Jan 12:42 - DAWAN BÎLA AISKA

⁴² Ban sakuna Ju ailal Jisas ra kasak lukan, ban sin Ju wihtka nani sin; sakuna parisi nani sîa upla nani mawanra param aisaras kan, prias watla wina kra kangbi sâkbiara sîa.

Jan 12:42 ပူးပေါင်းရင်းမြစ်များ

Sins Lâka 29:25

Upla ra uya sibrin briaia ba wan mina alkaia kiwka wan mangkisa, sakuna Dawan ra luki tniwi uplika ba laih purara bukan kabia.

Aiseya 51:7

“Yang ra ai wals, man nani kasakka lâka kakaira sma ba, upliki nani lâika nani bîla kaikanka brisma ba. Swappara witin nani saura mai wi ba dukiara,

Aiseya 57:11

“¿Baha gâdka nani ba ya sa, bahara man sibrinkira mayuni kapram ba, bara man bui yang maipara kasak apia ba bara aiska pali âmya ai tikram ba? Man sin yang ra pain ai kulkras katma ba ra, yang âpu baku sâp katna.

Aiseya 66:5

Dawan dîa aisi ba man nani wals, man nani bui witin ai bîla kulkisma ba: “Muihkam nani tila misbara mai kaiki ba, rau mai sauhki ba yang ra puram sunisma ba tâwan, witin nani aisisa: ‘Nanara Dawan ba wan marikbia ai mayunra ba; witin nani ba lilia kaka kaikaia want sna.’ Sakuna baha nani ba swira lâka ra takaskbia.

Jirimaya 38:19

Sedequías pana witin ra win: —Sakuna yang sibrin ai daukisa, kan Ju nani tila sin Caldea uplika nani tilara dimi aiklabisa, bara baha nani ai alkbia kaka ai sauhkbia.

Matiu 10:32

“Upla kum kra yang daihra upla nani mawanra latan aisabia kaka, yang sin Aisiki kasbrika purara ba mawanra ai dahra latan aisamna.

Luk 12:8

“Yang bui man nani ra mai wisna, ani uplika mita upla wala nani mawanra yang ra lukisa dukiara param aisabia ba, Upla Luhpia Waitna mita Gâd insalka nani mawanra witin ra lukisna dukiara param aisamna.

Luk 23:13

Bamna Pailat mita prîs tara nani, wihta nani bara upla nani sut asla paiwi,

Luk 6:22

“Liliam bas man nani upla nani misbara mai kaiki ba ra, mai kangbi mai saki, bara lamhtubi, swiram dauki bahki sin mai alki diara saura baku mai munbia, Upla Luhpia Waitna tâwan.

Jan 11:45

Naha tâka mita, Meri yula kahbi aidrubi balan kan Ju nani wina ailal, baha nani Jisas ra kasak lukan, kan witin nani lika Jisas diara daukan ba kaiki banhwan bamna.

Jan 12:11

Kan Lasarus tâka mita, Ju ailal pali witin nani wina dakwi taki kan, Jisas ra kasak lukaia dukiara.

Jan 16:2

Ju nani priaska watla nani wina mai kangbi mai sâkbia, bara ban sin piua kum balbia ani uplika mita mai ikbia ba, witin lukbia baha ni Gâd warkka daukisa.

Jan 19:38

Naha diara ningkara, Josep Arimatea tawanka wina ba mita, Pailat ra wih Jisas wîna tara ba brih waia makaban. Baha Josepka lika Jisas disaipilka kumi kata, sakuna yukuwi ra kan Ju nani sîa. Pailat mita âu win, bamna Josep wih Jisas wîna tara ba brih wan.

Jan 3:2

Tihmia kan ba ra, Nikudimus ba Jisas kaikaia wan, bara naku win: —Smasmalkra, yang nani kaikisna wan smalkaia dukiara, Gâd mita man ba mai blikan sa; kan upla âpu sa sain aihka nani daukaia, man daukisma ba baku, Gâd ba witin wal apia sa kaka.

Jan 7:13

Sakuna upla kumi sin param taki aisaras kan, Ju nani ra sibrin luki kan bamna.

Jan 7:31

Sakuna upla ailal Jisas ra kasak luki, naku win: —¿Bara Misaya balbia ba ra, naha waitnika na wal, kau sain ailal daukbia ki?

Jan 9:22

Aisika bara yaptika wal sibrin kan ba mita baku aisin, kan Ju nani pat lâ daukan kan, ya mita Jisas ba Misaya sa wibia kaka, prias watla ba wina kangbi sakaia.

Jan 9:34

Bara witin nani win: —Man lika saurka lâka wina aisubi takram, ¿bamna yang nani ra ai smalkaia lukisma ki? Bamna witin nani Ju nani priaska watla ba wina waitnika ba kangbi sakan.

Apastil Nani Sturka 5:41

Apastil nani lika lâ wihtka nani mawan wina liliakira pali taki wan, kan Gâd mita adar yan kata, witin nani ba Jisas nina tâwan swira bara pât wahwaia sin.

Roman 10:10

Bamna wan kupia ni kasak lukisa Gâd mita kasakkira wan kulkaia, bara wan bîla ni Jisas Kraist ba kakaira sa tânka ba param aisisa, swaki wan sakaia.

1 Jan 4:15

Baha mita, ani uplika Jisas ba kasak Gâd Luhpia sa wisa kaka, baha uplika lika kasak Gâd ra iwisa bara Gâd pana baha uplika ra iwisa.

1 Jan 4:2

Bamna naha tânka bâk kaikaia sip sma, Gâd Spiritka bri aisi uplika ba: ani uplika Jisas Kraist ba kasak upla natka ra naha tasba ra balan dahra param aisi ba, baha ba Gâd Spiritka brisa.