kata, witin nani yawan wal ban kaia kan. Sakuna baha ba baku ban takan, upla nani mita param kaikbia dukiara, baha nani ba kasak pali yawan wan tila na wina apia sa.

Param Marikanka 20:15

Ani uplika nina raya kaia wauhkataya ra ulbras kan ba, pauta lakni lakunka ra lulkan kata.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”