Jan 13:2 - DAWAN BÎLA AISKA

^2-4 Jisas ai disaipilka nani aikuki tutni pata pi kan ba ra Judas, Saiman Iskariot luhpia ba, Jisas waihla mihta ra mangkaia lukanka ba dibil mita pat kupia ra mangkan kan. Jisas kaikan ai Aisika mita witin ra karnika aiska pali ba yan sa, bara witin sin Gâd wina balan bara kli Gâd ra auya. Bamna Jisas tibil wina bûi, ai pura kwalka ba saki swi si, kwala pîs kum brih ai maisa ra wilkan.

Jan 13:2 ပူးပေါင်းရင်းမြစ်များ

Esdras 7:27

Bamna Esdras naku ai pura sunan: “Dawan ba yamni pali kabia, wan aisika nani Gâdka ba, witin mita king kupia ra mangkan, Dawan watla Jerusalem ra ba pain kulkaia.

Nihimaya 2:12

tihmia ra buri, yang bara waitna wala nani kulki aikuki. Sakuna upla kumi ra sin kau param wiras kapri, Gâd bui yang kupi ra mangkan ba, Jerusalem dukiara yang dîa daukaisna ba. Yang sin diara wala brih waras kapri, biriku uli wari ba baman.

Matiu 10:4

Saiman Kena wina ba, bara Judas Iskariot ba, kau naika Jisas ra waihla mihta ra mangkan ba.

Luk 22:3

Bamna Sitan ba Judas kupia ra diman, witinka ba apastil 12 ba wina kumi kata, ai nina ba Iskariot mâki banhwi kata.

Luk 22:31

Bara Dawan naha sin aisin: —Saiman, Saiman, kaiks Sitan man nani ba makaban sa sim plawar mâ baku mai singbaia dukiara.

Jan 13:11

Jisas win: “Man nani sut lika klin apia sma”, kan witin pain kaikan ya mita ai waihla mihta ra mangkbia ba.

Apastil Nani Sturka 5:3

Bara Pita bui Ananías ra win: —¿Dîa muni swiram Sitan mita man kupiam alkan Spirit Holikira ra kunin munaia, bara tasba atkram lalahka ba wina bakriki briaia?

2 Korint 8:16

Bamna Gâd ra tingki wisna, yang kupi ra dîa man nani dukiamra luki kapri ba, baha sim lukanka witin Taitus kupia ra sin mangkan.

Epesus 2:3

Piua luan ra yawan sut lika baha nani wal baku iwi kan, wan daukanka nani nina bliki kan, wan wîna tara bara wan kupia lukra brinka ba kat sin dauki kan. Baha mita klala saura pali Gâd wina ba, wan dukia kan, sim wala nani wal baku.

Param Marikanka 17:17

Gâd mita witin nani kupia ra mangkan witin kupia lâka daukaia, baha nani wal ai lukanka kumi daukan bamna, bara daiwan saura ba ra king nani karnika yan ba mita, Gâd bîla nani aisan ba aimakbia ba kat.