Jan 15:27 - DAWAN BÎLA AISKA

²⁷ Bamna man nani sin yang dukira witnis aisama, kan man nani lika tâ pali piua wina yang wal kapram.

Jan 15:27 ပူးပေါင်းရင်းမြစ်များ

Mark 1:1

Naku sika, Gâd Luhpia Jisas Kraist sturka yamni tâ krikan ba.

Luk 24:48

Man nani sika naha diara nani sut witniska nani sma.

Jan 19:35

Baha uplika naha sturka aisi ba lika, witin pali mita ai nakra ni kaikan, bara diara kasak ba aisisa; bamna witin ai dara pain walisa, dîa aisi ba lika kasak sa; bara baku mika man nani sin kasak lukma.

Jan 21:24

Naha sim disaipilka sika naha diara nani witnis aisi ba bara sin ulban ba. Bamna yawan pain kaikisa, witin aisi ba lika kasak pali sa.

Apastil Nani Sturka 1:8

Sakuna man nani puramra Spirit Holikira balbia ba ra karnika brima, bara yang dukira witnis nani kama Jerusalem ra, Judia tawanka aiska ra, Sameria ra, ban wan tasba wala ra kau laihura ba kat sin.

Apastil Nani Sturka 13:31

Ningkara, yu ailal Jisas latan takan, witin wal Galili wina Jerusalem ra wan nani ra, bara nanara baha nani sika witin dukiara upla nani ra witnis aisi ba.

Apastil Nani Sturka 18:5

Silas bara Timoti wal Macedonia wina balan ba ra, Pal lika ai piua aiska pali yaban, param pali Ju nani ra wiaia sturi yamni ba tânka, Jisas ba Misaya sa.

Apastil Nani Sturka 23:11

Tihmia wala ra, Dawan mita Pal ra bal win: “Pal, kupiam karna bri bas; Jerusalem ra, yang witniski aisaram ba baku, man Rom ra sin aisama.”

Apastil Nani Sturka 3:15

Baku, raya kaia lâka wankaia sip uplika ba man nani mita ikram. Ban sakuna, Gâd bui witin ba pruan wina kli bukan, bara yang nani sika baha witniska nani.

Apastil Nani Sturka 4:20

Bamna yang nani sip apia, diara nani kaikri ba bara walri ba sin aisaras kaia.

Apastil Nani Sturka 4:33

Apastil nani lika karnika uya wal Dawan Jisas raiti wina buan ba dukiara witnis aisi kan, bara Gâd mita sin uya pali yamni munan kata.

1 Pita 5:1

Nanara man nani daknikam tilara almuk nani bâra ba kupia kraukanka yabisni, kan yang na sin witin nani wal baku almuk kum sna. Yang na Kraist pât wahwanka nani witniska sna, bara naika takaia prana ba witin nani wal aikuki asla brimna.

1 Pita 5:12

Silvano hilpka ni, witinka muihni kasakkira kum kulkisna ba, naha wauhkataya bîla prahni na mai ulbisna. Yang want sna man nani tâm baikaia bara witnis taki pali sin mai wisna: yamnika nani briram ba lika, Gâd latwanka tânka kasak ba sika. ¡Baha ba kat bapi bûi bas!

1 Jan 4:14

Yawan pali mita baha ba kaikan, bara param aisi wisa: Aisa ba kasak ai Luhpia blikan, naha tasba ra iwi uplika nani ba swaki sakaia.

Param Marikanka 1:2

Diara nani Gâd bîla aisaia dukiara, Jisas Kraist mita marikan witin kaikan ba sut witniska ba kasak aisin.

Param Marikanka 1:9

Yang Jan, man nani muihkam sna, bara man nani wal aikuki asla sna pât wahwan nani mapa ra, Gâd King aimaki ba lâka ra, bara ban bapi buaia lâka Jisas Kraist mita wanki ba ra sin. Kî dakura kum nina Patmos wi ba ra lulki ai swin kan, Gâd sturka yamni aisi smalkri ba tâwan, bara Jisas Kraist witniska aisari ba tâwan sin.