Jan 13:38 - DAWAN BÎLA AISKA

³⁸ Jisas mita pana win: —¿Man ba yang tâiwan rayakam yaia ridi sma ki? Kasak mai wisni, kalila wainhka kau aiwanras ba ra, man aima yumhpa ai kaikras wima.

Jan 13:38 ပူးပေါင်းရင်းမြစ်များ

Sins Lâka 16:18

Praut lâka ninara sauhki tikan lâka sin aula; pura luaia spiritka ba ninara, kauhanka tara sin balisa.

Sins Lâka 28:26

Tanis uplika ba lika witin ai kupia lukan pali kat luki tniwisa, sakuna sins lâka ra dauki watauki uplika lika swaki sakan kabia.

Sins Lâka 29:23

Upla prautkira ai prautka mita witin ba tasba ra batakbia, kuna ai spiritka ra mâyara bawi uplika ba mayunra alkbia.

Matiu 26:34

Bara Jisas witin ra win: —Kasak pali mai wisna, naha sim tihmika kau kalila aiwanras ba ra, man aima yumhpa ai kaikras wima.

Mark 14:30

Sakuna Jisas Pita ra win: —Naha diara na âmya tikpara. Sim naha tihmika ra, kau kalila aima wâl aiwanras ba ra, man aima yumhpa yang ai kaikras wima.

Luk 22:33

Saiman bila: —Dawan, yang ridi sni man wal silak ra waia, bara pruaia sin.

Luk 22:34

Bamna Jisas bila: —Pita, yang mai wisna, man naiwa kau kalila wainhka aiwanras ba ra, aima yumhpa wima yang ai kaikras.

Jan 16:31

Jisas pana win: —¿Baku bamna, nanara man nani kasak lukisma ki?

Jan 21:17

Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.

Apastil Nani Sturka 11:10

Naha diara na aima yumhpa takan ba ningkara, diara nani sut kli kasbrika purara brih wan.

1 Korint 10:12

Baku bamna, ani uplika witin ba pain bapi buisa luki kaka, aman kaikbia kauhaia apia dukiara.