Jan 15:24 - DAWAN BÎLA AISKA

²⁴ Naha tasba uplika nani ba pâtkas kaia kan, upla wala nani mita sip daukras dukia nani ba witin nani tilara daukras katna kaka; sakuna naha diara sut pali kaiki banhwan sakuna, ban misbara ai kaikisa bara Aisiki ra sin misbara kaikisa.

Jan 15:24 ပူးပေါင်းရင်းမြစ်များ

Lawana Nani 81:15

Dawan ra misbara kaiki ba sut sirang iwi kauhaia kan, bara ai pâtka ra kauhanka ba sîl mangki swiaia kapri.

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Sins Lâka 8:36

Sakuna yang wina sait ra takaia ba lika rayakam ba pât ra mangkisma; ¡misbara ai kaikma kaka, prura ra latwan kaikisma!”

Matiu 11:5

Wis nahki kaikras nani kaiki ba, skahwa nani wapi ba, liparkira nani rakan sa, kiama prawan nani ba walaia sip sa, pruan nani ba kli bukan sa, bara umpira nani ra sturi yamni ba smalkan sa.

Matiu 21:32

Kan Jan Tatahbra ba man nani ra mai smalki balan nahki iwaia sma ba, sakuna man nani bui witin ra kasak lukras katma; sakuna lal mana saki nani bara rug mairin nani lika witin ra kasak lukan. Man nani naha kaikram, sakuna kupiam laki banhras witin ra kasak lukaia dukiara.

Matiu 9:33

Jisas mita pirit saura ba latara kangbi sakan wal baku, bîlas ba mahka sturi aisin. Bamna upla nani ba tâ iwi, naku aisan: —¡Yawan Israel tasbaya ra nahmuna dukia kau kaikras!

Mark 2:12

Baha siknis kata ba mahka buan, ai krikrika ba brih, baha wina mahka taki wan upla sut mawanku. Naha mita upla sut tâ iwi, Gâd ra mayunan, naku wisi: —Yang nani kau naku pali diara kum kaikras.

Luk 24:19

Pana witin bila: —¿Dîa takan ki? Witin nani bila: —Jisas Nasaret wina ba dukiara sika, witin lika prapit karnakira kata, diara daukaia mapa ra bara aisaia mapa ra sin, Gâd mawanra bara upla nani mawanra sin.

Jan 10:32

Bamna Jisas mita witin nani ra win: —Aisiki karnika mita man nani mamwanra diara manis pain daukri; ¿ani pali dukia ba tâwan walpa ni ai sabaisma ki?

Jan 10:37

Aisiki dîa dîa dauki dukia nani ba daukras sna kaka, man nani ba yang ra ai lukpara.

Jan 12:10

Bara prîs tara nani mita lâ daukan Lasarus ba sin ikaia.

Jan 12:45

Bamna ani uplika yang ai kaiki ba, Aisa ai blikan ba ra sin kaikisa.

Jan 14:9

Jisas pana win: —Pilip, nahki piua wihka yang lika man nani wal sna, ¿bara kau ai kakaira apia sma ki? Ani uplika yang ai kaiki ba, Aisiki ra sin kaikisa; ¿bamna, dîa muni Aisa ba kaikaia makabisma?

Jan 15:21

Naha diara sut yang tâiwan man nani ra mai munan kabia, kan naha tasba wina uplika nani mita, witinka yang ai blikan ba kakaira apia sa.

Jan 15:22

“Witin nani ba pâtkira kaia apia kan, yang na bal witin nani ra smalkras katna kaka. Kuna nanara ai saurka ba dukiara sip pâtkas kulkan kabia apia.

Jan 15:23

Bamna ani uplika yang ra misbara ai kaiki ba, Aisiki ra sin misbara kaikisa.

Jan 16:9

¿Ya ba saura dadaukra?: baha lika yang ra kasak lukras uplika ba;

Jan 3:2

Tihmia kan ba ra, Nikudimus ba Jisas kaikaia wan, bara naku win: —Smasmalkra, yang nani kaikisna wan smalkaia dukiara, Gâd mita man ba mai blikan sa; kan upla âpu sa sain aihka nani daukaia, man daukisma ba baku, Gâd ba witin wal apia sa kaka.

Jan 5:36

Sakuna yang witniski kum brisna, Jan ba wal kau tara sa. Diara nani daukisna ba, baha daukamna wisi Aisa mita mihti ra mangkan bamna, param mamrikisa yang na, Aisa mita ai blikan sa.

Jan 6:36

Kuna pat mai wîri ba baku, man nani ai kaikram, sakuna man nani kasak lukras sma.

Jan 7:31

Sakuna upla ailal Jisas ra kasak luki, naku win: —¿Bara Misaya balbia ba ra, naha waitnika na wal, kau sain ailal daukbia ki?

Jan 9:32

Tasba paskan piua ba wina, upla kum mita, nahki upla kum aisubi takan piua wina nakras kan ba, nakra yabi ba sturka kau yawan walras sa.

Jan 9:41

Bamna Jisas pana win: —Man nani sut namkra aisawan kan kata kaka, saurka luha banhwi kaia kapram. Sakuna man nani namkra pain bri banhwisma wisma bamna, pâtkira atia sma.

Apastil Nani Sturka 10:38

Man nani kaikisma Gâd Jisas Nasaret wina bara Spirit Holikira karnika yan ba, witinka diara pain man dauki tauki kan, bara baha nani dibil karnika mununhtara pât wahwi kan ba sut rakan. Baku daukaia sip kan, Gâd lika witin wal kan bamna.

Apastil Nani Sturka 2:22

“Israel luhpia nani, pliskam naha na pain wals, dîa pali dukiara aisi kamna ba: Baha Jisas Nasaret wina kan ba Gâd mita witin ba waitna painkira kulkan kata, man nani mamwan kat witin mita diara aihka tara nani, sain nani sin daukan. Bara baha tânka ba pain kaikram.

Roman 1:30

Witin nani lika upla wala nani dukiara saura aisisa, Gâd waihla nani, saura aisasara nani, diara lalihkra nani bara kakalra nani, saurka lâka sâtka nani daukaia pliki saki ba, ai aisika nani bîla walras,

Kli Smalkanka 5:9

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni. Baha nani misbara ai kaiki banhwi nani ba luhpia nani ra, mulika nani, snawika nani kat sin klala yabisna bamna,

2 Timoti 3:4

Upla nani ra kunin muni pât ra dingki kabia, ai kupia lukras diara dauki kabia, prautkira nani kabia; Gâd ra plikaia ba watlika ra, ai wîna brinka nani pliki kabia.

Jems 4:4

¡Alai upla sip kasak lukras sma nani ba! ¿Man nani kaikras sma ki, tasba ra latwan kaikaia lâka ba lika, Gâd wal waihla takaia lâka ba? Ya ya tasba ra latwan kaikisa kaka, Gâd wal waihla takisa.