Jan 13:8 - DAWAN BÎLA AISKA

⁸ Sakuna Pita bila: —¡Man bui yang mini lika sip sikma apia! Jisas bila: —Yang bui man minam nani sikbras sna kaka, man sip yang disaipilki kama apia.

Jan 13:8 ပူးပေါင်းရင်းမြစ်များ

Blasi Sturka 42:38

Sakuna Jekob witin nani ra win: —Yang luhpi man nani wal wabia apia. Ai muihni Josep pat pruan, kau witin baman yang wal sa. Yabal ra diara saura kum witin ai mapara daukbia kaka, man nani ba pâtkira kama yang dama takri na, sari lâka tara bri ban pruamna ba ra.

2 Samuil 20:1

Benjamín kiamka wina watawikira kum, nina Sebá bara Bicrí luhpia waitna, Guilgal ra bâra kan. Witin tawan ra maisa pakan war bukaia, bara naku witin aisi kan: “¡Jesé luhpia Debit wal yawan diara briras, wan prapatika sin âpu! ¡Bamna Israel luhpia nani sut wamtla ra was!”

1 King Nani 12:16

Israel luhpia nani sut kaikan king ba witin nani ra walras kan, bara pana naha bîla nani win: “¡Yang nani lika Debit wal diara daukaia âpu! ¡Jesé luhpia prapatika ba wal yang nani diara âpu! ¡Israel luhpia nani, wamtla ra was! ¡Bara Debit lika ai watla uplika ba main kaikbia!” Bamna Israel luhpia nani sut mahka ai watla nani ra wan.

Lawana Nani 51:2

¡Watawiki ba wina sikbi ai sâks! ¡Saurki ba wina sin sikbi ai sâks! Kupiam swapnika lâka tara ni.

Lawana Nani 51:7

Inta wahia kîa pain ba ni, tâskiki sut ba wina sunu ai sâks; sikbi ai sâks, bara wahmuk pinhka baku kau pihni takamna.

Aiseya 4:4

Dawan ba ai karnika ni lâka daukbia bara Saion luhpia nani tâski ra ba sut sikbi sâkbia. Jerusalem ba klin daukbia, witin nani kaiki lâ sahwan ba wina.

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Sakaraya 13:1

“Baha piua ra lî kârma kum takbia, bara baha laya ra Debit kiamka nani, Jerusalem ra iwi nani ba ai saurka nani ba sikbia.

Matiu 16:22

Bara Pita mita Jisas ba tnaya ra saki, lawi dauki, win: —¡Dawan, Gâd baku lika sip daukbia apia! ¡Mampara sip baku takbia apia!

Matiu 21:29

Luhpia ba bila: ‘¡Yang wamna apia!’ Sakuna naika mapa ra ai lukanka sins munan, bara wark takaia wan.

Matiu 26:33

Bara Pita Jisas ra win: —Upla man dukiamra aihka lukbia kra, sakuna yang lika apia.

Matiu 26:35

Pita bila: —Man wal pruaia kamna kra, sakuna mai kaikras lika aisamna apia. Bara disaipil nani sut sim baku aisin.

Jan 13:6

Witin Saiman Pita mina nani mahka sikbaia kan ba ra, Pita win: —Dawan, ¿man bui yang mini nani sikbisma ki?

Jan 13:9

Saiman Pita bila: —¡Ban kaka, Dawan, mini nani baman sikpara, sakuna mihti nani bara laila sin siks!

Jan 3:5

Jisas mita pana win: —Kasak pali mai wisna, ani uplika lî ni bara Spirit wina aisubi takras kaka, witin sip Gâd kingka tasbaya ra dimbia apia.

Apastil Nani Sturka 22:16

Bara nanara, ¿man dîa bîla kaikisma ki? Mahka, yas tahbi mai daukbia, Dawan nina kat luki, saurkam nani sut sikbi sakaia dukiara.’

1 Korint 6:11

Man nani tilam wina tila nani ba baku nani kata. Sakuna man nani ba saurka wina pat klin mai sakan sa, holikira nani sin mai daukan sa, bara Dawan Jisas Kraist nina ba mita bara wan Gâdka Spiritka ba mita sin, kasakkira nani mai kulkan sa.

Epesus 5:26

Kraist naha daukan serts ba holikira sakaia mata, bara lî ni bara ai smalkanka bîla ni klin daukan,

Kli Smalkanka 12:12

Dawan Gâdkam mawanra luhpiam albikam nani aikuki lilia daukma, bara Libait uplika man nani tilamra iwi kabia ba aikuki sin, kan witin nani ba man nani tilamra tasbaya ba wina ai dukia briras bamna.

Kolosi 2:18

Swirka pât ra mai lakbiara baha nani bawikira lâka bri baku, insal nani ra mayuni ba; yarka prisantkam mihtam wina mai dakbi bribiara. Witin nani lika ai nakra ni kaikras dukia ba ra dimi auya, bara ai lukanka ni praut taki puskisa upla lukra ni.

Kolosi 2:23

Kasak pali bahmuna sât dukia bâra sa, sins lâka wankaia talia sa, kan insal nani ra mayuni kulki ba mita, bara kunin tânka wal bawaia lâka bri ba mita sin, wan wîna rausauhkaia ba; sakuna wan wîna brinka pura luaia nani sut ba diara bahki nani sa.

Taitus 3:5

witin swaki wan sakan. Baha ba lika yawan mita diara pain nani kra daukan tâwan lika apia, sakuna umpira wan kaikan ba mita. Sikbi wan sakan bâk witin mita swaki wan sakan, bara baha tânka ba lika, yawan na kli aisubi takan, bara Spirit Holikira mita rayaka raya wankan ba bâk sin.

Hibru Nani 10:22

Baha mita, kaisa yawan wan kupia tânka kunin âpu bara kasak lukan lâka sin kasak pali brih, Gâd lamara waia; kan witin mita wan kupia nani ba klin daukan sa, yawan ba saurka dukiara pâtkira banhwisa lukbia apia dukiara, bara wan wîna tara nani ba lî tâski âpu ni sikban sa.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;

Param Marikanka 7:14

Yang bui wîri: “Dawan, man baman kaikisma; yang lika kaikras.” Bara witin ai wisata: “Naha nani sika trabil tara bâk lui aula ba, bara ai kwalka nani tuskan ba Sîp Luhpia ba tâlia ra pihni daukan sa.