Jan 15:5 - DAWAN BÎLA AISKA

⁵ “Yang sika wain kiwka ba, bara man nani lika tnawa nani sma. Bara ani uplika yang wal asla ban ba, yang sin witin wal asla sna, bara baku lika witin ai mâ manis sakisa; baku bamna yang âpu kira man nani sip diara daukras.

Jan 15:5 ပူးပေါင်းရင်းမြစ်များ

Sins Lâka 11:30

Kasakka lâka ba rayaka yabisa, karnika ni sauhki tiki ba lika rayaka sakisa.

Oseas 4:8

Upliki nani saura dauki ba lal mana wina, witin nani raya sa; baha mita witin nani brin daukisa, upliki nani ba kau saura dauki kabia.

Matiu 13:21

sakuna plamaika aitani tihu apia bamna, aihwa sip ban takaskras; bara sturi yamni ba tâwan trabil nani bara rausauhkan nani brisa piua ra, witin nani ba batakan sa.

Jan 12:24

Kasak pali yang mai wisni, plawar mâ kumi tasba ra mangkan ba pruras sa kaka, piua bani ban mâ kumi baman kabia; sakuna tasba ra mangkan ba prubia kaka lika, mâ ailal pali sakaia sip sa.

Jan 15:16

Man nani mita yang na bâk saki ai briras katma; sakuna yang mita man nani ba bâk saki mai briri, bamna man nani mahka taki wih mâ ailal sâkma ba dukiara, bara baha mâ sin ban kaia. Baku lika dîa dîa yang nini mâki Aisa ra makama ba sut maikbia.

Jan 5:19

Bamna Jisas bila baha nani ra win: “Yang kasak pali man nani ra wisna, Gâd Luhpia ba witin yakan diara daukras sa, sakuna Aisa dîa daukan kaikan ba sika, witin daukisa. Diara sut Aisa mita dauki ba, Luhpia sin daukisa.

Jan 9:33

Naha waitnika na Gâd wina balras kan kaka, witin diara kumi sin sip daukaia apia kan.

Apastil Nani Sturka 4:12

Upla wala bâk swaki wan sakan lâka briaia ba âpu sa, kan Gâd mita naha tasba ra nina wala kum mâki wankras sa, swaki wan sakaia ba dukiara.

Roman 12:5

Baku sin, yawan na ailal sa, sakuna Kraist ra prakan ba ra, wîna kumi baman takan sa, bara yawan bani wala wal asla wan prakan sa, wîna tara kumi sirpika nani wal asla ba baku.

Roman 6:22

Kuna nanara lika, saurka lâka nani ba wina pri takram, bara Gâd napakanka ni takram sa. Naha lika diara pain mai brih aula, kan Gâd tani ra rayaka kumi holi lâka kaia ba maikisa, bara tnata ra raya ban kaia lâka ba mata mai brih auya.

Roman 7:4

Baha baku natka ra, yang muihki laitwankira nani, Kraist pruanka ba mita man nani sin witin wal pruram lâ ba mapara, waitna wala maya takaia dukiara. Nanara man nani Kraist dukia atia sma witin pruan wina buan ba, baku natka ra wan rayaka na Gâd mawanra diara pain kaia.

1 Korint 10:16

Yamni munan kapka wina yawan di ba ra Gâd ra tingki wisa, yawan Kraist aikuki kumi takisa witin ai tâlia ra; yawan brit kriki ba pi ba ra, yawan Kraist aikuki kumi takisa ai wîna ra.

1 Korint 12:12

Kan Kraist ba lika wîna tara kum baku sa, bara baha ba wîna sirpika ailal brisa; baha wîna sirpika nani ba ailal sa sakuna, wîna tara kumi daukisa.

1 Korint 12:27

Baku bamna, man nani sut lika Kraist wîna tara nani sma, bara kumi bani baha wîna sirpika kum sma.

2 Korint 13:8

Kan yang nani diara kasak ba mapara sip diara daukras, sakuna diara kasak ba tâwan aisi kaia lika.

2 Korint 9:10

Bara Gâd, witinka mita saumuk mangkaia bara plun saki piaia sin yabi ba, witin sin namsla ra dîa dîa mangkaia luha sma ba maikbia, bara sip sa yaka pain pâwaia, bara mâ sin manis maikaia warkkam yamni ba dukiara.

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Epesus 5:9

kan ingni ba latwan lâka brih aula, kasakka lâka bara rayaka wapni briaia lâka sin.

Pilipai 1:11

Bara Jisas Kraist mita rayakam wina daukanka yamni baman sâkbia, Gâd ra mayuni prana daukaia dukiara.

Pilipai 4:13

Diara sut mapara karnika brisni, Kraist mita karnika aiki ba mita.

Pilipai 4:17

Yang diara briaia baman lukisna dukiara lika apia; yang want sna ba lika man nani briaia sma ba kau pura lui bri kama Gâd mawanra.

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

Kolosi 1:6

Man nani ra mai smalkan sturka yamni na, tasba pîska bani ra pâwi ai mâ sin pain sakisa, sim man nani tilamra takan ba baku, Gâd latwan tânka aisin walram ba wina, bara tânka briram naha latwanka lâka na kasak pali sa.

Jems 1:17

diara pain bara kasak nani ba, kasbrika pura ba wina balisa; Gâd kasbrika pura ingnika nani paskan ba mita wankisa. Gâd lika piua bani ban kaia ra ban bâra sa, bara witin mita dista kumi ni sin yawan ra wan madiskras sa.

1 Pita 2:4

Baku bamna, man nani, Dawan lamara bal, walpa rayakira kum baku. Upla nani mita Kraist ba lulki swin, kuna Gâd mapa ra lika walpa bâk saki brin kum sa, bara mana tara brisa.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.