Jan 14:31 - DAWAN BÎLA AISKA

³¹ baha ba baku takaia sa, bamna baku lika tasba uplika nani kaikbia, yang Aisa ra latwan kaikisna bara witin mita daukamna win ba kat daukisna. “Man nani bus. Kaisa naha wina mahka waia.

Jan 14:31 ပူးပေါင်းရင်းမြစ်များ

Lawana Nani 40:8

Yang Dawanki, man kupiam lâka daukaia ba yang liliaki sa, ¡lâmka bîla smalkanka nani ba, yang lukanki ra mangki brih taukisni!

Aiseya 50:5

Dawan ba yang kiaima aikan tânka param walaia, bara yang mapara babura apia kapri bara nini sin laki yaras kapri.

Matiu 26:39

Bara Jisas kan mapara kau wiria wih, ai mawan ra tasba kat kauhi, Gâd ra ai pura suni, win: “Aisiki, sip kaka, yarka yang naha pâtka wahwamnara; sakuna yang want sna ba baku lika apia, man kupiam lâka kat lika.”

Matiu 26:46

Bus, kaisa mahka; waihli mihta ra ai mangki uplika ba pat wan lamara aula.

Luk 12:50

Pât wahwanka saura bâk luaisna ba ra, nahki pât wahwisna ba lika tnata kat brih wabia.

Jan 10:18

Upla kumi sin âpu sa rayaki ba yang wina sakaia, yang kupi wilinkira yamna kaka lika. Baha ba yang yaia sna, kli briaia ba dukiara. Naha sika Aisa mita adar aikan ba.”

Jan 12:27

“¡Bamna nanara, yang kupi ra uya wirha ni ai taiban sa! ¿Bara yang dîa aisamna ki? Wimni: ‘Aisa, ¿naha kupi wirha taibanka wina swaki ai sâks’? ¡Sakuna naha pali dukiara sika yang balri ba!

Jan 12:49

Kan yang yakan lukanki wina mai wiras, sakuna Aisa ai blikan ba adarka kat smalkisna.

Jan 13:1

Insal luan yua Liliaka ba yauhka baku aimakaia kan, bara Jisas kaikan witin naha tasba na swi si, ai Aisa ra waia awarka ba aimakan kan. Witin ai uplika nani naha tasba ra kan ba sut ra ban latwan kaikan, bamna nanara ai latwanka lâka kau tara pali takan ba sin mariki kan.

Jan 15:9

Aisa mita latwan ai kaiki ba baku, yang bui man nani ra latwan mai kaikisni; baku bamna, yang laitwanka ra ban banhwi bas.

Jan 18:11

Sakuna Jisas mita Pita ra win: —Man sordkam ba kli ai watlika ra mangks. ¿Man lukisma Aisa mita pât wahwamna wisi aikan ba, ban wahwaia apia sna?

Jan 4:34

Sakuna Jisas mita win: —Yang pati sika witinka ai blikan ba kupia lâka daukaia, bara ai warkka sin sut pali daukaia.

Pilipai 2:8

silp ai wîna ba kulkanka yabras, witin bawikira kan, bara ai kiama lihni kan ba mita prura kat wan, bara baha sika witin dus prihni ra pruan ba.